محسن نقوی عجیب کرب میں گذری، جہاں جہاں گذری

[باباجی]

عجیب کرب میں گذری گذری، جہاں جہاں گذری​

اگرچہ چاہنے والوں کے درمیاں گذری​

​

تمام عمر چراغِ امید جلاتے رہے​

تمام عمر امیدوں کے درمیاں گذری​

​

گذر گئی جو تیرے ساتھ وہ یادگار رہی​

بناء تیرے جو گذری، وبالِ جاں گذری​

​

مجھے سکوں میّسر نہیں تو کیا غم ہے​

گُلوں کی عمر تو کانٹوں کے درمیاں گذری​

​

عجیب چیز ہے یہ گردشِ حالات "محسن"​

کبھی زمِیں تو کبھی مثلِ آسماں گذری​

 

[نیرنگ خیال]

مجھے سکوں میّسر نہیں تو کیا غم ہے​

گُلوں کی عمر تو کانٹوں کے درمیاں گذری

خوب۔۔۔۔۔ پر کوئی کانٹوں کی بھی تو رائے لے ​

 

[چھوٹاغالبؔ]

واہ با با جی واہ
آ گئے تو ڈائریکٹ ہی چھا گئے ہو

 

[محمد وارث]

شکریہ جناب ارسال فرمانے کیلیے۔

 

[جان]

عمدہ غزل۔

 

[محمد خلیل الرحمٰن]

گزر گئی جو تیرے ساتھ یادگار ھے وہ
ترے بغیر جو گزری بلائے جاں گزری

خوبصورت

 

[محمد خلیل الرحمٰن]

عجیب کرب میں گزری، جہاں گزری
اگرچہ چاھنے والوں کے درمیاں گزری​

عجیب کرب میں گزری جہاں جہاں گزری

 

[سید رافع]

مجھے سکوں میّسر نہیں تو کیا غم ہے
گُلوں کی عمر تو کانٹوں کے درمیاں گذری

بہت خوبصورت ! واہ