طبع زاد اشعار کی بیت بازی

[مومن فرحین]

واہ کتنی خوبصورت بزم ہے
بیٹھنے کی کیا اجازت ہے یہاں

’’نہ سمجھو کہ یہ ایک قطرہ ہے آنسو
مری شاعری کا اثاثہ ہے آنسو !!!

 

[اکمل زیدی]

واہ کتنی خوبصورت بزم ہے
بیٹھنے کی کیا اجازت ہے یہاں

نیت پہ عمل کا دارومدار سارا
اور دنیا کا ظاہر پہ کاروبار سارا

 

[فہد اشرف]

اس لڑی میں بنتی نظر آتی نہیں میری بات
من ندانم فاعلاتن فاعلاتن فاعلات

 

[اکمل زیدی]

ترتیب کی ترکیب میں الجھا ہے تکلم
بحر کے مسئلے تو کبھی اوزان میں گم

 

[فاخر]

يہ شعر ’’بھتیجے‘‘ کی سالگرہ کے موقعہ پر لکھی گئی نظم کا حصہ ہے،ردیف(میم) کی وجہ سے یہاں پیش کررہا ہوں:

’’میرے احمد سنو تم سدا خوش رہو
روز شب کی خوشی ہو مبارک تجھے !‘‘

 

[محمد خلیل الرحمٰن]

يہ شعر ’’بھتیجے‘‘ کی سالگرہ کے موقعہ پر لکھی گئی نظم کا حصہ ہے،ردیف(میم) کی وجہ سے یہاں پیش کررہا ہوں:

’’میرے احمد سنو تم سدا خوش رہو
روز شب کی خوشی ہو مبارک تجھے !‘‘

یہاں تمہیں کا محل ہے۔ چلیے ی کا شعر ہی کہہ دیتے ہیں۔

یہ روز و شب کی خوشیاں تم کو بھی راس آئیں
ہم ہر گھڑی جو تم کو دیتے رہیں دعائیں​

 

[فاخر]

ہاں تمہیں کا محل ہے۔ چلیے ی کا شعر ہی کہہ دیتے ہیں۔

شتر گربہ والی ’’بیماری‘‘ ہے نا؟

 

[اکمل زیدی]

ترتیب کی ترکیب میں الجھا ہے تکلم
بحر کے مسئلے تو کبھی اوزان میں گم

فاخر صاحب آپ نے بھی قصائیوں کی طرح چھری چلا دی۔۔۔۔pointout توکریں ساتھ کہ بحر پسند نہیں آئی بے وزنی ناپسند ہوئی خیال میں خرابی ہے لفظوں کے چناو ٹھیک نہیں ہے ۔۔مفہوم بہتر نہیں ہے کچھ اور ۔؟۔بتا تو دیں تاکہ اس طرف متوجہ ہوا جا سکے۔۔۔

 

[محمد تابش صدیقی]

فاخر رضا بھائی یار آپ بھی قصائیوں کی طرح چھری چلا دیتے ہو۔۔۔pointout تو کریں بحر پسند نہیں آئی بے وزنی ناپسند ہوئی خیال میں خرابی ہے لفظوں کے چناو ٹھیک نہیں ہے ۔۔مفہوم بہتر نہیں ہے کچھ اور ۔؟۔بتا تو دیں تاکہ اس طرف متوجہ ہوا جا سکے۔۔۔

یہ فاخر رضا بھائی نہیں فاخر بھائی ہیں۔

 

[اکمل زیدی]

یہ فاخر رضا بھائی نہیں فاخر بھائی ہیں۔

مطلب وہ والے نہیں جنہیں سمجھ رہا ہوں۔۔؟

 

[اکمل زیدی]

مطلب وہ والے نہیں جنہیں سمجھ رہا ہوں۔۔؟

کچھ تدوین کے ساتھ مراسلہ جوں کا توں ہے اور ہاں تابش بھائی ادھر ذرا کان لائیں۔۔۔

سرگوشی

وہ۔۔کیا ہے کہ۔۔۔عادت تو ان کی بھی ایسی ہے ہے۔۔۔۔

 

[محمد خلیل الرحمٰن]

یہاں تمہیں کا محل ہے۔ چلیے ی کا شعر ہی کہہ دیتے ہیں۔

یہ روز و شب کی خوشیاں تم کو بھی راس آئیں
ہم ہر گھڑی جو تم کو دیتے رہیں دعائیں​

حضرات اگلا شعر عنایت فرمائیں!

 

[محمد تابش صدیقی]

نام اپنا درج کرواتے ہیں ہم بھی کھیل میں
سارے بےبحروں کو بھیجا جائے گا اب جیل میں

 

[محمد احسن سمیع راحلؔ]

نام اپنا درج کرواتے ہیں ہم بھی کھیل میں
سارے بےبحروں کو بھیجا جائے گا اب جیل میں

نہ مٹنا عشق میں، حاصل نہیں کچھ
میں مٹنے کی اذیت جانتا ہوں

 

[محمد تابش صدیقی]

ن سے جان ہماری نہیں چھٹنے والی
بھائی جاسم کو بلانا ہی پڑے گا اب تو

 

[محمد خلیل الرحمٰن]

ن سے جان ہماری نہیں چھٹنے والی
بھائی جاسم کو بلانا ہی پڑے گا اب تو

وہ جو آئیں گے سیاست کو بھی لے آئیں گے
ان کو اس دھاگے سے بس دور ہی رکھنا ہوگا​

 

[محمد عبدالرؤوف]

وہ جو آئیں گے سیاست کو بھی لے آئیں گے
ان کو اس دھاگے سے بس دور ہی رکھنا ہوگا​

اچھا نہیں تو برا ہی کہہ دو
کچھ تو بہرِ خدا ہی کہہ دو

 

[فہد اشرف]

وہ مجھے برا کہتے ہیں
ان کو اچھا میں نہیں لگتا

 

[فاخر]

وہ مجھے برا کہتے ہیں
ان کو اچھا میں نہیں لگتا

آنسؤوں کے سفر میں ہوں اس واسطے
آنکھ میں ہر گھڑی تیرتی ہے نمی!!!

 

[مومن فرحین]

یہ دنیا کھیل ہے زندہ دلوں کا
کوئی رو رو کے کیوں کر جیت پائے