سو باتوں کی ایک بات
- صاحب لڑی عائشہ عزیز
- تاریخ ابتداء
سفینہ پرویز
محفلین
زبردست ہے بھئی۔لیکن لگتا ہے ہم اچھے لوگوں میں شامل نہیں تبھی ہمارا نام یاد نہیں رہا یا پھر ہمیں آپ جانتی نہیں ہو۔دھاگے کے عنوان سے آپ سمجھ ہی گئے ہوں گے کہ ہم آپ سے ایک بات کہنا چاہ رہے ہیں۔ دراصل کافی عرصے سے آپ سب بھیا ، بہنا لوگوں سے ایک بات کہنا چاہتے تھے مگر ہمیں اس کے لیے مختصر الفاظ نہیں مل رہے تھے آپ کو تو پتا ہے کہ آج کل لمبی لمبی باتوں کا دور نہیں ہے۔ مختصر بات کی جاتی ہے کیونکہ سب لوگ بہت مصروف ہوگئے ہیں کسی کے پاس اتنا ٹائم نہیں ہے کہ لمبی لمبی باتیں پڑھتا رہے۔ تو ہم کو آپ سے دراصل یہ کہنا ہے کہ ۔۔۔ ۔ ارے !!! آپ اتنے حیران نہ ہوں کہ ہم خود کے لیے "ہم" کا صیغہ استعمال کررہے ہیں۔ دراصل آج ہم میں سعود بھیا کی روح حلول کرگئی ہے۔ روح کی حلول کرنے سے تو ہمیں چچا جان اشتیاق احمد یاد آگئے۔ ہم نے مختصر بات کرنے کا ہنر بھی ان سے ہی سیکھا ہے۔
اب آپ کو تو پتا ہے ہم زیادہ بولتے نہیں ہیں۔۔۔ ارے ارے !!!! ۔۔۔ ۔۔۔ جوتے کی طرف ہاتھ مت بڑھائیے گا ! ۔۔یقین نہیں آتا تو ہماری مقدس اپیا سے پوچھ لیجئے۔ ویسے وہ کیا بتائیں گی وہ تو خود بہت کم کم بولتی ہیں۔ آخر اپیا کس کی ہیں ۔۔۔ ؟ کیا کہا !!!! " جھوٹے کا منہ کالا " تو کوئی بات نہیں فیئر اینڈ لولی ہے ناں!
ہم تو اس لیے کہہ رہے تھے کہ ہم تو بس لکھتے ہیں بولتے تھوڑی نہ ہیں۔
سر درد بہنوں کے سر میں تو اب تک درد ہونے لگ گیا ہوگا اور ہمیں یقین ہے آپ کا بھی مارے تجسس کے برا حال ہوگا کہ آخر ہم کیا کہنا چاہتے ہیں۔۔۔ تو اس سے پہلے کہ آپ چائے کا کپ لینے کے لیے اٹھ جائیں ہم آتے ہیں اصل بات کی طرف ۔۔۔ ہائیں !!!! مگر اصل بات کیا تھی۔ ایک تو ہمیں بھولنے کی بہت بیماری ہے۔ لیکن آپ ٹیب بند کرنے سے پہلے پوری تحریر تو پڑھ لیجئے ناں۔۔۔ ۔۔۔ ورنہ !!!!!!! نہیں ، نہیں ہم آپ کو دھمکی تھوڑی نہ دے رہے ہیں وہ تو ہم دھمکی والے دھاگے میں ہی دیں گے کہ "جس نے ہماری تحریر نہ پڑھی اس کی تو ۔۔۔ ایسی کی تیسی!!! "
ہائیں آپ سمجھے ہم غصے میں ہیں ؟ ۔۔بالکل نہیں وہ تو فہیم بھیا سمجھتے ہیں جب ہم اپنے مراسلے میں کوئی اسمائیلی نہ لگائیں۔حالانکہ ہمیں لگ رہا ہے کہ اس وقت فہیم بھیا سمیت آپ سب کو ہم پر غصہ آرہا ہوگا کہ ہم نے جو بات کہنی تھی وہ کہی نہیں اور ادھر ادھر کی ہانکی جارہے ہیں۔۔۔ ۔۔ تو لیجئے ہم اصل بات کی طرف آتے ہیں کیونکہ اس مراسلے کو چاچو نے بھی پڑھنا ہے اور شاید تھوڑی دیر میں انھیں ڈرائیور ڈیوٹی کے لیے بھی جانا ہو۔۔اس لیے انھیں ہم پر غصہ آ رہا ہوگا ۔۔تو اس سے پہلے کہ وہ اپنے پاس پڑی کوئی چیز اٹھانے اور ہمیں مارنے کے لیے پَر تولیں، ہمیں بھاگنے کے لیے پَر تولنے چاہیں۔ لیکن رکیے! آپ کہاں بھاگ رہے ہیں ؟؟؟
ویسے آپ بھی سوچ رہے ہونگے کہ " ہوگیا بی مینڈکی کو بھی زکام " یا شاید کچھ لوگ سوچ رہے ہوں کہ "نکل آئے چیونٹی کے بھی پَر" ۔۔اس بات پر ہمیں مبارک دینے کی ضرورت نہیں آپ کی اطلاع کے لیے عرض ہے کہ پَر تو ہمارے پہلے ہی سے ہیں ایویں تو نہیں سعود بھیا ہمیں "ننھی پری " کہتے ۔
بھئی ہمیں آپ سے ایک بات کہنا تھی اور آپ نے ہمیں کن باتوں میں الجھا دیا ہے ویسے الجھنے سے یاد آیا الجھنوں اور پریشانیوں میں بھی مسکرانا نہیں بھولنا چاہیے اس لیے
ارے ارے یہ آپ بار بار جوتے کی طرف کیوں دیکھ رہے ہیں
اچیےھا بھیا اور بہنا لوگ جائیے مت اب ہم اصل بات کی طرف آرہے ہیں کیونکہ آپ چلے گئے تو ہوسکتا ہے کہ آپ ہماری دانشمندانہ تحریر سے محروم رہ جائیںاور اس کی ذمہ داری ہم پر قطعا نہیں ہوگی۔۔ ہاں نہیں تو ہم بتائے دے رہے ہیں۔ تو اس سے پہلے کہ آپ غصے سے لال پیلے ہوں بلکہ نیلے پڑ جائیں ہمیں یہ کہنا ہے کہ۔۔۔
اردو محفل اور آپ سب بھیا بہنا لوگ بہت اچھے ہیں۔ آپ سب جن کو میں جانتی ہوں شمشاد چاچو، نایاب چاچو ، الف عین بابا جانی ، مہ جبین آنی ، عندلیب اپیا ، سیدہ شگفتہ اپیا ، فرحت کیانی اپیا ، ابن سعید بھیا ، مقدس اپیا ، قرۃ العین اپیا ، تعبیر اپیا ، شاکر بھیا ،فہیم بھیا ،محمد امین بھیا ، محب علوی بھیا ، عثمان لالہ ، زین بھیا ، مغل بھیا ، غزل اپیا ، ناعمہ عزیز بہنا تبسم بہنا ، نیلم بہنا ، امید اور محبت بہنا ، سید زلفی لالہ ، سارہ خان اپیا ، تراب بھیا، بلال اعظم بھیا ، ذیشان بھیا، انیس الرحمن بھیا، محسن بھیا ، عینی اور جن کے نام مجھے یاد نہیں آرہے اور جو یہ تحریر پڑھ رہے ہیں۔
اب اس سے پہلے کہ ایک جوتا نشانے پر لگ جائے مجھے بھاگ لینا چاہیے۔
اللہ آپ سب کا حامی و ناصر ہو۔ آمین
والسلام
یا پھر نئے آنے والوں کو اچھا کہنا زیادتی ہے؟
عائشہ عزیز
لائبریرین
جی بھیا! سوچوں گی
آف کورس ہم ٹھیک کہتے ہیں بچے
اب بڑے بھیا کی بات مان کر ایک اچھی سی تحریر شریکِ محفل کی جائے
عائشہ عزیز
لائبریرین
بھیااا ایسا تو نہیں کہا گیالو ہمارا تو نام ہی نہیں ہے جان چھوٹی ہم اچھے نہیں
دیکھیں میں نے لکھا تھا جو اسے پڑھ رہے ہیں وہ بھی۔۔درا صل میں نے ان سب کے نام مینشن کیے تھے جن سے عموما میری بات ہوتی تھی۔ اب دیکھیے!
عائشہ عزیز
لائبریرین
تھینک یو بہنا!ارے اتنی بہترین تحریر میری نظروں سے کیسے اوجل رہی ۔
ویری ویل ڈن عائشہ مانو
ایسے ہی کم کم بولتی رہو
ہاں ناں آپ کو پتا ہے میں کتنا کم کم بولتی ہوں
عائشہ عزیز
لائبریرین
اپیاااااا
زبردست ہے بھئی۔لیکن لگتا ہے ہم اچھے لوگوں میں شامل نہیں تبھی ہمارا نام یاد نہیں رہا یا پھر ہمیں آپ جانتی نہیں ہو۔
ایسا کچھ نہیں ہے بابا!
سفینہ پرویز
محفلین
اچھاااااااا جی۔
سید شہزاد ناصر
محفلین
آپ اتنا بول بھی لیتی ہیں؟
اچھا لگا پڑھ کر
اسی طرح لکھتی رہو
اچھا لگا پڑھ کر
اسی طرح لکھتی رہو