شادیٔ مرگ ِ شاعری

[نیرنگ خیال]

شاباش!

استاد ساری عمر استاد رہتا ہے۔بلکہ کہنا چاہیے ہر جگہ استاد رہتا ہے۔

 

[نیرنگ خیال]

ہر کامیاب شخص کے پیچھے اس کی بیوی ہوتی ہے۔

جو اس کو اتنا تنگ کرتی ہے کہ وہ گھر سے باہر زیادہ وقت گزارنے کے چکر میں زیادہ کام کر کے کامیاب ہوجاتا ہے۔

 

[محمداحمد]

استاد ساری عمر استاد رہتا ہے۔بلکہ کہنا چاہیے ہر جگہ استاد رہتا ہے۔

خیر جو بھی ہے۔

ہمیں تو بہت عرصے بعد شاباش ملی۔ بہت اچھا لگا۔

 

[محمداحمد]

بکری سے پوچھنا ہےکہ نئے مالک سے خوش ہے۔


بکری کی؟

نئے مالک کا پوچھ رہے ہیں۔

بکری کو ہم نے چشمِ تصور میں ان کی شکایت کرتے دیکھا تھا۔ اور وہیں ہم نے تصدیق بھی کر دی تھی کہ "دل کو لگتی ہے بات بکری کی۔"

 

[محمداحمد]

جو اس کو اتنا تنگ کرتی ہے کہ وہ گھر سے باہر زیادہ وقت گزارنے کے چکر میں زیادہ کام کر کے کامیاب ہوجاتا ہے۔

ایک کامیاب شخص سے پوچھا گیا کہ اُن کی کامیابی کا راز کیا ہے؟
اُنہوں نے کہا کہ میں ہر معاملے میں اپنی بیوی سے مشورہ کرتا ہوں۔
پوچھا گیا: تو کیا آپ اُن کے مشورے مان کر ہی کامیاب ہوئے ہیں؟
اُنہوں نے جواب دیا: یہ آپ سے کس نے کہا۔

 

[نیرنگ خیال]

پتہ نہیں!

ہم تو نہیں جانتے۔

محی الدین نواب کا ایک افسانہ تھا شاید۔۔۔ "عذاب آگہی" وہ پڑھا ہے آپ نے؟

تو کیا انتباہ سمجھیں۔

میں تو عملی تجربہ کہنے والا تھا۔

مضامین دیکھ کر۔

جہاں عشق و عاشقی کی بات آئے۔ مجھے مرزا بھائی اور فلک شیر ہی یاد آتے ہیں۔

بہت شکریہ۔ آپ کی حوصلہ افزائی ہمیشہ میرے لئے زادِ راہ رہی ہے۔

شاد آباد رہیے۔

محبت ہے آپ کی احمد بھائی۔ اللہ آپ کو اپنے سایہ کرم تلے رکھے۔ آمین

 

[نیرنگ خیال]

خیر جو بھی ہے۔

ہمیں تو بہت عرصے بعد شاباش ملی۔ بہت اچھا لگا۔

ہمیں نہیں ملی ناا بہت عرصے سے۔۔ تو جیلسی ہو رہی۔

 

[نیرنگ خیال]

نئے مالک کا پوچھ رہے ہیں۔

بکری کو ہم نے چشمِ تصور میں ان کی شکایت کرتے دیکھا تھا۔ اور وہیں ہم نے تصدیق بھی کر دی تھی کہ "دل کو لگتی ہے بات بکری کی۔"

قصہ ایک بکری کا۔۔ بکری کی زبانی۔۔۔
ہوجائے احمد بھائی؟

 

[نیرنگ خیال]

ایک کامیاب شخص سے پوچھا گیا کہ اُن کی کامیابی کا راز کیا ہے؟
اُنہوں نے کہا کہ میں ہر معاملے میں اپنی بیوی سے مشورہ کرتا ہوں۔
پوچھا گیا: تو کیا آپ اُن کے مشورے مان کر ہی کامیاب ہوئے ہیں؟
اُنہوں نے جواب دیا: یہ آپ سے کس نے کہا۔

ہوہوہوہوہوہوہووووووو۔۔۔۔ آدمی سمجھدار معلوم ہوتا تھا۔

 

[محمداحمد]

قصہ ایک بکری کا۔۔ بکری کی زبانی۔۔۔
ہوجائے احمد بھائی؟

محفلین پر ہاتھ صاف کرنے کا تجربہ آپ سے زیادہ کسی اور کوئی نہیں ہے۔

یہ نیک کام آپ ہی کریں تو کریں۔

 

[عبدالرحمن آزاد]

ہر کامیاب شخص کے پیچھے اس کی بیوی ہوتی ہے۔

اور ہر برباد شخص کے پیچھے کون ہوتا ہے ؟؟؟؟؟؟

 

[عبدالرحمن آزاد]

پشتو شعر کا ترجمہ
جس نے شادی کی برا کیا
جو شادی نہیں کررہا اچھا نہیں کر رہا .

 

[محمد تابش صدیقی]

بار بار یہ تہیہ کر کے چھوڑ دیتا ہوں کہ بعد میں پڑھوں گا۔ لیکن پڑھوں گا ضرور۔

 

[محمداحمد]

کیا تحریر کوچہء آلکساں میں منتقل کروادی جائے؟

 

[محمداحمد]

پشتو شعر کا ترجمہ
جس نے شادی کی برا کیا
جو شادی نہیں کررہا اچھا نہیں کر رہا .

پہلا جملہ شاید پہلی شادی کے لئے ہے۔
اور دوسرا دوسری کے لئے۔

 

[نیرنگ خیال]

کیا تحریر کوچہء آلکساں میں منتقل کروادی جائے؟

اس منتظم کو کوچے سے کیوں نہیں نکلوا دیتے۔۔۔

 

[نیرنگ خیال]

پہلا جملہ شاید پہلی شادی کے لئے ہے۔
اور دوسرا دوسری کے لئے۔

کیا بات ہے حضور۔۔۔ واہ

 

[محمد تابش صدیقی]

اس منتظم کو کوچے سے کیوں نہیں نکلوا دیتے۔۔۔

تحریر پڑھنے لگا تھا، لیکن یہ کمنٹ دیکھ کر رک گیا۔ گہری سازش چل رہی ہے۔

 

[محمد حسن شہزادہ]

شادیٔ مرگ ِ شاعری
(شادی اور شاعری)​

از محمد احمد​

کہتے ہیں شاعر کو شادی ضرور کرنی چاہیے، کہ اگر بیوی اچھی مل جائے تو زندگی اچھی ہو جائے گی ورنہ شاعری اچھی ہو جائے گی۔ موخر الذکر صورت تو اللہ نہ کرے کسی کے ساتھ پیش آئے لیکن اول الذکر صورت میں بھی آنے والی آپ کو محرومِ محض نہیں کرتی بلکہ اُس کی کوشش ہوتی ہے کہ شاعری کا بھی دال دلیہ چلتا رہے۔ اب یہ آپ پر منحصر ہے کہ دال دلیا پر صبر شکر کریں یا کوئی اور نیا طوطا پال لیں۔ یہ البتہ ذہن میں رہنا چاہیے کہ طوطا دال دلیے سے الرجک ہوتا ہے اور ہری مرچیں چبانے کو ہی اپنے لئے باعث صد افتخار گردانتا ہے۔ طوطا پالنے کی نسبت بکری پالنا ذرا آسان ہے اور تحریک کے لئے مشہور مثل بھی موجود ہے کہ "غم نداری بُز بخر" یعنی اگر آپ کو کوئی غم نہیں ہے تو بکری پال لیجے۔ تاہم بکری سے ملنے والے غموں کے خام مال سے آپ عاشقانہ اور درد بھری شاعری کرنے کے قابل ہو جائیں تو ہم سفارش کریں گے کہ اس صدی کا سب سے بڑا مبالغہ آرائی اور مغالطہ فرمائی کا ایوارڈ آپ کو ہی دیا جائے۔

جیسا کہ ہم نے بتایا کہ شادی کی صورت میں آپ غم و آلام سے محرومِ محض ہو کر نہیں رہ جاتے بلکہ کچھ نہ کچھ راشن آپ کو ملتا ہی رہتا ہے ۔ اور اسی پر اکتفا کرکے ہمارے ہاں مزاحیہ شاعر اپنے غموں پہ روتے ہیں لے کر "کسی" کا نام۔ یعنی بیگم کا نام۔ مزاحیہ شاعروں سے اکثر یہ سوال پوچھا جاتا ہے کہ آپ کی شاعری صرف بیگم صاحبہ کے ارد گرد ہی کیوں گھومتی ہے تو وہ مسکرا کر کہتے ہیں کہ زندگی کا لطف انہی کھٹی میٹھی باتوں میں ہے۔ اور دل میں کہتے ہیں کہ :

یہ درد کے ٹکڑے ہیں، اشعار نہیں ساغر
ہم کانچ کے دھاگوں میں زخموں کو پروتے ہیں​

ہمارا خیال ہے کہ اکثر سنجیدہ شاعر ،شادی کے بعد مزاحیہ شاعری صرف اس لئے کرنے لگتے ہیں کہ اُن کے خیالات پر گرفت ہونے لگے تو وہ کھسیا کر کہیں کہ بھئی یہ تو مزاحیہ شاعری ہے اور مزاحیہ شاعری ایسی ہی ہوتی ہے۔ یعنی بزبانِ حال کہتے نظر آتے ہیں کہ :

اشعار کے پردے میں ہم "کِن" سے مخاطب ہیں
اللہ کرے ہرگز وہ جان نہیں پائیں ​

کچھ لوگ البتہ شادی کے بعد بھی سنجیدہ شاعری ہی کرتے ہیں لیکن حالات کی ستم ظریفی کے سبب سامعین اُن کی شاعری پر ہنسنے لگتے ہیں اور وہ بے چارے تلملاتے ہوئے مسکراتے ہیں اور مسکرا کر کہتے ہیں کہ یہ مزاحیہ کلام ہی تھا۔

یوں تو ہماری قوم کے لوگ اتنے سفاک اور ظالم نہیں ہیں کہ دوسروں کے غموں پر ہنسنا شروع کر دیں لیکن کیا کیا جائے کہ شادی شدہ لوگوں کے دُکھ کنواروں کو سمجھ نہیں آتے سو وہ کچھ نہ سمجھتے ہوئے مسکرا دیتے ہیں اور شادی شُدہ لوگ چونکہ خود بُھگت کر بیٹھے ہوتے ہیں سو اُن کی ہنسی خودبخود نکل جاتی ہے۔

شادی شدہ شاعروں کو ہمارا مشورہ یہ ہے کہ وہ اپنی بیاض بیگموں سے چھپا کر رکھیں کہ اگر وہ غریب ملی نغمہ بھی لکھیں گے تو اُس پر بھی اُن کی گرفت ہو سکتی ہے کہ ملی نغمہ تو چلو ٹھیک ہے لیکن اس میں فضا، کہکشاں، خوشبو اور چاندنی وغیرہ کا اس قدر ذکر کیوں ہے۔ اب اُنہیں کوئی کیا سمجھائے کہ ہمارے ہاں ایسے تمام الفاظ جو لطافت اور خوبصورتی کے استعارے ہوتے ہیں اُنہیں لڑکیوں کے ناموں کے لئے چُن لیا جاتا ہے یہاں تک بھی ٹھیک ہے لیکن افسوس یہ ہے کہ یہی لڑکیاں آگے جا کر بیویاں بن جاتی ہیں اور تمام تر جمالیاتی احساسات اور لطافتوں سے عاری و بھاری ہو جاتی ہیں۔

اگر آپ ایک خاتون ہیں او ر ابھی تک یہ تحریر پڑھ رہی ہیں تو ہم اس بات کا اعتراف ضرور کریں گے کہ خواتین میں جمالیاتی حس ختم ہر گز نہیں ہوتی بلکہ اُن بے چاریوں کا مقصد صرف شوہروں کی "آؤٹ آف دی باکس" جمالیاتی حسیات کا قلعہ قمہ کر نا ہوتا ہے، جو کچھ ایسا غلط بھی نہیں ہوتا۔

یہ بھی ضروری نہیں ہے کہ ہر شادی شدہ شاعر ملی نغمے ہی لکھ رہا ہو ۔ سو شاعروں کی بیویوں کو بھی اُن پر ظاہر ہونے والے جنوں کے آثار پر نظر رکھنی چاہیے اور یہ بھی دیکھنا چاہیے کہ اُن کے شوہرِ نامدار کو کون دیوانہ بنا رہا ہے۔ اس کی اشد ضرورت اسلئے بھی ہے کہ اس قسم کے دیوانے "بکار خیر "کافی ہشیار ہوتے ہیں۔

کچھ عاشقانہ شاعری کرنے والے ایسے بھی ہوتے ہیں کہ جن کی شاعری پر شادی سے کوئی خاص فرق نہیں پڑتا ۔ تاہم اس بارے میں ہم کچھ وثوق سے نہیں کہہ سکتے کہ ایسے حضرات قفس کو ہی آشیاں سمجھ بیٹھتے ہیں یا قفس کی تیلیوں کو دریچہ کور (window blinds) اور دریچہ کور کو پردہء سیمیں سمجھتے ہوئے اپنے تصورات کی دنیا کو مجسم کر لیتے ہیں۔ اور غالباً بڑے غرّے سے یہ کہتے ہوں گے کہ:

اے پردہ نشین تم کو یہ پردہ مبارک ہو
ہم اپنے تصور میں تصویر بنا لیں گے​

اور یہ بھی کہ :

ہم پہ تو وقت کے پہرے ہیں "فلاں" کیوں چپ ہے​

بہرکیف ،تمام گفتگو کو سمیٹتے ہوئے ہم بہ استفادہء شکیب تمام شادی زدہ شعراء کو مشورہ دیں گے کہ:

شاعری کیجے کہ یہ فطرتِ شاعر ہیں شکیب
جالے لگ جاتے ہیں جب بند مکاں ہوتا ہے​

گفتگو کی اجازت تو ویسے بھی آپ کو خال خال ہی ملتی ہوگی۔

واہ بہت خوب جناب مزاہ آگیا
اب سوال یہ ہے کہ کیا میں شادی کر لوں یا بکری خرید لوں

 

[محمداحمد]

واہ بہت خوب جناب مزاہ آگیا
اب سوال یہ ہے کہ کیا میں شادی کر لوں یا بکری خرید لوں

اس سوال کا جواب تو نیرنگ خیال بھائی ہی دے سکتے ہیں۔