سلام با حضور امام عالی مقام ۔۔۔۔ از ۔۔۔۔۔ نقاش کاظمی

[زبیر مرزا]

​

​

کوئی چراغ تخیل نہ میری راہ میں رکھ​

بس اک سلام کا گوہر میری کلاہ میں رکھ​

​

اگرچہ تو کسی سچائی کا مورخ ہے​

یزید عصر کو بھی دفتر سپاہ میں رکھ​

​

بکھیر صفحہء قرطاس پر لہو کے حروف​

قلم سنبھال کے مت دل کی خانقاہ میں رکھ​

​

سمجھ سکے جو شہیدان حق کی تاجوری​

جبین عجز کو تو خاک پائے شاہ میں رکھ​

​

علی کے سجدہء آخر سے حلق اصغر تک​

ہر ایک تیر ستم مرکز نگاہ میں رکھ​

​

وہی امام زماں جو ہیں سب پہ سایہ فگن​

انہیں کے سایہ دستار کی پناہ میں رکھ​

​

مجھے وہ حریت فکر بھی دے حُر کی طرح​

پھر اُس کے بعد اُسی لشکر و سپاہ میں رکھ​

​

سلام و مرثیہ و نعت لے کے حاضر ہوں​

اُنہیں کا بندہ سمجھ اپنی بارگاہ میں رکھ​

​

ترا یہ شاعر نقاش تو ہے ذرہء خاک​

اسے غبار بنا کہ مہر و ماہ میں رکھ​

 

[نایاب]

بہت ہی خوب سلام پرنور ہے ۔​

اللہ قبول فرمائے آمین
مجھے وہ حریت فکر بھی دے حُر کی طرح​

پھر اُس کے بعد اُسی لشکر و سپاہ میں رکھ​

 

[سید زبیر]

سبحان اللہ
کوئی چراغ تخیل نہ میری راہ میں رکھ
بس اک سلام کا گوہر میری کلاہ میں رکھ
جزاک اللہ

 

[حسیب نذیر گِل]

علی کے سجدہء آخر سے حلق اصغر تک
ہر ایک تیر ستم مرکز نگاہ میں رکھ
جزاک اللہ

 

[مہ جبین]

علی کے سجدہء آخر سے حلق اصغر تک
ہر ایک تیر ستم مرکز نگاہ میں رکھ
سبحان اللہ کیا عمدہ و اعلیٰ اور عشقِ حقیقی کی خوشبو سے مہکتا کلام ہے
جزاک اللہ زبیر مرزا

 

[امیداورمحبت]

جزاک اللہ​

 

[سیدہ شگفتہ]

سبحان اللہ
بہترین کلام اور شیئرنگ

اگرچہ تو کسی سچائی کا مورخ ہے
یزید عصر کو بھی دفتر سپاہ میں رکھ

زبیر مرزا بھائی ، اوپر، پہلے مصرعہ میں اگر کے بعد "چہ" ہے یا "جو"؟​

​