زیرک کے پسندیدہ اشعار

[زیرک]

پسپا ہوئے تنہائی کی یلغار سے جب بھی
ہم شہر میں آوارہ پھِرے رات گئے تک
فرحت عباس شاہ​

 

[زیرک]

گنہگار تو شاید، مانگ لیں معافی
حساب، پارساؤں کا مشکل ہو گا​

 

[زیرک]

ہمارا اس سے بچھڑنا بھی رائیگاں ہی گیا
اسے ٹھکانا ملا ہے، نہ ہم ٹھکانے لگے​

 

[زیرک]

منہدم ہوتا چلا جاتا ہے دل سال بہ سال
ایسا لگتا ہے گِرہ اب کے برس ٹوٹتی ہے
افتخار عارف​

 

[زیرک]

خلق کی ضد تھی کہ سورج کی گواہی آئے
یک بیک خود مِرے قدموں میں شبِ تار گری
افتخار عارف​

 

[زیرک]

یہ ساری جنتیں، یہ جہنم، عذاب و اجر
ساری قیامتیں اسی دنیا کے دم سے ہیں
افتخار عارف​

 

[زیرک]

رہِ وفا میں ضرر سُود مند ہے یارو
ہے درد اپنی دوا، زہر قند ہے یارو
ضیا فتح آبادی​

 

[زیرک]

بنائی عاقبت اپنی تو پاکبازوں نے
یہ اور بات ہے، دنیا رہی، رہی، نہ رہی
ضیا فتح آبادی​

 

[زیرک]

واعظ! تِری جنت کو ہم نے غمِ ہستی میں
کھو کر ہی اگر پایا، اس پانے کو کیا کہیۓ
ضیا فتح آبادی​

 

[زیرک]

مجھے خبر ہے کہ اپنی خبر نہیں مجھ کو
مِرے سوا بھی کوئی ہوش مند ہے یارو
ضیا فتح آبادی​

 

[زیرک]

پچھلی تعبیر کے چھالے ہیں‌ ابھی پیروں‌ میں‌
پھر نیا خواب سرہانے سے نکل آتا ہے
عاطف جاوید عاطف​

 

[زیرک]

اب کے اگر ارادۂ کُن ہو تو اے خدا
نائب فرشتہ کیجیو دنیا کے واسطے
عاطف جاوید عاطف​

 

[زیرک]

راستے میں آ رہے ہیں جو ندی نالے، نہ دیکھ
منزلوں کی چاہ ہے تو پاؤں کے چھالے نہ دیکھ​

 

[زیرک]

مسافر ہوں خطائیں بھی ہوئیں ہیں مجھ سے
تم ترازو میں مِرے پاؤں کے چھالے رکھنا​

 

[زیرک]

سرد موسم سے کون ڈرتا ہے
سرد لہجوں سے جان جاتی ہے​

 

[زیرک]

ہمیں بھی عافیتِ جاں کا ہے خیال بہت
ہمیں بھی حلقۂ نا مُعتبر میں رکھا جائے​

 

[زیرک]

میں کچھ دن سے اچانک پھر اکیلا پڑ گیا ہوں
نئے موسم میں، اک وحشت پرانی کاٹتی ہے​

 

[زیرک]

زخم کھا کھا کے ہوا یہ بھی تجربہ ہم کو
حد سے بڑھ جائے تو پھر درد سکوں دیتا ہے​

 

[زیرک]

مانا تِرے دیار میں ملتی ہے ہر دوا، مگر
میرے طبیب مان جا، میرا علاج اور ہے
کاظم علی​

 

[زیرک]

تری ہر بات سن لی میں نے
اب میں سچ سننا چاہتا ہوں
کاظم علی​