طبع زاد اشعار کی بیت بازی

[فہد اشرف]

نادم ہوں اپنے سہِو مسلسل پہ محترم
لاہور سے ہوں اہلِ زباں کس طرح بنوں؟

نہیں ہیں اہلِ زباں صرف دلّی و لکھنؤ والے
بہت درخشاں ہیں پنجاب کے کواکبِ اردو

 

[محمد عبدالرؤوف]

نہیں ہیں اہلِ زباں صرف دلّی و لکھنؤ والے
بہت درخشاں ہیں پنجاب کے کواکبِ اردو

وارثِ اردو تو ہے اب تو مرا پنجاب بھی
کون ہے نا آشنا اب فیض سے اقبال سے

 

[الف عین]

وارثِ اردو تو ہے اب تو مرا پنجاب بھی
کون ہے نا آشنا اب فیض سے اقبال سے

یاد پھر اقبال کو اکبال کہنا آ گیا
اور پنجابی کو عادت ہے 'پنجابی' باندھنا

 

[ام عبدالوھاب]

اردو سے ہمیں بہت محبت ہے مگر افسوس
لکھتے ہیں اس کو ہم انگریزی حروف میں

 

[محمد عبدالرؤوف]

یاد پھر اقبال کو اکبال کہنا آ گیا
اور پنجابی کو عادت ہے 'پنجابی' باندھنا

اردو سے ہمیں بہت محبت ہے مگر افسوس
لکھتے اس کو ہم انگریزی حروف میں

نکتہ دانوں نے کہا پنجاب ہے سادہ بہت
ہے وہاں رائج تلفظ دل کو جو اچھا لگے

 

[محمد تابش صدیقی]

یہ سب لہجے ملا کر ہی بنا گلدستۂ اردو
ملا کرتی ہے اس سے مختلف انداز کی خوشبو

 

[ام عبدالوھاب]

یہ سب لہجے ملا کر ہی بنا گلدستۂ اردو
ملا کرتی ہے اس سے مختلف انداز کی خوشبو

واہ واہ،،،،،،،،کیا کہنے۔تابش بھائی بہت عمدہ

 

[سیما علی]

یہ سب لہجے ملا کر ہی بنا گلدستۂ اردو
ملا کرتی ہے اس سے مختلف انداز کی خوشبو

بہت عمدہ ماشاء اللّہ ماشاء اللّہ
ڈھیر ساری دعائیں

 

[سیما علی]

یاد پھر اقبال کو اکبال کہنا آ گیا
اور پنجابی کو عادت ہے 'پنجابی' باندھنا

اُستادِ محترم ہمارے ایک تایازاد بھائی بہت عرصے لاہور میں نوکری کے سلسلے میں رہے جب بہت موڈ میں ہوتے ہیں تو کہتے کچھ اور نہیں سننا اسوقت “ہور سناؤ بھائی بالا کی کہہندہ ہے۔”۔

 

[ام عبدالوھاب]

یہ سب لہجے ملا کر ہی بنا گلدستۂ اردو
ملا کرتی ہے اس سے مختلف انداز کی خوشبو

وہ گلشن ہے گھر کا اردو ،مہکتے ہیں جس میں کئی گل
پشتو بلوچی سندھی،پنجابی سرائیکی سب

 

[الف عین]

بات ہو جب حیدر آبادی تو یہ بھی خوب ہے
بیویاں جب طیش میں ہوں، کھانے لگتی ہیں خصم

 

[محمد تابش صدیقی]

مشترک ہے حیدرآبادی و پنجابی میں یہ
طیش میں آ کر یہاں کہتی ہیں جا کھسماں نوں کھا

 

[ام عبدالوھاب]

اب بیویوں کی نہ کرو علاقائی بدنامی ورنہ
پنجابی شوہر کی گالیوں کی دھوم مچے گی۔

مومن فرحین آجائیں

 

[مومن فرحین]

اب بیویوں کی نہ کرو علاقائی بدنامی ورنہ
پنجابی شوہر کی گالیوں کی دھوم مچے گی۔

مومن فرحین آجائیں

آگئی آپی ۔۔۔
یوں ہے کہ زن کے ذکر سے خالی نہیں جگہ
نہ محفل سخن ہیں نہ ہیں طنز و تہمتیں

 

[محمد شکیل خورشید]

نہ جانے بات پہنچے گی کہاں تک
جو "کے" کو "کہ" لکھے جانے سےنکلی

 

[محمد خلیل الرحمٰن]

نہ جانے بات پہنچے گی کہاں تک
جو "کے" کو "کہ" لکھے جانے سےنکلی

یہ بات کہ 'کے' کو 'کہ' لکھیے
اب دور تلک ہی جائے گی
گو بات بہت چھوٹی سی ہے
پر کچھ تو ہمیں سمجھائے گی
اس بات کا چرچا کرنے سے
املا میں درستی آئے گی​

 

[محمد شکیل خورشید]

یہ سچ درستگی کی درستی بھی چاہئے
اب بات اس سے آگے کو بڑھنی بھی چاہئے

 

[محمد احسن سمیع راحلؔ]

یہ سچ درستگی کی درستی بھی چاہئے
اب بات اس سے آگے کو بڑھنی بھی چاہئے

یہ عجب اعجاز ہے اس سرزمینِ ہند کا
جو تھا ڈسکاؤنٹ عربی میں وہ شوہر ہو گیا

 

[محمد عبدالرؤوف]

یہ سچ درستگی کی درستی بھی چاہئے
اب بات اس سے آگے کو بڑھنی بھی چاہئے

یہ عجب اعجاز ہے اس سرزمینِ ہند کا
جو تھا ڈسکاؤنٹ عربی میں وہ شوہر ہو گیا

اب آ پھنسا ہے سفینہ میانِ کے و کہ ورنہ
نکل تو آئے تھے کب کے درستگی کے بھنور سے

 

[محمد شکیل خورشید]

یہ بات ہے تو چلیں اور گفتگو کرلیں
نئے بیاں کی نئے ڈھب کی آرزو کرلیں