فلسفی
محفلین
السلام علیکم ورحمۃ اللہ وبرکاتہ،
احباب کی فرمائش بلکہ یوں کہیے محبت پر خاموشی توڑنے پر مجبور ہوں۔ ارادہ یہی تھا کہ خاموشی سے نئے نام، بلکہ تخلص"فلسفی" کی بنیاد پر شامل محفل رہوں گا۔ لیکن تعارف کے اصرار کی وجہ سے چند سطریں لکھنے پر مجبور ہوں۔
سب سے پہلے محترم الف عین صاحب سے معذرت کہ ان کے کہنے کے باوجود محفل پر باقاعدہ واپس نہیں آسکا۔ لیکن حقیقت یہی ہے کہ ان ہی کی محبت اور شاعری کے لیے اپنی اصلاح کی ضرورت دوبارہ محفل پر کھینچ لائی۔ میری پہلی آئی ڈی محمد عظیم الدین کے نام سے موجود ہے (میں چاہوں گا کہ نئی آئی ڈی ہی استعمال کروں)۔ جب محترم اعجاز عبید صاحب نے محفل کو خیرباد کہنے کا اعلان کیا تو دل کو ایسا دھچکا لگا کہ مت پوچھیے۔ پھر محفل پر ہی کچھ تلخیوں کے باعث ارادہ کر لیا تھا کہ دوبارہ حاضر نہیں ہوں گا۔ لیکن جیسا عرض کیا کہ محترم اعجاز صاحب سے اصلاح کا متمنی تھا لیکن ان کا کہنا تھا کہ اصلاح محفل پر ہی ہو تو بہتر ہے تاکہ سب کو فائدہ ہو۔ لہذا کچھ عرصہ ادھر اُدھر ہاتھ پاؤں مارنے کے بعد اسی نتیجے پر پہنچا کہ محفل جیسا ماحول اور محترم اعجاز صاحب جیسا استاد فی الحال کہیں اور میسر نہیں۔
اس تمہید کے بعد مختصر تعارف عرض کر دیتا ہوں۔ میرا نام محمد عظیم الدین ولد صلاح الدین (مرحوم) ہے۔ لاہور، اسلام پورہ (کرشن نگر) کا رہائشی ہوں۔ کمیپوٹر سائنس میں یونیورسٹی اور مینیجمنٹ اینڈ ٹیکنالوجی لاہور سے گریجویٹ ہوں۔ عمر کے 36 بہاریں دیکھ چکا ہوں۔ جولائی 2008 سے سعودی عرب کے شہر ریاض میں مقیم ہوں۔ داد اور نانا تقسیم کے وقت ضلع روہتک ، گاؤں، حسن گڑھ سے لاہور ہجرت کر کے آئے تھے۔ اس لیے گھر میں بولی جانے والی زبان اردو اور عام دوستوں کے ساتھ بوقت ضرورت تھوڑی بہت پنجابی بھی بول لیتا ہوں۔
شاعری کا شوق بچپن سے ہے۔ پانچویں جماعت میں پہلی نظم کہی تھی
ٹی وی پر کارٹوں لگے رہتے ہیں
بچے سکول سے بھاگتے رہتے ہیں
سبق ان کو آتا نہیں اور
استاد بدنام ہوتے رہتے ہیں
یہ پہلی باقاعدہ تک بندی تھی۔ اس کے بعد چل سُو چل۔ محفل پر آمد سے قبل محترم اسامہ سرسری صاحب کی کتاب "آؤ شاعری سیکھیں" نظر سے گزری تو معلوم ہوا اب تک جو لکھا وہ سب بیکار تھا۔ بس یہی احساس اور اصلاح کی ضرورت محفل تک لے آئی۔
پیشے کے حوالے سے اپنے کیرئیر کا آغاز بطور گرافک ڈیزائنر شروع کیا پھر نیٹ ورکنگ اور آخر میں پروگرامنگ کے دامن میں پناہ لی۔ شوق گریجویشن کے دوران ہی پروگرامنگ کا تھا لیکن بدقسمتی سے پہلی نوکری گرافک ڈیزائنر کی ملی اس لیے تین چار سال بس موقع کی تلاش میں رہا۔ پھر ڈاٹ نیٹ خود سے سیکھی اور اس میں نوکری بھی مل گئی۔ اس کے بعد سی، سی پلس پلس، ڈاٹ نیٹ، پی ایچ پی، وی بی، جاوا، موبائل ڈویلپمنٹ مختلف کمپوٹر کی زبانوں میں مختلف پروجیکٹس پر کام کیا۔ زیاد تر تجربہ مڈل وئیر ٹیکانالوجیز کا ہے۔ لیکن خود کو کبھی کسی ٹول، ٹیکنالوجی یا کمپوٹر کی زبان تک محدود نہیں رکھا۔جس میں کام ملتا ہے کر لیتا ہوں۔
خوش مزاج ہوں۔ مزاح پسند کرتا ہوں۔ ہنستا ہوں، ہنساتا ہوں اور خود پر ہنسنے کا حوصلہ بھی رکھتا ہوں۔ شادی شدہ ہوں، دو بچے ہیں ایک بیٹی گیارہ سال کی فاطمہ، بیٹا آٹھ سال کا محمد۔
حضرت نفیس شاہ صاحب رحمہ اللہ سے (ان کی وفات سے تقریبا تین چار سال قبل) اصلاح کا تعلق تھا۔ حضرت کی وفات کے بعد لاہور کے جامعہ مدنیہ جدید کے استاد مفتی حسن صاحب دامت برکاتہم سے اصلاحی تعلق ہے۔
اپنی زندگی سے مکمل طور پر مطمئن ہوں۔ اللہ پاک نے ہر خواہش اور دعا کو پورا فرمایا ہے۔ اب بس یہی دعا ہے کہ اللہ پاک ایمان کی سلامتی کے ساتھ دنیا سے لے جائے اور اپنے مقبول بندوں میں جگہ عطا فرمائے۔ آمین
محترم محمد عدنان اکبری نقیبی @محمداحمد، زیک اور ربیع م صاحبان
اس کے علاوہ اگر کوئی سوال ہے تو عاجز حاضر ہے۔
احباب کی فرمائش بلکہ یوں کہیے محبت پر خاموشی توڑنے پر مجبور ہوں۔ ارادہ یہی تھا کہ خاموشی سے نئے نام، بلکہ تخلص"فلسفی" کی بنیاد پر شامل محفل رہوں گا۔ لیکن تعارف کے اصرار کی وجہ سے چند سطریں لکھنے پر مجبور ہوں۔
سب سے پہلے محترم الف عین صاحب سے معذرت کہ ان کے کہنے کے باوجود محفل پر باقاعدہ واپس نہیں آسکا۔ لیکن حقیقت یہی ہے کہ ان ہی کی محبت اور شاعری کے لیے اپنی اصلاح کی ضرورت دوبارہ محفل پر کھینچ لائی۔ میری پہلی آئی ڈی محمد عظیم الدین کے نام سے موجود ہے (میں چاہوں گا کہ نئی آئی ڈی ہی استعمال کروں)۔ جب محترم اعجاز عبید صاحب نے محفل کو خیرباد کہنے کا اعلان کیا تو دل کو ایسا دھچکا لگا کہ مت پوچھیے۔ پھر محفل پر ہی کچھ تلخیوں کے باعث ارادہ کر لیا تھا کہ دوبارہ حاضر نہیں ہوں گا۔ لیکن جیسا عرض کیا کہ محترم اعجاز صاحب سے اصلاح کا متمنی تھا لیکن ان کا کہنا تھا کہ اصلاح محفل پر ہی ہو تو بہتر ہے تاکہ سب کو فائدہ ہو۔ لہذا کچھ عرصہ ادھر اُدھر ہاتھ پاؤں مارنے کے بعد اسی نتیجے پر پہنچا کہ محفل جیسا ماحول اور محترم اعجاز صاحب جیسا استاد فی الحال کہیں اور میسر نہیں۔
اس تمہید کے بعد مختصر تعارف عرض کر دیتا ہوں۔ میرا نام محمد عظیم الدین ولد صلاح الدین (مرحوم) ہے۔ لاہور، اسلام پورہ (کرشن نگر) کا رہائشی ہوں۔ کمیپوٹر سائنس میں یونیورسٹی اور مینیجمنٹ اینڈ ٹیکنالوجی لاہور سے گریجویٹ ہوں۔ عمر کے 36 بہاریں دیکھ چکا ہوں۔ جولائی 2008 سے سعودی عرب کے شہر ریاض میں مقیم ہوں۔ داد اور نانا تقسیم کے وقت ضلع روہتک ، گاؤں، حسن گڑھ سے لاہور ہجرت کر کے آئے تھے۔ اس لیے گھر میں بولی جانے والی زبان اردو اور عام دوستوں کے ساتھ بوقت ضرورت تھوڑی بہت پنجابی بھی بول لیتا ہوں۔
شاعری کا شوق بچپن سے ہے۔ پانچویں جماعت میں پہلی نظم کہی تھی
ٹی وی پر کارٹوں لگے رہتے ہیں
بچے سکول سے بھاگتے رہتے ہیں
سبق ان کو آتا نہیں اور
استاد بدنام ہوتے رہتے ہیں
یہ پہلی باقاعدہ تک بندی تھی۔ اس کے بعد چل سُو چل۔ محفل پر آمد سے قبل محترم اسامہ سرسری صاحب کی کتاب "آؤ شاعری سیکھیں" نظر سے گزری تو معلوم ہوا اب تک جو لکھا وہ سب بیکار تھا۔ بس یہی احساس اور اصلاح کی ضرورت محفل تک لے آئی۔
پیشے کے حوالے سے اپنے کیرئیر کا آغاز بطور گرافک ڈیزائنر شروع کیا پھر نیٹ ورکنگ اور آخر میں پروگرامنگ کے دامن میں پناہ لی۔ شوق گریجویشن کے دوران ہی پروگرامنگ کا تھا لیکن بدقسمتی سے پہلی نوکری گرافک ڈیزائنر کی ملی اس لیے تین چار سال بس موقع کی تلاش میں رہا۔ پھر ڈاٹ نیٹ خود سے سیکھی اور اس میں نوکری بھی مل گئی۔ اس کے بعد سی، سی پلس پلس، ڈاٹ نیٹ، پی ایچ پی، وی بی، جاوا، موبائل ڈویلپمنٹ مختلف کمپوٹر کی زبانوں میں مختلف پروجیکٹس پر کام کیا۔ زیاد تر تجربہ مڈل وئیر ٹیکانالوجیز کا ہے۔ لیکن خود کو کبھی کسی ٹول، ٹیکنالوجی یا کمپوٹر کی زبان تک محدود نہیں رکھا۔جس میں کام ملتا ہے کر لیتا ہوں۔
خوش مزاج ہوں۔ مزاح پسند کرتا ہوں۔ ہنستا ہوں، ہنساتا ہوں اور خود پر ہنسنے کا حوصلہ بھی رکھتا ہوں۔ شادی شدہ ہوں، دو بچے ہیں ایک بیٹی گیارہ سال کی فاطمہ، بیٹا آٹھ سال کا محمد۔
حضرت نفیس شاہ صاحب رحمہ اللہ سے (ان کی وفات سے تقریبا تین چار سال قبل) اصلاح کا تعلق تھا۔ حضرت کی وفات کے بعد لاہور کے جامعہ مدنیہ جدید کے استاد مفتی حسن صاحب دامت برکاتہم سے اصلاحی تعلق ہے۔
اپنی زندگی سے مکمل طور پر مطمئن ہوں۔ اللہ پاک نے ہر خواہش اور دعا کو پورا فرمایا ہے۔ اب بس یہی دعا ہے کہ اللہ پاک ایمان کی سلامتی کے ساتھ دنیا سے لے جائے اور اپنے مقبول بندوں میں جگہ عطا فرمائے۔ آمین
محترم محمد عدنان اکبری نقیبی @محمداحمد، زیک اور ربیع م صاحبان
اس کے علاوہ اگر کوئی سوال ہے تو عاجز حاضر ہے۔
