سوات کا سفرنامہ

[سید رافع]

گزشتہ ہفتے بچوں کے آن لائن امتحان ختم ہوئے تو سوات کالام جانے کا ارادہ بنا۔ پہلے پہل کرونا کی وجہ سےتمام تفصیلات طے کرنے کے بعد بھی ارادہ ٹال دیا لیکن کچھ دنوں بعد ارادے کو عملی جامہ اسوقت پہنایا جب معلوم ہوا کہ ائیر ٹکٹ قریبا آدھی قیمت پر دستیاب ہیں۔ معلوم ہوا تھا کہ ائیر بلیو اور ائیر سیال ایک ہی وقت میں پرواز چلانے کی وجہ سے سخت مسابقت میں آگئے تھے۔

کراچی سے صبح سات بجے اسلام آباد کی فلائیٹ تھی چنانچہ ہمیں صبح فجر سے قبل اٹھنا تھا۔ اسلام آباد سے سوات تک Suzuki APV ہم نے کراچی سے ہی بک کرا لی تھی۔

سوات کا تین گھنٹے کا سفر سوات موٹر وے سے شروع ہوتا ہے۔ پہلے یہ سفر 7 گھنٹے کا ہوتا تھا جو کہ موٹر وے بن جانے سے کم ہو گیا ہے۔

 

[لاریب مرزا]

تصاویر کا انتظار ہے. جلد از جلد اشتراک کیجیے.

 

[سید رافع]

تصاویر کا انتظار ہے. جلد از جلد اشتراک کیجیے.

جی ضرور۔ آج میری طرف وائی فائی میں مسئلہ رہا۔ سو ایک دو تصاویر ہی ڈیٹا کنکشن سے اپلوڈ ہو پائیں۔ جب ساری تصاویر اپلوڈ ہو جائیں گی تو لکھوں گا۔

 

[وسیم]

سفرنامہ اور ایسا بیان سفر میل نہیں کھاتے۔ اچھا سا سفرنامہ لکھیں اور فارمولہ فلموں والا فارمولا اپنے سفرناموں پہ استعمال نا کریں۔ اسی وجہ سے جرمنی امریکہ ملائشیا وغیرہ کے سفرنامے والی لڑیاں مزید کھول کر نہیں دیکھیں

شکریہ

 

[سید رافع]

سفرنامہ اور ایسا بیان سفر میل نہیں کھاتے۔ اچھا سا سفرنامہ لکھیں اور فارمولہ فلموں والا فارمولا اپنے سفرناموں پہ استعمال نا کریں۔ اسی وجہ سے جرمنی امریکہ ملائشیا وغیرہ کے سفرنامے والی لڑیاں مزید کھول کر نہیں دیکھیں

شکریہ

ابھی آپ دیکھتے جائیں۔ انشاء اللہ سب لڑیاں کھول کر دیکھیں گے۔

 

[سید رافع]

سوات موٹر وے پر کافی گرمی تھی۔ لیکن اطراف کے سرسبز پہاڑ اچھے لگ رہے تھے۔ بعض پہاڑوں پر سبزہ نسبتا کم تھا۔

تین گھنٹےسوات موٹر وے پر سفر کے بعد ہمارا پہلا اسٹاپ مینگورہ ہوتا لیکن ڈرائیور غلطی سے ہمیں سیدھا فضا گھٹ پارک لے گیا جو کہ مینگورہ سے کچھ فاصلے پر دریائے سوات کے کنارے ایک چھوٹا سا پارک ہے۔

دھوپ کی زیادتی تھی اور سفر کافی ہو چکا تھا سو ہم نے فیصلہ کیا کہ دوپہر کے کھانے کے بعد ہم بجائے مینگورہ کے بحرین پر شب بسر کریں گے۔ دوپہر کے کھانے میں لذیذ بھنڈی اور کڑاہی مرغی کھانے کے بعد جوں ہی ہم بحرین کے سفر پر روانہ ہوئے موسم یکایک تبدیل ہو گیا۔ چاروں طرف کالے بادل چھا گئے اور تیز بارش کے ساتھ چھوٹے چھوٹے اولے پڑنے لگے۔

 

[سید رافع]

صبح صبح ہم نے بحرین میں آملیٹ پراٹھا، چھولے پوری اور گرما گرم چائے کا مزیدار ناشتہ کیا۔ ناشتے کے فورا بعد ہم نے قریبی علاقے مدین کے ٹراوٹ فش فارم جانے کا ارادہ کیا۔ موسم نسبتا بہتر تھا۔ فش فارم تک کا راستہ کافی کچا پکا تھا۔ فارم پہچنے کے بعد جونہی ہم گیٹ سے اندر داخل ہوئے تو پانی کے چار تالاب تھے جن میں وزن کے اعتبار سے ٹراوٹ فش موجود تھیں۔

دریائے سوات کا پانی تالاب کی ایک سمت سے تالاب میں گر رہا تھا اور دوسری سمت سے واپس دریا میں جا رہا تھا۔ اس طریقے سے مچھلیوں کو خوب آکسیجن اور تازہ پانی میسر رہتا ہے۔

 

[سید رافع]

مدین فش فارم پر ایک طرف کیاریوں میں خوبصورت پھول کھلے تھے۔

 

[سید رافع]

 

[سید رافع]

سوات کا موسم مسلسل تبدیل ہو رہا تھا۔ اچانک اسقدر تیز آندھی چلی کہ پلاسٹک کی کرسیاں اڑ اڑ کر گر گئیں۔ ہر طرف سے گہرے بادل امنڈ آئے اور رم جھم رم جھم بارش برسنے لگی۔ ہم سب نے بھاگ کر ایک دالان میں پناہ لی۔

 

[سید رافع]

شام تک ہم مدین فش فارم پر رہے جہاں ہم نے تازہ تازہ ٹراؤٹ فش کھائی اور دریائے سوات کی ٹھنڈی ٹھنڈی موجوں کا لطف لیتے رہے۔ سر شام ہم واپس بحرین اپنے ہوٹل کے کمرے میں پہنچے جس کے برابر سے ہی تیز شور کے ساتھ دریائے سوات پوری مستی میں گزر رہا تھا۔

 

[سید رافع]

فش فارم سے واپسی پر ایک چائے تو بنتی تھی۔

 

[سید رافع]

بحرین میں ایک رات گزارنے کے بعد اب ہماری اگلی منزل کالام تھی۔ کالام کے راستے میں سرسبز پہاڑ اور آبشار دکھائی دئیے۔

 

[سید رافع]

کالام کے راستے میں ایک جگہ جمع پانی میں مینڈک کے بچے پیدا ہو گئے تھے۔

 

[سید رافع]

کالام، بحرین اور خاص کر مینگورہ کمرشل مقامات بن چکے ہیں سو ان سے ہمیں کوئی خاص دلچسپی نہ تھی۔ کالام میں ایک ہوٹل لیا اور رات کے کھانے میں سجی پلاؤ کھایا۔ کالام کے پاس ہی اوشو کا جنگل اور مہوڈنڈ جھیل ہے۔ ہم نے صبح وہاں جانے کے لیے ایک فور بائی فور پراڈو گاڑی رات ہی میں بک کر لی۔ صبح ناشتے کے بعد دس بجے ہم اوشو کے جنگل کی طرف روانہ ہوئے۔

 

[سید رافع]

ڈرائیور نے بتایا کہ اس درخت کے تنے لفظ اللہ کی مانند ہیں۔

 

[سید رافع]

راستے میں کئی دفعہ سینکڑوں بکروں کے ریوڑ دکھائی دیے۔ ہر ریوڑ میں کئی سو بکرے، دو یا تین گھوڑے، دو یا تین کتے اور تین یا چار چرواہے ہوتے۔

 

[سید رافع]

راستے میں چھوٹی چھوٹی دکانوں کو پہاڑوں سے آتے برف کے پانی سے کولڈ ڈرنکس کو ٹھنڈا کیا جا رہا تھا۔ کچھ لوگ گلگت کے "پہاڑوں کا پسینہ" سلاجیت بیچ رہے تھے تو کچھ سوات کا شہد۔

 

[لاریب مرزا]

فش فارم سے واپسی پر ایک چائے تو بنتی تھی۔

ہر مراسلے میں مینیو سمیت کھانے اور ناشتے کا تذکرہ موجود ہے. لیکن تصویر صرف چائے کی؟؟
کیا یہ کھلا تضاد نہیں؟

 

[سید رافع]

مہوڈنڈ جھیل کے رستے میں ایک مقام ایسا آتا ہے جہاں سے کے ٹو کی چوٹی دکھائی دیتی ہے۔