نصیر الدین نصیر ستم پر شرطِ خاموشی بھی اس نے ناگہاں رکھ دی :غزل ::از حوا کی بیٹی

[لالہ رخ]

توجہ فرمائیے!
ہمارے داد دینے پر آپ نے ناپسندیدہ کا ٹیگ لگایا ہے۔

اوووو!! معذرت، ذرا جلدی میں شاید

 

[محمد بلال اعظم]

واہ
کیا خوبصورت تخلیق ہئے!
بہت سی داد

 

[غدیر زھرا]

ستم پر شرطِ خاموشی بھی اس نے ناگہاں رکھ دی​

کہ اک تلوار اپنے اور ،میرے درمیا ں رکھ دی

بہت خوب-- ​

​

 

[سلفی کال]

ستم پر شرطِ خاموشی بھی اس نے ناگہاں رکھ دی

واہ ،واہ ،کیازبردست اشعار ہیں
بے حد شکریہ

 

[عبد الرحمٰن]

میرے حرفِ تمنا پر چڑھائے حاشیے کیا کیاذرا سی بات تھی تم نے بنا کر داستاں رکھ دی​

یہ شعر کس شاعر کا ہے اور یہ سارا کلام کن کا ہے ؟؟؟

 

[فاتح]

یہ شعر کس شاعر کا ہے اور یہ سارا کلام کن کا ہے ؟؟؟

اگر یہ غزل "آپ کی شاعری" کے زمرے میں ارسال کی گئی ہے تو اس کا مطلب ہے کہ ارسال کرنے والی ( لالہ رخ ) کا اپنا کلام ہے۔

 

[الف عین]

اگر یہ غزل "آپ کی شاعری" کے زمرے میں ارسال کی گئی ہے تو اس کا مطلب ہے کہ ارسال کرنے والی ( لالہ رخ ) کا اپنا کلام ہے۔

تھوڑا گوگلایا تو پتہ چلا کہ یہ کلام پیر نصیر الدین نصیر گولڑوی کا ہے۔ لالہ رخ کو مبارک ہو۔

 

[فاتح]

تھوڑا گوگلایا تو پتہ چلا کہ یہ کلام پیر نصیر الدین نصیر گولڑوی کا ہے۔ لالہ رخ کو مبارک ہو۔

شکریہ اعجاز صاحب۔۔ مجھے واقعی حیرت تھی کہ اتنا پختہ کلام لالہ رخ نے کیسے لکھا اور وہ بھی صرف ایک غزل۔
میں نے گوگل کرنے کی زحمت گوارا نہیں کی۔ اب آپ کی تائید میں گوگلنے پر مجھے لگتا ہے کہ شاید یہ دو غزلوں کے اشعار ہیں۔
منتظمین اسے متعلقہ زمرے پسندیدہ کلام میں منتقل کر دیں۔

 

[عبد الرحمٰن]

لاجواب

 

[Zain ul islam]

ستم پر شرطِ خاموشی بھی اس نے ناگہاں رکھ دی
کہ اک تلوار اپنے اور ،میرے درمیا ں رکھ دی

یہ پوچھا تھا کہ مجھ سے جنسِ دل لے کر کہاں رکھ دی
بس اتنی بات پر ہی کاٹ کر اس نے زباں رکھ دی

پتا چلتا نہیں اور آگ لگ جاتی ہے تن من میں
خدا جانے کسی نے غم کی چنگاری کہاں رکھ دی

زمانہ کیا کہے گا آپ کو اس بدگمانی پر
میری تصویر بھی دیکھی تو ہو کر بدگماں رکھ دی

میرے حرفِ تمنا پر چڑھائے حاشیے کیا کیا
ذرا سی بات تھی تم نے بنا کر داستاں رکھ دی
​

واااہ بہت خوب

 

[عدیل ہاشمی]

ستم پہ شرطِ خاموشی اُس نے ناگہاں رکھ دی
کہ اک تلوار، اپنے اور میرے درمیاں رکھ دی

یہ پوچھا تھا کہ مجھ سے جنسِ دل لے کر کہاں رکھ دی
بس اتنی بات پر ہی کاٹ کر اُس نے زباں رکھ دی

پتہ چلتا نہیں، اور آگ لگ جاتی ہے تن من میں
خدا جانے، کسی نے غم کی چنگاری کہاں رکھ دی

چڑھاوے چڑھ رہے تھے تربتِ بلبل پہ پھولوں کے
مگر ہم تھے کہ ہم نے لا کے شاخِ آشیاں رکھ دی

شریکِ بزم تھا واعظ تو سامانِ ضیافت میں
ذرا سی ہنس کے ساقی نے بطورِ امتحاں رکھ دی

بہار آنے پہ گلشن تک رسائئ جب ہوئئ مشکل
قفس کی تیلیوں پر ہی بنائے آشیاں رکھ دی

صبا نے احترامِ جذبِ دل کا پاس یوں رکھا
اٹھا کر لاش بلبل کی گلوں کے درمیاں رکھ دی

مرا دل چھید کے آنکھیں چھپا لیں اس ستمگر نے
کہوں اب کیا کہ اس نے تیر برسا کر کماں رکھ دی

تنے ہیں تیر مژگاں کے، کھنچے ہیں ان کے دو ابرو
کماں کے ساتھ ہی اک اور قدرت نے کماں رکھ دی

نصیر اب کس سے شکوہ کیجئے، یہ شکر کی جا ہے
بہاروں کی طلب تھی، اس نے قسمت میں خزاں رکھ دی

(پیر نصیر الدین شاہ نصیر)