فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
امريکی حکومت نے دہشت گردی کے عفريت کے خاتمے کے ليے جاری عالمی کاوشوں کے ضمن ميں پاکستان کی عوام اور افواج کی بے مثال قربانيوں کو ہميشہ تسليم کيا ہے۔ ان قربانيوں کے ادراک اور پاکستان کے ساتھ ہمارے مصمم ارادے کا ہی نتيجہ ہے کہ دنيا کے کسی اور ملک نے پاکستان کو اتنا تعاون اور معاونت فراہم نہيں کی ہے جتنی امريکی حکومت کی جانب سے کی گئ ہے۔ پاکستان کے ساتھ ہمارے تعاون اور وسائل ميں شراکت صرف دفاعی امداد، لاجسٹک اسپورٹ، تربيت اور اينٹيلی جنس کے تبادلے تک ہی محدود نہيں ہے بلکہ اس شراکت داری ميں دونوں ممالک کے درجنوں ايسے اداروں اور محکموں کے مابين عملی تعاون بھی شامل ہے جو عام لوگوں کی حفاظت اور سيکورٹی کے ليے ہر روز کاوشيں کر رہے ہيں۔
جہاں تک ايف اے ٹی ايف کا تعلق ہے تو اس ضمن ميں ايشو يہ نہيں ہے کہ کسی ايک مخصوص ملک يا اس کی حکومت کو سپورٹ يا تعاون فراہم کيا جائے۔
زير غور معاملہ يہ ہے کہ طے شدہ پاليسيوں، طريقہ کار اور پروٹوکولز کو کيسے فعال طريقے سے رائج کيا جائے تا کہ اس بات کو يقینی بنايا جا سکے کہ تمام فريقين اسی معاشی نيٹ ورک کے خاتمے کے ليے اپنا بھرپور اور موثر کردار ادا کريں جس کے ذريعے خطے ميں عام لوگوں کے خلاف پرتشدد کاروائياں کی جاتی ہيں۔ يہ نتائج پاکستان سميت تمام فريقين کے ليے سود مند ہوں گے۔
ريکارڈ کی درستگی کے ليے کچھ اعداد وشمار پيش ہيں جو امريکہ اور پاکستان کے درميان مضبوط اسٹريجک تعلقات کے ضمن ميں ہمارے ارادے اور عزم کو واضح کرتے ہيں۔
امريکی حکومت اپنے ان شراکت داروں کے ساتھ مل کر کام کرتی رہے گی جو دہشت گردی کا شکار ہيں تا کہ ان عناصر اور گروہوں کے خلاف تاديبی کاروائ اور موثر حکمت عملی کو کاميابی سے ہمکنار کيا جائے جو تمام دنيا ميں عام شہريوں کے ليے مشترکہ خطرے کا سبب ہيں۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
