طبی سائنس میں معجزہ، مریض کے دماغ میں لفظ اللہ نمایاں!

[arifkarim]

طبی سائنس میں معجزہ، مریض کے دماغ میں لفظ اللہ نمایاں

لاہور: خالق حقیقی کا معجزہ، نیورو سرجری کے ماہرین بھی حیران رہ گئے۔ تفصیلات کے مطابق لاہور جنرل ہسپتال میں 32 سالہ مریض ضیاء اللہ اپنے چیک اپ کے لیے آؤٹ ڈور میں آیا تو نیورو سرجری یونٹ IIکے ڈاکٹروں نے اسے نہ رکنے والی سردرد اور قے کے سبب سی ٹی انجیوگرافی تجویز کی۔ مذکورہ مریض نے ہسپتال کے شعبہ ریڈیالوجی میں رابطہ کیا جہاں پر معمول کے مطابق سی ٹی انجیو گرافی جاری تھی کہ اچانک سکرین پر ''اللہ'' کا نام گرامی سامنے آ گیا۔ جس پر تمام معالجین حیران رہ گئے اور انہوں نے ایک سے زائد بار مذکورہ نوجوان کا جونہی دماغ کے ایک مخصوص حصے کی انجیوگرافی شروع کی تو ہر بار لفظ ''اللہ'' سامنے آیا۔ ایل جی ایچ شعبہ ریڈیالوجی کے چیف کنسلٹنٹ ڈاکٹر تنویر زبیری کے مطابق یہ خون کی نالیوں میں اکٹھے ہو جانے کے سبب عمل میں آیا ہے جو کسی معجزے سے کم نہیں۔ یہ خبر جنگل میں آگ کی طرح نہ صرف ایل جی ایچ بلکہ شہر میں پھیل گئی اور لوگوں نے بڑی تعداد میں جنرل ہسپتال انتظامیہ سے رابطہ کر کے عکس حاصل کرنے کی درخواست کی جس پر انہیں بتایا گیا کہ مذکورہ معجزہ کا عکس محفوظ کر لیا گیا ہے۔
لنک

 

[زیک]

ضیاءاللہ لکھا ہو گا۔

 

[فرخ]

ویسے میری معلومات کے مطابق سی ٹی اینجیو گرافی دماغ کی نہیں، دل کی ہوتی ہے۔ دماغ کےلئے تو سی ٹی سکین ہوتا ہے۔۔۔۔۔
سی ٹی انجیو گرافی کے ذریعے دل کی شریانوں میں موجود ممکنہ رکاوٹ، انفکیکشن وغیرہ کا پتا چلایا جاتا ہے۔۔۔ یہ کام پہلے انجیوگرافی جس میں شریانوں میں کیمرہ ڈال کر لائیو ویو کے ذریعے کیا جاتا رہا ہے جس میں چھوٹا سا آپریشن کرنا پڑتا ہے اور شریانوں میں کیمرہ گھسانے کے لئے سوراخ بنانا پڑتا ہے۔۔۔۔ سی ٹی انجیوگرافی میں بغیر کسی آپریشن اور کیمرہ ڈالے بغیر پتا لگا لیا جاتا ہے کہ دل یا اس سے ملحقہ شریانوں میں کیا مسئلہ ہے۔۔۔۔
البتہ ممکن ہے یہ یہی ٹیکنالوجی سی ٹی سکین کی جگہ لے رہی ہو۔۔۔۔۔

 

[سید عاطف علی]

سی ٹی انجیو گرافی جاری تھی کہ اچانک سکرین پر ''اللہ'' کا نام گرامی سامنے آ گیا۔

اچانک ۔۔۔ سے تو ایسا لگا کہ سکرین سیور آگیا ہوگا ۔

 

[باباجی]

شکر ہے یہ نہیں لکھ دیا کہ
شیطان آپ شیئر کرنے سے روکے گا

 

[زیک]

بہتر یہی ہے کہ اس کا سر کھول کر دیکھا جائے کہ اندر کیا لکھا ہے

 

[حسیب]

جنرل ہسپتال میں موجود ایک دوست( جو میڈیکل کے طالب علم ہیں اور جنرل ہسپتال میں پریکٹس کرتے ہیں) کو یہ خبر کنفرم کرنے کا کہا مگر کہیں سے بھی اس کی تصدیق نہیں ہو سکی

 

[arifkarim]

جنرل ہسپتال میں موجود ایک دوست( جو میڈیکل کے طالب علم ہیں اور جنرل ہسپتال میں پریکٹس کرتے ہیں) کو یہ خبر کنفرم کرنے کا کہا مگر کہیں سے بھی اس کی تصدیق نہیں ہو سکی

کسی مدرسے سے تصدیق کر والیں ۔ ہو جائے گی۔

 

[لاریب مرزا]

شکر ہے یہ نہیں لکھ دیا کہ
شیطان آپ شیئر کرنے سے روکے گا

 

[bilal260]

اپنے دائیں ہاتھ کو دیکھیں
یا
پھر بائیں ہاتھ کو
لگتا ہے کہ اللہ ہی لکھا ہوا ہے۔
لو کر لو گل۔ہا ہا ہا۔

 

[شہزاد وحید]

عکس بھی شئیر کر دیا ہوتا۔

 

[arifkarim]

عکس بھی شئیر کر دیا ہوتا۔

عکس ہوتا تو شیئر کرتا

 

[شہزاد وحید]

عکس ہوتا تو شیئر کرتا

ویسے بھی ہم گناہ گاروں کی گناہ گار آنکھوں پر گناہوں کا پردہ پڑا ہوا ہمیں کہاں نصیب ایسے عکس۔ ہے نا

 

[ہادیہ]

اس میں اتنا مذاق اڑانے والی کیا بات؟

 

[مخلص انسان]

اتنی اچھی خبر شئیر کرنے پر شکریہ_راحیل شریف

 

[ایم اے راجا]

سمجھ نہیں آتا اس پوسٹ کا کیا جواب دوں مگر پوسٹس بھی تو بڑھانی ہیں نہ !

 

[یاز]

واقعی سمجھ نہیں آ رہا کہ اس خبر پہ کن تاثرات کا اظہار کیا جاوے۔

 

[arifkarim]

واقعی سمجھ نہیں آ رہا کہ اس خبر پہ کن تاثرات کا اظہار کیا جاوے۔

اس قسم کی پوسٹس سردار جی کے اس خالی تیلاب کی طرح ہیں جب کبھی کبھی نہیں بھی نہانا ہوتا۔