طبع زاد اشعار کی بیت بازی

[اکمل زیدی]

یوں تو اشرف ہوں مخلوق میں مگر خطا کار ہوں
میں ہی تائب ہوں اور میں ہی گنہگار ہوں

نہیں ہے کوئی بھی پارسا یہاں پر
دعا کیجیے کہ ہو سب کی خیر یارب

 

[ام عبدالوھاب]

نہیں ہے کوئی بھی پارسا یہاں پر
دعا کیجیے کہ ہو سب کی خیر یارب

آمین

 

[محمد شکیل خورشید]

نہیں ہے کوئی بھی پارسا یہاں پر
دعا کیجیے کہ ہو سب کی خیر یارب

بخش دے اپنے کرم کے نام پر
صدقہِ شاہِ امم کے نام پر

 

[مومن فرحین]

رنگ تصویر میں بھر کر دیکھا
پر وہ بے رنگ اداسی نہ گئی

 

[ام عبدالوھاب]

رنگ تصویر میں بھر کر دیکھا
پر وہ بے رنگ اداسی نہ گئی

یوں بکھرے ہیں سبھی رنگ قوسِ قزح کے
بچپن کی کوئی ہنسی ہو جیسے۔۔

 

[الف عین]

یہ شعر طبع زاد ہیں، گو وزن میں نہیں
اکمل انہیں بحور میں لے آئے تو کوئی

 

[فہد اشرف]

یہ شعر طبع زاد ہیں، گو وزن میں نہیں
اکمل انہیں بحور میں لے آئے تو کوئی

یہ بحر میں آگئے ہیں لیکن
رنگ فع باندھا جا سکتا ہے کیا؟

یوں بکھرے ہیں سارے رنگ دھنک کے
بچپن کی کوئی ہنسی ہو جیسے

 

[الف عین]

یہ بحر میں آگئے ہیں لیکن
رنگ فع باندھا جا سکتا ہے کیا؟

یوں بکھرے ہیں سارے رنگ دھنک کے
بچپن کی کوئی ہنسی ہو جیسے

یار تم شعر کیوں نہیں کہتے
طبع موزوں تو لے کے آئے ہو!
'رنگ' فع باندھنا غلط ہی ہے
اس کو کیا رگ یا رن بھی پڑھتے ہو

 

[ام عبدالوھاب]

وہ سمجھے ہیں شاعری کو بچپن کا کھیل کوئی
ہم نے تو اس سے مرتا جوانی کو دیکھا ہے۔

 

[فہد اشرف]

۔

 

[فہد اشرف]

یار تم شعر کیوں نہیں کہتے
طبع موزوں تو لے کے آئے ہو!
'رنگ' فع باندھنا غلط ہی ہے
اس کو کیا رگ یا رن بھی پڑھتے ہو

یہ اور بات کہ موزوں مری طبیعت ہے
مگر یہ شاعری تو ایک کارِ دقت ہے

 

[ام عبدالوھاب]

یہ اور بات کہ موزوں مری طبیعت ہے
مگر یہ شاعری تو ایک کارِ دقت ہے

یہ اور بات ہے کہ دل اس پہ آگیا
ویسے تو اس نظر کو بھایا کبھی نہ تھا

 

[ام عبدالوھاب]

کہاں غائب ہیں بھئی سب؟

 

[محمد شکیل خورشید]

اب صبح سویرے حاضری لگنا بھی خوب ہے پر
آغاز ہے یہ ہفتے کا کچھ درگذر بھی ہو

 

[محمد تابش صدیقی]

واعظ! ہمیں نہ چھیڑ، ابھی ہوش میں نہیں
ایسا نہ ہو نقاب ترا بھی اتار دیں

 

[مومن فرحین]

نگاہوں ہی نگاہوں میں شرارت ہوتی جاتی ہے
دلوں میں درد اٹھتا ہے محبت ہوتی جاتی ہے

 

[فہد اشرف]

نگاہوں ہی نگاہوں میں شرارت ہوتی جاتی ہے
دلوں میں درد اٹھتا ہے محبت ہوتی جاتی ہے

یہ دل جو درد کا مسکن بنا ہے
نگہ بازی کے ہی کارن بنا ہے

 

[ام عبدالوھاب]

یہ دل جو درد کا مسکن بنا ہے
نگاہوں کی شرارت سے بنا ہے

ہائے ہائے۔۔۔۔۔۔۔۔۔

 

[محمد شکیل خورشید]

یہ دل جو درد کا مسکن بنا ہے
نگاہوں کی شرارت سے بنا ہے

یہاں رخصت جو پائی قافیہ پیمائی کی ہے
اجازت مرحمت کیا اس کی فرمائی گئی ہے

 

[محمد عبدالرؤوف]

یہاں رخصت جو پائی قافیہ پیمائی کی ہے
اجازت مرحمت کیا اس کی فرمائی گئی ہے

یوں تو نہیں اجازتیں بے قافیہ ہو شعر
لیکن یہ کیا ردیف میں ہیں خاص اجازتیں