قیصرانی بھیا۔۔۔۔۔۔۔۔۔
اس ایڈیٹر کی تعریفیں ہوں یا تنقید۔۔۔۔۔۔۔۔۔۔۔یورپ کو پیغام مل چکا ہے کہ ہم اپنے بچے کٹوانے پر چپ رہ سکتے ہیں۔۔۔۔ہم لاکھوں مسلمان افغانستان اور عراق میں ذبح کروانے پر بھی خاموش رہ سکتے ہیں مگر نبی اکرم صلی اللہ علیہ وسلم کی ذات پر کوئی انگلی اٹھائے تو ہم مصلحتوں کی چادر اتار پھینکتے ہیں۔۔۔۔۔۔
جنگ کے ایک بہت اچھے لبرل کالم نویس “جاوید چودھری“ کا کالم بھی پڑھیں۔۔۔۔۔۔۔۔۔۔عشقِ رسول صلی اللہ علیہ وسلم وہ مقام ہے جہاں لبرل ازم اور ملاازم ایک ہو جاتے ہیں۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ادارتی صفحہ
عشق کا مقام,,,,,زیرو پوائنٹ…جاوید چودھری
عامر چیمہ کون تھا‘وہ جرمنی میں کیا کررہا تھا‘ وہ دن میں مذہب کا کتنا مطالعہ کرتا تھا‘ اس کی دماغی حالت کیا تھی‘ برلن کی پولیس نے اسے کیوں گرفتار کیا‘ اسے جرمنی کے بدنام ترین قید خانے موآبٹ جیل میں کیوں رکھا گیا‘ اس نے تین مئی 2006ء کو خود کشی کی یاوہ حقیقتاً جیل حکام کے ہاتھوں شہید ہوا‘ وہ غازی ہے‘ شہید ہے یا پھرمقتول‘ آئیے ہم یہ سارے سوال آنے والے وقت پر چھوڑ دیں‘ ہم ان کے جواب وقت کی تحقیق‘وقت کے وکیل اوروقت کی عدالت کے حوالے کردیں‘ہم اس کا فیصلہ مغرب کے ایماندار سکالرزاور محققین پر چھوڑدیں اورانتظار کریں آنے والا وقت عامر چیمہ کو کیا قرار دیتا ہے‘ وہ عامر چیمہ کے مقدمے کا کیا فیصلہ سناتا ہے لیکن ہم اس ریفرنڈم کو وقت کے حوالے نہیں کرسکتے جو مئی کے مہینے میں ہوا اوراس نے پوری دنیا کے ذہنوں کا دھارا بدل دیا‘ ہم اس ریفرنڈم کا فیصلہ ابھی اوراسی وقت سنائیں گے ‘یہ ریفرنڈم عامر چیمہ کے انتقال سے برپا ہوا اوراس نے پوری دنیا کے سیکولر ذہنوں کو جڑوں سے ہلادیا‘ اس نے دنیا پر عوام کے اصل جذبات آشکار کردیئے اوراس نے تہذیبوں کے تمام تصادم کھول کر رکھ دیئے۔ اس ریفرنڈم کا آغاز راولپنڈی کی ایک متوسط بستی ڈھوک کشمیریاں کی گلی نمبر 18سے ہوتا ہے‘ یہ ریفرنڈم اس کے بعد وزیرآباد کے قصبے ساروکی میں جاتا ہے اوراس کے بعد اس ریفرنڈم کا سلسلہ پورے عالم اسلام میں پھیل جاتا ہے اوراس کے بعدکرہ ارض پر بکھرے 62اسلامی ممالک کے ایک ارب 47کروڑ 62 لاکھ33ہزار4سو 70مسلمانوں تک نہ صرف عامر چیمہ کا نام پہنچتا ہے بلکہ وہ مسلمان اسے اپنے خیالات اورخواہشات کا ترجمان سمجھنے لگتے ہیں‘ میں اپنے خیالات اوررویوں میں ایک لبرل شخص ہوں‘ میری سوچ صدربش اورجناب پرویز مشرف سے ملتی جلتی ہے‘ میں بھی یہ سمجھتا ہوں مسلمانوں کو اعتدال پسند اورنرم ہونا چاہیے‘ میں بھی یہ یقین رکھتا ہوں انسانوں کے دل تلوار سے فتح نہیں کیے جاسکتے ‘لوگوں کو بدلنے کیلئے فوج اورجرنیلوں کی نہیں بلکہ اولیاء اورصوفیاء کی ضرورت ہوتی ہے‘ میں بھی یہ خیال کرتاہوں آپ جسم سے بم باندھ کر لوگوں کے جذبات اورخیالات کے دھارے نہیں بدل سکتے‘ میرا بھی یہی خیال ہے آج کے دور میں ایک دوسو لوگوں کے لشکر سے مغرب کی ٹیکنالوجی کا مقابلہ نہیں کیاجاسکتا‘ میں بھی یہ سمجھتا ہوں سر درد اور بخار کی ایک معمولی دوا ایجاد کرنے والا شخص نعرے لگانے اورجلوس نکالنے والے دس لاکھ لوگوں سے بہتر ہے لیکن جب عامر چیمہ کے ریفرنڈم کی باری آتی ہے تو میرے تمام لبرل خیالات جواب دے جاتے ہیں‘ میرے سارے فلسفوں کی بنیادیں ہل جاتی ہیں اورمیں بھی دنیا کو حیرت سے دیکھنے لگتا ہوں۔ یہ ریفرنڈم کیا تھا اوراس کا آغاز کیسے ہوا؟عامر چیمہ نے تین مئی کو موآبٹ جیل میں ہمیشہ ہمیشہ کیلئے آنکھیں بند کرلیں‘ چار مئی کے پاکستانی اخبارات میں عامر چیمہ کے انتقال کی چھوٹی سی خبر شائع ہوئی‘ اس کے بعد جوں جوں دن گزرتے گئے عامر چیمہ کا نام اورخبر بڑی ہوتی چلی گئی یہاں تک کہ 13 مئی کو جب وزیرآباد کے قصبے ساروکی میں عامر چیمہ کا جنازہ ہوا تو عامر چیمہ نہ صرف پاکستان کے سارے میڈیا کی ہیڈ لائن تھا بلکہ دنیا بھر کے اخبارات‘ ریڈیوز اورٹیلی ویژن اس کے جنازے کی جھلکیاں دکھارہے تھے‘ عامر چیمہ کا جنازہ پنجاب کے پانچ بڑے جنازوں میں سے ایک تھا‘ گوجرانوالہ ڈویژن کی تاریخ میں پہلی بار کسی جگہ دو لاکھ لوگ اکٹھے ہوئے تھے‘ یہ ایک ایسے شخص کا جنازہ تھا جو تین مئی 2006ء تک ایک عام اورگمنام شخص تھا‘ اس گمنام اورعام شخص کو کس بات‘ کس ادا نے خاص بنا دیا‘ یہ ادا ‘یہ بات بنیادی طورپر اسلامی معاشرے اورمسلمانوں کی اساس ہے‘ یہ وہ خون ہے جو ہر مسلمان کی رگوں میں دوڑتا ہے‘ یہ محبت کا وہ دریا ہے جس کے بارے میں اللہ تعالیٰ نے فرمایا تھا جب تک یہ لوگ آپ سے اپنی آل اولاد اورزمین جائیداد سے بڑھ کر محبت نہیں کرتے یہ مسلمان نہیں ہوسکتے‘ یہ وہ خیال‘ یہ وہ احساس ہے جو ہر مسلمان کے اندر روح کی گہرائی تک پیوست ہے‘ یہ وہ جذبہ ہے جو ایک مسلمان کو دوسرے شخص سے جدا کرتا ہے‘ یہ احساس‘ یہ جذبہ رسول اللہ کی محبت ہے اوریہ محبت جس دل پر دستک دے دیتی ہے‘ وہ شخص گمنامی سے نکل کر عامر چیمہ بن جاتا ہے‘ وہ غازی علم دین شہید ہوجاتا ہے‘ علامہ اقبال نے کہا تھا میں نے غازی علم دین شہید کے رشک میں جتنے آنسو بہائے ہیں وہ میری بخشش کیلئے کافی ہیں عامر چیمہ کا جنازہ اس محبت کا ایک چھوٹا سا ریفرنڈم تھا۔ ساروکی کے اس ریفرنڈم سے پہلے ایک ریفرنڈم گلی نمبر 18میں ہوا‘اس ریفرنڈم نے اس غیر معروف اورپسماندہ گلی کا مقدر بدل دیا‘ رسول اللہ کی محبت میں ڈوبے ہزاروں عقیدت مندوں نے اس گلی کو اپنا مرکز بنالیا‘ لوگ اس گلی میں قدم رکھنے سے پہلے وضو کرتے تھے‘ سفید کپڑے پہنتے تھے اورخوشبو لگاتے تھے‘لوگ با ادب ہوکر عامر چیمہ کے والد کے ہاتھ چومتے تھے ‘3مئی سے 15 مئی تک 12 دنوں میں ایک لاکھ لوگوں نے اس بوڑھے پروفیسر کے ہاتھ چومے‘ یہ سعادت اس ملک کے شاید ہی کسی شخص کو حاصل ہوئی ہو‘ لوگوں نے گلی نمبر 18 میں پھولوں اورگلدستوں کا انبار لگا دیا‘ عامر چیمہ کے گھر کے سامنے لوگوں نے اتنے پھول رکھے کہ جو بھی شخص اس گلی میں داخل ہوتا تھا اس کا پورا جسم مہکنے لگتا تھا‘ لوگوں کی اس آمد ورفت سے متاثر ہوکر پولیس کو گلی نمبر 18 میں باقاعدہ چوکی بنانا پڑ گئی‘ لوگ آتے تھے‘ عامر چیمہ کے گیٹ کے سامنے سرجھکا کر کھڑے ہوجاتے تھے اورگیٹ کو سلام کرکے واپس چلے جاتے تھے‘ عقیدت کی اس کشش میں اتنی شدت تھی کہ لبرل اوراعتدال پسند حکومت کے ارکان بھی خود کو گلی نمبر 18 سے دور نہ رکھ سکے‘ ان بارہ دنوں میں پنجاب اوروفاق کے 23 وزراء عامر چیمہ کے گھر گئے اورانہوں نے شہید کے والد کے ہاتھ چومے‘ ضلع راولپنڈی کی ساری انتظامیہ بار بار اس کے گھر گئی‘اخبارات میں عامر چیمہ کی تصویریں‘ اس کے لواحقین اور اس کے چاہنے والوں کے بیانات منوں کے حساب سے شائع ہوئے‘ عامر چیمہ نے مئی کے مہینے میں ریکارڈ کوریج حاصل کی‘ آج پاکستان کا بچہ بچہ نہ صرف اس کے نام سے واقف ہے بلکہ وہ اس پر فخر کرتا ہے‘ یہ کیا ہے؟ یہ مغرب اورمغربی سوچ کے خلاف ریفرنڈم ہے‘ یہ ریفرنڈم ثابت کرتا ہے مسلمان اورمغربی انسان کی سوچ میں زمین آسمان کا فرق ہے‘ جسے مغرب آزادی اظہار کہتا ہے اسے مسلمان نہ صرف توہین سمجھتے ہیں بلکہ وہ توہین کا یہ داغ دھونے کیلئے جان تک دے دیتے ہیں‘ مجھے ایک بار ایک مغربی سکالر نے کہا ”ہمیں سمجھ نہیں آتی ایک مسلمان مغرب میں پیدا ہوتا ہے ‘اس کا سارا لائف سٹائل مغربی ہوتا ہے‘ اس میں سارے شرعی عیب بھی موجود ہوتے ہیں لیکن جب اسلام اوررسول اللہ کا ذکر آتا ہے تو اس مغربی مسلمان اورکٹڑ مولوی کے رد عمل میں کوئی فرق نہیں ہوتا؟ کیوں“ میں نے عرض کیا ” یہ وہ بنیادی بات ہے جسے مغرب کبھی نہیں سمجھ سکتا‘ یہ دلوں کے سودے ہوتے ہیں اوردلوں کے سودے کبھی بیوپاری کی سمجھ میں نہیں آسکتے‘نبی اکرم کی ذات ایمان کی وہ حساس رگ ہوتی ہے جو برف سے بنے مسلمان کو بھی آگ کا گولہ بنا دیتی ہے‘ مسلمان دنیا کے ہر مسئلے پر سمجھوتہ کرلیتا ہے لیکن وہ رسول اللہ کی ذات پر کبھی سمجھوتہ نہیں کرتا‘ عشق رسول وہ مقام ہے جہاں سے مومن کی زندگی کا آغاز ہوتاہے‘ جہاں موت سے بڑی سعادت اورفنا سے بڑی کوئی زندگی نہیں ہوتی‘ جہاں پہنچ کر انسان مرنے کے بعد زندہ ہوتا ہے“میں نے اس سے کہا ”دنیا میں لوگ مرنے کے بعد گمنام ہوجاتے ہیں لیکن عشق رسول میں آنے والی موت انسان کو ابد تک زندہ کردیتی ہے‘ یہ ایک ایسی آگ ہے جو انسان کو جلاتی نہیں‘ اسے بناتی ہے‘ اسے دوبارہ زندہ کرتی ہے اورتم اورتمہارے لوگ اس کیفیت‘اس سرور کو کبھی نہیں سمجھ سکتے‘ تم لوگوں نے زندگی میں محبت رسول کا ذائقہ چکھا ہی نہیں‘ تمہیں کیا پتہ رسول اللہ سے محبت کرنے والے شخص کے دل سے کون سی روشنی نکلتی ہے اوریہ روشنی کس طرح موت کے خوف کو مالٹے کے چھلکے کی طرح اتار کر دور پھینک دیتی ہے‘ یہ اسے سارے دکھوں سے آزاد کردیتی ہے“ ہم سب لوگ عامر چیمہ جیسے لوگوں کا مقام نہیں سمجھ سکتے۔
<a href="http://209.41.165.188/urdu/archive/details.asp?nid=110742">زیرو
پوائنٹ ۔۔۔ جاوید چودھری</a>
اسلئے اس بات کو جانے دیں۔۔۔۔۔مفتی حضرات اس معاملے میں خاموش نہیں۔۔۔انھوں نے اپنا فرض پورا کر دیا ہے۔۔۔۔۔۔۔۔۔
