سال بعد بھی الیکشن سے مسئلہ نہیں ، نوز شریف اپنا آرمی چیف لگوا کر مجھے نااہل اور اپنے کیسز ختم کرانے کی کوشش کریگا عمران خان

[عبدالقدیر 786]

16 نومبر 2022

یہ خبر ڈیلی ایکسپریس اخبار سے لی گئی ہے

 

[علی وقار]

سیاسی لحاظ سے تو عمران خان کا یہ مقبول بیانیہ اچھا ہے مگر عوام اب کافی سیانی ہو گئی ہے۔ ویسے بھی نواز شریف تو خود نا اہل ہو چکےہیں، وہ اپنے معاملات آج تک سدھار نہ پائے تو عمران کے لیے کتنا گہرا گڑھا کھود پائیں گے۔ اب تو عمران خان پر بھی کچھ اسی قسم کے الزامات ہیں جو نواز اینڈ زرداری وغیرہ پر تھے۔ دراصل عمران کو خدشہ ہے کہ وہ بھی بعینہ اسی طرح نا اہل ہو جائیں گے جس طرح کہ نواز شریف نا اہل ہوئے۔ انہیں نا اہل کروانے میں عمران خان پیش پیش تھے۔ اب انہیں دو ہی راہیں دکھائی گئی ہیں۔ یا تو نواز شریف کو بھی سیاست کرنے دی جائے، اور عمران بھی کریں، یعنی لیول پلیئنگ فیلڈ اور دونوں کی نا اہلی ختم ہو جائے، دوسری صورت یہ ہے کہ دونوں ہی نا اہل ہوں۔ عمران خان اپنی ممکنہ نا اہلی کو موجودہ یا نئے ممکنہ آرمی چیف کے ساتھ منسلک کر کے اپنے لیے سیاسی اسپیس پیدا کرنے کی کوششوں میں مصروف ہیں۔ فی الحال تو کامیاب نہیں ہو پائے۔ اگلا مرحلہ یہی دکھائی دیتا ہے کہ جو انہیں نا اہل کرے گا، لگتا تو یہی ہے کہ اس کے پیچھے لٹھ لے کر چڑھ دوڑیں گے چاہے وہ چیف جسٹس ہی کیوں نہ ہو۔ یہ خطرناک روش ہے، انہیں چاہیے کہ اپنے کیسز کا سامنا کریں۔ اگر انہوں نے کوئی بد عنوانی نہیں کی ہے تو انہیں کسی قسم کا ڈر یا خوف نہیں ہونا چاہیے۔ یہ تاثر عام ہے کہ وہ خود کرپٹ نہیں ہیں، مگر ان کے اردگرد جو ٹولہ ہے، وہ انہیں بہت بری طرح مالیاتی معاملات میں پھنسا چکا ہے، اس لیے ان کا مسٹر کلین کا امیج داغ دار ہوتا جا رہا ہے بالخصوص جب وہ کیسز کا سامنا کرنے کی بجائے اس طرح کا عمومی بیانیہ اپنا لیتے ہیں کہ انہیں مقتدر قوتیں نا اہل کروانا چاہتی ہیں۔ یہ تو محض سیاست بازی ہے، اور کچھ نہیں۔

 

[نوید احمَد]

سیاسی لحاظ سے تو عمران خان کا یہ مقبول بیانیہ اچھا ہے مگر عوام اب کافی سیانی ہو گئی ہے۔

میری ذاتی رائے میں عوام کی اکثریت ابھی بھی ویسے ہی ہے۔ جناح سے جاری سفر بھٹو سے ہوتا ہوا عمران خان تک پہنچا ہے اور غالباً برصغیر کے اس خطے کے سیاق و سباق میں یہی چلتا رہے گا۔

 

[جاسم محمد]

یا تو نواز شریف کو بھی سیاست کرنے دی جائے،

نواز شریف کو سیاست کون کرنے نہیں دے رہا؟ آپکے خیال میں وہ تین سال سے لندن میں اپنا علاج کروا رہا ہے ڈاکٹر باجوہ سے؟

 

[جاسم محمد]

یعنی لیول پلیئنگ فیلڈ اور دونوں کی نا اہلی ختم ہو جائے

یعنی پہلے عمران خان بھی نواز شریف کی طرح لندن فلیٹس خریدے، ان کی رسیدیں نہ دے، نااہل ہو، پھر نواز شریف و عمران خان دونوں کی سیاسی جماعتیں قانون میں ترمیم کر کے ان کو اہل بنا دیں؟ اسے لیول پلیئنگ فیلڈ کہتے ہیں اسٹیبلشمنٹ کی زبان میں؟
اوّل تو عمران خان کے لندن فلیٹس موجود نہیں۔ اسٹیبلشمنٹ کو توشہ خانہ ریکارڈ سے عمران خان کی ایک گھڑی ملی ہے جسکی خریداری و فروخت کی رسیدیں تک پبلک میں موجود ہیں۔ اگر اس جرم پر نواز شریف جیسی نااہلی بنتی ہے تو یہ کوشش بھی کر کے دیکھ لیں آئی ایس آئی والے ناراض بابو۔

 

[جاسم محمد]

عمران خان پر بھی کچھ اسی قسم کے الزامات ہیں جو نواز اینڈ زرداری وغیرہ پر تھے

واقعی؟ کیا عمران خان پر بھی نواز و زرداری کی طرح دوران اقتدار لندن و سرے کے پوش ترین علاقہ میں جائیدادیں خریدنے، ان کی منی ٹریل نہ دے سکنے جیسے سنگین الزامات ہیں؟ ابھی تک تو عمران خان پر لگائے گئے الزامات توشہ خانہ سے ایک گھڑی خرید کر اسے آگے بیچنے سے زیادہ بڑھ نہیں سکے ہیں۔

 

[جاسم محمد]

عمران خان اپنی ممکنہ نا اہلی کو موجودہ یا نئے ممکنہ آرمی چیف کے ساتھ منسلک کر کے اپنے لیے سیاسی اسپیس پیدا کرنے کی کوششوں میں مصروف ہیں۔

الیکشن کمیشن عمران خان کو میانوالی والی سیٹ سے نااہل کر چکا ہے۔ اس نے اس کے بعد بھی کرم ایجنسی سے الیکشن لڑا اور جیتا ہے۔ اور کہاں کہاں سے نااہل کرو گے؟

Ex-PM Imran Khan Not Disqualified From Contesting Election: Pak High Court

A Pakistani court observed on Monday that Imran Khan was not barred from contesting elections in the future as it heard the disqualification case of the former prime minister by the country's top election body.

www.ndtv.com

Imran Khan wins NA-45 Kurram by-election

Former prime minister and Pakistan Tehreek-e-Insaf (PTI) Chairman Imran Khan on Sunday won the NA-45 Lower Kurram...

www.brecorder.com

 

[جاسم محمد]

اگلا مرحلہ یہی دکھائی دیتا ہے کہ جو انہیں نا اہل کرے گا، لگتا تو یہی ہے کہ اس کے پیچھے لٹھ لے کر چڑھ دوڑیں گے

عمران خان کو عدالتوں سے کوئی مسئلہ نہیں ہے۔ اگر کوئی عدالت اسے نااہل کر بھی دیتی ہے تو اس کو لیگل طریقہ سے ہی اعلی عدالت میں چیلنج کریگا۔
اس کو اصل مسئلہ الیکشن کمیشن کے بغض عمران سے ہے جس نے ۹ فیصلے عمران خان و پی ٹی آئی کیخلاف دیے۔ اور سب کے سب عدالتوں نے ریورس کیے

 

[جاسم محمد]

لگتا تو یہی ہے کہ اس کے پیچھے لٹھ لے کر چڑھ دوڑیں گے چاہے وہ چیف جسٹس ہی کیوں نہ ہو

چیف جسٹس پاکستان نے اپریل میں اسکی توڑی ہوئی اسمبلی بحال کر دی تھی جس کے بعد اسکی حکومت ختم ہو گئی۔ کیا ایسا کرنے پر وہ اس پر چڑھ دوڑا؟ میری سمجھ سے باہر ہے آپ عمران خان کو بار بار نواز شریف کے زاویے سے کیوں دیکھ رہے ہیں؟ جس نے ۲۰۱۷ کے عدالتی فیصلوں پر اسوقت کے چیف جسٹس پاکستان ثاقب نثار اور دیگر ججز پر تابڑ توڑ حملے کیے تھے؟ بلکہ اس نے تو ۱۹۹۷ میں پوری سپریم کورٹ پر اپنے گلو بٹوں کیساتھ چڑھائی کر دی تھی

 

[جاسم محمد]

یہ خطرناک روش ہے، انہیں چاہیے کہ اپنے کیسز کا سامنا کریں۔

جو کام ابھی عمران خان نے کیا ہی نہیں اسے آپ خطرناک روش کیسے قرار دے رہے ہیں؟ بغض عمران؟

 

[جاسم محمد]

اگر انہوں نے کوئی بد عنوانی نہیں کی ہے تو انہیں کسی قسم کا ڈر یا خوف نہیں ہونا چاہیے۔ یہ تاثر عام ہے کہ وہ خود کرپٹ نہیں ہیں، مگر ان کے اردگرد جو ٹولہ ہے، وہ انہیں بہت بری طرح مالیاتی معاملات میں پھنسا چکا ہے، اس لیے ان کا مسٹر کلین کا امیج داغ دار ہوتا جا رہا ہے بالخصوص جب وہ کیسز کا سامنا کرنے کی بجائے اس طرح کا عمومی بیانیہ اپنا لیتے ہیں کہ انہیں مقتدر قوتیں نا اہل کروانا چاہتی ہیں۔ یہ تو محض سیاست بازی ہے، اور کچھ نہیں۔

عمران خان نے کونسے کیس کا سامنا نہیں کیا؟ ان پر موجودہ حکومت و اسٹیبلشمنٹ نے اب تک ۲۲ ایف آئی آر کاٹ دی ہیں جن میں دہشت گردی اور بغاوت جیسے مقدمات بھی شامل ہیں۔ وہ قاتلانہ حملہ میں زخمی ہونے سے قبل باقائدگی سے ان تمام کیسز میں ضمانت کروانے خود چل کر عدالت جایا کرتے تھے۔
باقی عمران خان نے مقتدرہ پر اپنی نااہلی کا نہیں بلکہ اپنے پر قاتلانہ حملہ کا الزام لگایا ہے۔ اگر یہ الزام غلط ہے تو جنرل فیصل نصیر کیخلاف ایف آئی آر کیوں نہیں کٹ رہی ابھی تک؟ تاکہ تفتیش میں دودھ کا دودھ اور پانی کا پانی ہو۔ ایک جنرل کو قانون سے بچا کر مقتدرہ عمران خان کے الزام کو سچ ثابت کرنے پر کیوں تلی ہوئی ہے؟

 

[جاسم محمد]

بالخصوص جب وہ کیسز کا سامنا کرنے کی بجائے

اس وقت سویلینز میں سے نواز شریف بھگوڑا اور فوج میں سے جنرل فیصل نصیر ہی وہ دو بڑے لوگ ہیں جو اپنے پر لگے الزامات کا قانون کے کٹہرے میں سامنا کرنے سے پوری ڈھٹائی کیساتھ انکاری ہیں۔

 

[جاسم محمد]

اور غالباً برصغیر کے اس خطے کے سیاق و سباق میں یہی چلتا رہے گا۔

اسی تاریخ کو بدلنے کیلئے عمران خان نے پوری قوم کو پنڈی مارچ کی کال دے رکھی ہے۔ تاریخ بدلنے ہے تو آجاؤ

 

[علی وقار]

آپ عمران خان کو بار بار نواز شریف کے زاویے سے کیوں دیکھ رہے ہیں؟

میری نظر میں تو وہ پارسا ہیں، عدالت سے سند یافتہ صادق اور امین ہیں۔ میری کیا مجال کہ اُن کی شان میں گھڑی دو گھڑی کی بھی گستاخی کر دوں۔