شعر و شاعر (اشعار اور خالق)

[طارق شاہ]

تیرے بن، ہم سے طبیعت تک نہ بہلائی گئی !
لاکھ کوشش پر بھی، دی تیری نہ تنہائی گئی

شفیق خلشؔ

 

[طارق شاہ]

دِل بھی معصُوم تھا خلشؔ کتنا
جب سراپا نہ ڈھانپتی تھی کوئی
.
شفیق خلشؔ

 

[طارق شاہ]

حیات و ذات پر فُرقت کے غم برباد بھی ہونگے
کبھی حاصل رہی قربت سے ہم پھر شاد بھی ہونگے

شفیق خلشؔ

 

[طارق شاہ]

مجھ پر مفارقت سے خزاں مستقل ہُوئی
بہلے گا خاک دِل مرا باغ و بہار سے
.
شفیق خلشؔ

 

[طارق شاہ]

یاد آئے آج ہار کے بیٹھے پہ وہ خلشؔ
جن کو بدل دِیا تھا غمِ روز گار سے

شفیق خلشؔ

 

[طارق شاہ]

ہر وقت ہم پہ اِک نیا اِلزام چاہئے
احباب قصّہ گو ہیں اُنھیں کام چاہئے

شفیق خلشؔ

 

[طارق شاہ]

دُوری بھی بعدِ وصل قیامت ہے اِک خلشؔ !
تنہائی دے خُدا نہ کسے قربتوں کے بعد

شفیق خلشؔ

 

[طارق شاہ]

جو آکے بیٹھ گئے ہو مکین و مالک سا
دل و جگر میں محبت اُتارے کون ہو تم
.
شفیق خلشؔ

 

[طارق شاہ]

کچھ تو دِل اپنا فیصلوں کا مجاز !
کچھ بھروسہ بھی آسماں پہ نہیں

شفیق خلشؔ

 

[طارق شاہ]

پِھر سَرِ راہ مُلاقات کا امکان رہے!
ممکنہ، ذکرِ مقامات تو کرتے جاؤ

شفیق خلشؔ

 

[کاشفی]

اپنا زمانہ آپ بناتے ہیں اہلِ دل
ہم وہ نہیں کہ جن کو زمانہ بنا گیا
(جگر مُراد آبادی)

 

[طارق شاہ]

اِن سے ہیں ہر لحاظ سے ہم مُختلف مگر
پُوچھا کبھی کسی نے نہ، آئے کہاں سے تم

شفیق خلشؔ

 

[طارق شاہ]

ہَمَیں بھی دُکھ تو بہت ہے، مگر یہ جُھوٹ نہیں
بُھلا نہ دیتے اُسے ہم، تو مر گئے ہوتے

اُمِیدؔ فاضلی

 

[طارق شاہ]

اِس بار یاد آنے پہ محسُوس کیوں ہُو ئے
ساری حقیقتوں پہ بھی اِک داستاں سے تم

شفیق خلشؔ

 

[طارق شاہ]

آیا خیال جب بھی، مُسلسل ہی آیا ہے!
کب کم رہے ہو یاد میں اِک کارواں سے تم

شفیق خلشؔ

 

[طارق شاہ]

سَوالوں میں تم ہو، جَوابوں میں تم ہو
کُھلی آنکھ میں تم تو خوابوں میں تم ہو
شفیق خلشؔ

 

[طارق شاہ]

ہماری بے حسی پررونے والا بھی نہیں کوئی
چلو، جلدی چلو، پِھر شہر کو جلتا ہُوا دیکھیں

شہریارؔ

 

[طارق شاہ]

منجمد ہوتی چلی جاتی ہیں آوازیں تمام
ایک سنّاٹا ہے سارے شہر میں پھیلا ہُوا

شہریارؔ

 

[شاھد خیالوی]

اُداسیوں کا یہ موسم بدل بھی سکتا تھا
وہ چاہتا ، تو مِرے ساتھ چل بھی سکتا تھا

وہ شخص! تُو نے جسے چھوڑنے میں جلدی کی
تِرے مزاج کے سانچے میں ڈھل بھی سکتا تھا

وہ جلدباز! خفا ہو کے چل دِیا، ورنہ
تنازعات کا کچھ حل نکل بھی سکتا تھا

اَنا نے ہاتھ اُٹھانے نہیں دِیا ، ورنہ
مِری دُعا سے، وہ پتّھر پگھل بھی سکتا تھا

تمام عُمرتِر ا منتظر رہا مُحسن
یہ اور بات کہ ، رستہ بدل بھی سکتا تھا

مُحسؔن نقوی

یہ غزل میرے دوست ندیم رومی کی ہے جو غلطی سے محسن نقوی کے نام سے شئیر ہو رہی ہے

 

[مظہر ذوالفقار]

تسبیحیں ٹوٹیں خرقے مصلے پھٹے جلے
کیا جانے خانقاہ میں کیا میرؔ کہہ گئے

میر تقی میر