طبع زاد اشعار کی بیت بازی

[محمد عبدالرؤوف]

وارفتگئ شوق نے کیا دن دکھائے ہیں
ملنا تھا کس سے اور کسے مل کے آئے ہیں

نماز عشق مودت ہے یوں بھی مومن کی
قضا کے وقت بھی کرتا نہیں قضا کوئی

جناب اکمل زیدی کے آخری حرف پر لیکن جناب فہد اشرف صاحب کے شعر کا جواب

یونہی گناہ گار تو کہیے نہ شوق کو
ہے سب قصور آپ کی یہ کج نگاہی کا

 

[فہد اشرف]

جناب اکمل زیدی کے آخری حرف پر لیکن جناب فہد اشرف صاحب کے شعر کا جواب

یونہی گناہ گار تو کہیے نہ شوق کو
ہے سب قصور آپ کی یہ کج نگاہی کا

اپنی کج نگاہی کا اعتراف ہے مجھ کو
دوسرا کوئی مصرعہ بن نہیں رہا مجھ سے

 

[مومن فرحین]

یوں بھی اکثر کئی اشعار سے بن جاتے ہیں
کئی غصے سے کئی پیار سے بن جاتے ہیں

 

[محمد احسن سمیع راحلؔ]

وارفتگئ شوق نے کیا دن دکھائے ہیں
ملنا تھا کس سے اور کسے مل کے آئے ہیں

فہد، یہ مطلع اگر فی البدیہہ کہا ہے تو سنبھال کر رکھنا، اس پر اچھی غزل ہو سکتی ہے.

 

[فہد اشرف]

فہد، یہ مطلع اگر فی البدیہہ کہا ہے تو سنبھال کر رکھنا، اس پر اچھی غزل ہو سکتی ہے.

شکریہ راحل بھائی۔میرے سارے ہی شعر فی البدیہہ ہیں، میں نے اس لڑی سے پہلے کبھی کوئی شعر نہیں کہا تھا۔

 

[فہد اشرف]

یوں بھی اکثر کئی اشعار سے بن جاتے ہیں
کئی غصے سے کئی پیار سے بن جاتے ہیں

نادیدنی تھی دوستوں کی کج ادائیاں
ہم بزمِ دوستاں سے ابھی اٹھ کے آئے ہیں

 

[مومن فرحین]

ہائے اللّه استاد جی اب بس کریے ۔۔۔ ہمیں اب آپ سے جلن ہونے لگی ہے ۔۔۔

سرگوشی

کون کہے گا انہیں شاعری نہیں آتی

نادیدنی تھی دوستوں کی کج ادائیاں
ہم بزمِ دوستاں سے ابھی اٹھ کے آئے ہیں

 

[مومن فرحین]

دو اتنے خوبصورت اشعار کے بعد تو اب پوری غزل کا انتظار ہے ۔۔۔ ماشاءالله
اللّه کرے زور قلم اور زیادہ ۔۔۔۔

 

[محمد احسن سمیع راحلؔ]

نادیدنی تھی دوستوں کی کج ادائیاں
ہم بزمِ دوستاں سے ابھی اٹھ کے آئے ہیں

نے کج ادائیاں تھیں نہ یاروں کی بے رخی
ہم بزم سے اٹھے تھے کہ آنے لگا تھا بل

 

[محمد عبدالرؤوف]

نے کج ادائیاں تھیں نہ یاروں کی بے رخی
ہم بزم سے اٹھے تھے کہ آنے لگا تھا بل

لوٹا مرے یاروں نے یوں ہر بار مجھی کو
بل کا سنا تو اُڑ گئے کھانا اُڑا کے سب

 

[محمد شکیل خورشید]

بل کی خبر پہ کیوں ہیں سبھی بلبلا اٹھے
کیا مالِ مفت سوچ کے دعوت اڑائی تھی

 

[فہد اشرف]

بل کی خبر پہ کیوں ہیں سبھی بلبلا اٹھے
کیا مالِ مفت سوچ کے دعوت اڑائی تھی

یوں ہاتھ اپنا سب ہی بڑھاتے ہیں جیب تک
لیکن جو بل بڑا ہو تو لاچار کیا کریں

 

[اکمل زیدی]

یوں ہاتھ اپنا سب ہی بڑھاتے ہیں جیب تک
لیکن جو بل بڑا ہو تو لاچار کیا کریں

نیا موضوع سخن ایجاد کیا جائے
اب دعوت سے سب کو آزاد کیا جائے

 

[محمد شکیل خورشید]

یوں بدل لیتے ہیں اپنی بات ہم
یاد کر لیتے ہیں سُر کی رات ہم

 

[محمد احسن سمیع راحلؔ]

یوں بدل لیتے ہیں اپنی بات ہم
یاد کر لیتے ہیں سُر کی رات ہم

میں کہ رات جو بھی غزل کہو‌ں، اسے لوگ اس کی ادا کہیں
جسے شہر کہتا ہے پارسا، مرے کتنے شعر چرائے گی؟

 

[محمد شکیل خورشید]

میں کہ رات جو بھی غزل کہو‌ں، اسے لوگ اس کی ادا کہیں
جسے شہر کہتا ہے پارسا، مرے کتنے شعر چرائے گی؟

یہ رات اپنا خراج لے گی، ضرور لے گی
یہ رت جگوں کا بیاج لے گی، حضور لے گی

 

[محمد احسن سمیع راحلؔ]

یہ رات اپنا خراج لے گی، ضرور لے گی
یہ رت جگوں کا بیاج لے گی، حضور لے گی

واہ، ذوقافیتین! ویسے خراج اور بیاج کا قافیہ خوب ملایا ہے آپ نے

 

[اکمل زیدی]

یہ رات اپنا خراج لے گی، ضرور لے گی
یہ رت جگوں کا بیاج لے گی، حضور لے گی

یکسو ہوں بظاہر بکھرا ہوا ہوں لیکن
مگر اتحاد در انتشار ترے انتظار میں

 

[ام عبدالوھاب]

نہیں سمٹتا تصور میں تیرا بکھرنا مجھ سے
بکھرا تو سمٹ جائے پر ٹوٹے کو جوڑوں کیسے

 

[محمد شکیل خورشید]

نہیں سمٹتا تصور میں تیرا بکھرنا مجھ سے
بکھرا تو سمٹ جائے پر ٹوٹے کو جوڑوں کیسے

یہ ٹوٹنا بکھرنا، یہ پھر بکھر سمٹنا
یہ عشق کی ادائیں، کیسی ہیں قاتلانہ