زیرک کے پسندیدہ اشعار

[زیرک]

میں جانتا ہوں کہ اندر اداسیاں ہوں گی
سو ہنسنے والوں کے چہرے نہیں تکا کرتا
میثم علی آغا​

 

[زیرک]

جس کے بغیر سانس بھی لینا محال تھا
ہم نے تمام عمر ہی اس کے بغیر جی
میثم علی آغا​

 

[زیرک]

بس کہا جائے "سہولت سے جی نہیں پایا"
میری نسلوں کو مِرے دکھ نہ بتائے جائیں
میثم علی آغا​

 

[زیرک]

اِنہیں بتاؤ کہ "یہ بے ضرر قبیلہ ہے"
تمہارے لوگ فقیروں سے بغض رکھتے ہیں
میثم علی آغا​

 

[زیرک]

بہت دنوں سے کسی نے سلام تک نہ کیا
پھر اپنے آپ سے پوچھا 'حضور کیسے ہیں'
میثم علی آغا​

 

[زیرک]

کسے اتنی فراغت دل زدوں کا حال پوچھے
سو ہم بیمار خود اپنی عیادت کر رہے ہیں
حسن عباس رضا​

 

[زیرک]

آدمی جان کے کھاتا ہے محبت میں فریب
خود فریبی ہی محبت کا "صلہ" ہو جیسے
اقبال عظیم​

 

[زیرک]

روشنی مجھ سے گریزاں ہے تو شکوہ بھی نہیں
میرے غم خانے میں کچھ ایسا اندھیرا بھی نہیں
اقبال عظیم​

 

[زیرک]

دامانِ توکل کی یہ خوبی ہے کہ اس میں
پیوند تو ہو سکتے ہیں، دھبے نہیں ہوتے
اقبال عظیم​

 

[زیرک]

جھک کر سلام کرنے میں کیا حرج ہے مگر
سر اتنا مت جھکاؤ کہ دستار گر پڑے
اقبال عظیم​

 

[زیرک]

رہزنوں کا رہبروں سے رابطہ مضبوط ہے
لٹ گیا میرا وطن، اور فیصلہ محفوظ ہے​

 

[زیرک]

رہزن ہیں میرے رہبر، منصف ہیں میرے قاتل
سہہ لوں تو قیامت ہے، کہہ دوں تو بغاوت ہے​

 

[زیرک]

رو پڑوں میں تو مِرے ساتھ بہت روتی ہے
تجھ سے زیادہ تو یہ دیوار سمجھتی ہے مجھے
مجذوب ثاقب​

 

[زیرک]

حاکمِ وقت کے احساں بھی بڑی اوج پہ تھے
جو بھی سچا تھا، وہ گھبرا کے وطن چھوڑ گیا
ثاقب مجذوب​

 

[زیرک]

ایسے چھپنے سے نہ چھپنا ہی تھا بہتر تیرا
تُو ہے پردے میں مگر ذکر ہے گھر گھر تیرا​

 

[زیرک]

زندگی ہی اگر سزا تھی مری
کاٹ لی منصفو! خدا حافظ​

 

[زیرک]

عشق کی راہوں پہ چلنا ہے تو رسوائی نہ دیکھ
تجھ کو پانی میں اترنا ہے تو گہرائی نہ دیکھ
اختر سعیدی​

 

[زیرک]

مدتوں صحرا نوردی کی مِرے اجداد نے
مجھ کو ورثے میں جنونِ آبلہ پائی ملا
اختر سعیدی​

 

[زیرک]

گھر میں رہا تھا کون کہ رخصت کرے ہمیں
چوکھٹ کو الوداع کہا،۔۔۔ اور چل پڑے
مخمور سعیدی​

 

[زیرک]

موم ہو جائے گا پتھر سا یہ دل سینے میں
لمحہ بھر کو کسی پہلو میں پگھل کر دیکھو
مخمور سعیدی​