تیسری سالگرہ سالگرہ کا پلان

[ماوراء]

​

السلام علیکم اہلِ محفل،
ہم نے ان دو ہفتوں کے جشن کے ہر دن مخصوص سلیبریشن کرنے کا سوچا ہے۔ اس مخصوص سلیبریشن کے ساتھ ساتھ ہم روزمرہ کی پوسٹس بغیر کسی رکاوٹ کے جاری رکھیں گے۔ اور ہر سلیبریشن کا انچارج میں نے خود سے ہی بنایا ہے، امید ہے کسی کو کوئی اعتراض نہیں ہو گا۔ اگر ہے تو، آپ بتا سکتے ہیں۔ کچھ دنوں کا پلان کچھ اس طرح ہے۔

سالگرہ کا پہلا دن یعنی آج ۔

آج یقیناً ہم سالگرہ کی مبارک اور اپنے خیالات کا اظہار کرتے ہوئے دن گزاریں گے۔

سالگرہ کا دوسرا دن ۔ ٢ جولائی۔
ایوارڈ ڈے
(ماوراء۔ وارث)

سالگرہ کا تیسرا دن۔ ٣ جولائی۔
کوئز ڈے
(تعبیر۔ ماوراء)

سالگرہ کا چوتھا دن۔ ٤ جولائی۔
پکوان ڈے۔
(حجاب)

سالگرہ کا پانچواں دن۔ ٥ جولائی۔
شعر و سخن ڈے
(سخنور اور وارث)

سالگرہ کا چھٹا دن۔ ٦ جولائی۔
فیشن و ملبوسات ڈے۔
(سارہ خان، بوچھی)

سالگرہ کا ساتواں اور آٹھواں دن۔ ٧ اور ٨ جولائی۔
لائبریری ڈے۔
(شگفتہ)

سالگرہ کا نواں دن ٩ جولائی۔

آرٹ/پکچر/اینیمیشن ڈے
(تعبیر۔ ماوراء)

سالگرہ کا دسواں دن 10 جولائی۔
تفریح ڈے

سالگرہ کا گیارہواں 11 جولائی۔
سافٹوئیر انٹروڈکشن/ڈسکشن ڈے

سالگرہ کا بارہواں دن۔ 12 جولائی۔
ٹیوٹوریل ڈے

سالگرہ کا تیرہواں دن 13 جولائی۔
ڈیزائن اینڈ ڈیویلوپمینٹ کانٹیسٹ ڈے

سالگرہ کا آخری دن۔ 14 جولائی۔
جشنِ محفل ریویو ڈے
​

(ابنِ سعید نے اس کام میں مدد کی ہے، بلکہ اگر یوں کہوں کہ سارا آئیڈیا انہی کا تھا تو زیادہ بہتر ہو گا۔ میں ابنِ سعید کے تعاون کی تہہ دل سے شکر گزار ہوں۔ )

 

[نبیل]

میں نے یہ پوسٹ علیحدہ کر دی تاکہ یہ پلان ذرا نمایاں ہو جائے۔
بہت خوب منصوبہ بندی ہے۔

 

[ماوراء]

شکریہ نبیل بھائی۔

سالگرہ ٹورنامنٹ​

 

[حجاب]

اچھا پلان ہے ماوراء

 

[ابن سعید]

چھٹے دن کے انچارج میں وارث بھائی کا بھی نام لکھ لیجئے ماوراء اپیا۔

 

[فرخ منظور]

بہت اچھا پلان ہے - شکریہ ماوراء

 

[تعبیر]

ماوراء بہت بہت شکریہ آپکے ساتھ کا اب اگے بھی بتاتی رہے گا کہ کیا اور کیسے کرنا ہے


سعود تم کچھ کیوں پیش نہیں کر رہے؟؟؟

 

[ابن سعید]

اپیا میں ان دنوں مصروف اتنا ہوں کہ کیا بتاؤں۔ پھر بھی درپردہ کچھ نہ کچھ کرتا رہتا ہوں۔ میں اپنے کاموں کو ہائلائٹنگ لوکیشنز پہ کم ڈالتا ہوں۔

 

[تعبیر]

ہا دیکھ رہی ہوں کہ آجکل سعود بہت بڑھیا تے ودھیا مشورے دے رہے ہیں
جو کہ ہر ایک کے بس کی بات نہیں

 

[جہانزیب]

ماورا یہ اوپر سب سے پہلی موم بتیاں‌ دکھا کر مسلمانوں‌ کو کیوں‌ اپنے خلاف کرنا ہے؟

 

[ماوراء]

جہانزیب، کیا مسلمان موم بتیاں دیکھ کر ناراض ہو جاتے ہیں؟؟
یا شاید اس کے بارے میں کہہ رہے ہیں؟

اگر آپ ناراض نہیں ہوئے تو باقی بھی انشاءاللہ نہیں ہوں گے۔

 

[جہانزیب]

نہیں‌جو ترتیب اوپر موم بتیوں‌ کی ہے یہ یہودیوں‌ کے تہوار ہانوکا پر لگائی جاتی ہیں‌۔

 

[ماوراء]

جہانزیب، کسی نے نہیں بھی خلاف ہونا تو اب ہو جائے گا۔

 

[ماوراء]

تعبیر، کل کے لیے آپ تیار ہیں کیا؟

 

[ماوراء]

شگفتہ، لائبریری ڈے پر کیا کرنا ہے؟

 

[حجاب]

پکوان ڈے میرے حوالے ہے تو میں اتنا سارا کھانا اکیلی کیسے بناؤں گی ، آگے کا پلان میرا ہے جس کے ذمّے جو کام لگا رہی ہوں ایمانداری سے کرنے ہونگے
کھانے پکانے کی تمام چیزیں اور سوئیٹ ڈشز کی تمام چیزوں کی خریداری شمشاد صاحب کے ذمّے
سعود کے ذمّے پیاز کاٹنا
راہبر کو چاول صاف کرنے ہیں
م م مغل کو مصالحہ پیسنا ہے
سخنور کے ذمّے پیاز فرائی کرنا ہے ، سخنور ذرا خیال رکھیئے گا ایسا نہ ہو آپ سوچ میں گُم ہو جائیں پیاز چولہے پر رکھ کے پیاز جلی تو فائن ہوگا
محسن حجازی کے ذمے بکرا ذبح کرکے گوشت کی بوٹیاں بنانا ، ذرا بڑی بوٹیاں بنائیے گا پلیز قیمہ نہ ہو جائے بکرے کا ، اور نہ ہی بکرے کو مسکرا کے دیکھیئے گا نہ ہی باتیں کرنے کی اجازت ہے بکرے سے آپ کی باتوں کو سُن کر بکرے نے ذبح ہونے سے انکار کر دیا تو بریانی میں صرف آلو ڈالنے پڑیں گے پھر مزہ نہیں آئے گا
خرم شہزاد خرم کے ذمے سلاد بنانا ، خرم پیاز بلکل باریک کاٹیئے گا اور ٹماٹر بھی ذرا اسٹائل کے پھول بنا کے رکھیئے گا سلاد ذرا طریقے سے سجی ہو ایسی کے سب تعریف کریں
چاند بابو آپ کو قیمہ پیسنا ہے کباب کے لیئے بالکل باریک ہو ریشہ الگ رکھیئے گا
وارث کے ذمّے کباب بنا کے فرائی کرنا وارث کباب نرم ہونے چاہیئیں شکایت نہ ہو کسی کو ، سب ممبرز کو تو میں جانتی بھی نہیں اچھی طرح کیا پتہ کسی کے دانت نہ ہوں
باقی کے کام جیسے ہی یاد آتے ہیں مجھے لکھوں گی میں ، پھر وہ سارے کام آپ لوگ آپس میں بانٹ لینا
بریانی کے سارے کام کر لیں تو بتاؤں گی کہ کس وقت بریانی بنائیں گے آپ سب تاکہ گرم بریانی سے تواضع کی جاسکے مہمانوں کی
سوئیٹ ڈش ہم سب فیمیل ممبرز مل کے بنائیں گے
محب علوی کی پوسٹس بھی آج نظر آئیں ہیں محفل پر ، محب کی واپسی ہو ہی گئی ہے تو کھانے کے بعد کے کچھ کام محب کے ذمے
باقی تفصیل بعد میں

 

[سیدہ شگفتہ]

شگفتہ، لائبریری ڈے پر کیا کرنا ہے؟

ماوراء ، جس رفتار سے محفل کھل رہی ہے میرے پاس اس لحاظ سے کئی چیزیں کرنے میں مشکل پیش آئے گی ڈراپ نہ کرنا پڑ جائیں کچھ ۔ ابھی اگر کچھ بہتر ہوئی رفتار تو میں کچھ دیکھ سکوں گی ۔

اچھا ہاں

ایک تو یہ کہ لائبریری کے لیے دو دن ہیں تو جو ضروری چیزیں شامل کرنے کا ارادہ ہے اس لحاظ سے دیگر اراکین کو شامل کرنا ہے تین سے چار اراکین چاہیں تو اپنا نام خود بھی دے سکتے ہیں ( واضح رہے کہ کام کرنا ہو گا ) ورنہ ماوراء خود سے نام شامل کر دیں ۔

اسی ہفتہ ورنہ اگلے ہفتہ میرا لاہور جانے کا پروگرام بھی بن رہا ہے ابھی کنفرم نہیں ایسی صورت میں شاید دن تبدیل کرنا پڑے ۔ آخری دن کون سا ہے ؟

 

[تیشہ]

ماورہ یہ سالگرہ کو لے کر اتنے اتنے تھریڈ کھل چکے ہیں کہ کچھ سمجھ نہیں آتا کہ کدھر سے ہوکر گئی تھی ، اور کدھر کیا لکھا تھا ،

 

[خرم]

محسن کی مدد میں کرسکوں گا بکرے کے معاملہ میں۔ اور تمام چیزیں ختم کرنے کی ذمہ داری تو بہرحال میری ہی ہوگی۔ ٹھیک؟؟

 

[ماوراء]

جیو۔۔۔ حجاب۔۔۔

زبردست پلان بنایا ہے۔۔۔ اور کیا خوبصورتی سے سارے کام سب کو بانٹے ہیں۔

سب حضرات اپنا اپنا کام نوٹ کر لیں۔۔۔ بعد میں کوئی شکایت نہ کرے کہ ہمیں پتہ نہیں چلا۔