" عشق " پر اشعار

[عرفان سرور]

واقف ہے جوش عشق سے اپنے تمام شہر
اور ہم یہ جانتے ہیں کوئی جانتا نہیں۔۔۔!
جوش ملیح آبادی۔۔۔

 

[شمشاد]

جبھی جا کے مکتبِ عشق میں سبق مقام فنا کیا
جو لکھا پڑھا تھا نیاز نے سو وہ صاف دل سے بھلا دیا
(نیاز بریلوی)

 

[زبیر مرزا]

وہ عشق بہت مشکل تھا مگر آسان نہ تھا یوں جینا بھی
اس عشق نے زندہ رہنے کا مجھے ظرف دیا پندار دیا
(عبید اللّہ علیم)

 

[شمشاد]

گر عشق کیا ہے تب کیا ہے، کیوں شاد نہیں آباد نہیں
جو جان لیے بن ٹل نہ سکے ، یہ ایسی بھی افتاد نہیں
(انشاء جی)

 

[راجہ صاحب]

کتاب عشق کے ہر ایک پنے پر لکھا دیکھا
محبت توڑ دیتی ہے جدائی مار جاتی ہے
فرحانہ صادق

 

[عرفان سرور]

تو عشق ہی کی پشیمانیوں کو روتا ہے
تجھے خبر ہی نہیں حسن بھی تو پچھتایا۔۔۔!

 

[شمشاد]

میں عشق کائنات میں زنجیر ہوسکوں​

مجھ کو حصارِ ذات کے شہر سے رہائی دے​

(پروین شاکر)​

 

[عرفان سرور]

ہم کوئی ترک وفا کرتے ہیں
نہ سہی عشق مصیبت ہی سہی۔۔۔!

 

[شمشاد]

عشق کیا ہے، کس سے کیا ہے، کب سے کیا ہے، کیسے کیا ہے​

لوگوں کو ایک بات ملی، اپنے کو تو لیکن رونا آئے​

(ابن انشاء)​

​

 

[عرفان سرور]

سو بار بند عشق سے آزاد ہم ہوئے
پر کیا کریں دل ہی عدو ہے فراغ کا۔۔۔!

 

[شمشاد]

اُستاد نے اچھا سبقِ عشق پڑھایا
جب اس کو بھلاتا ہوں، یہ ہوتا ہے سوا یاد
(داغ دہلوی)

 

[عرفان سرور]

یہ نکہتوں کی نرم روی یہ ہوا یہ رات
یاد آرہے ہیں عشق کے ٹوٹے تعلقات۔۔۔!

 

[ایم اے راجا]

عشق جاگا ہے آج سینے میں
ہو گا غارت سکون اب دل کا

کوئی یاد نہیں آیا عشق پر شعر سو اپنا ہی داغ دیا، چلے گا نہ

 

[عرفان سرور]

حسن جب مہرباں ہو تو کیا کیجیے
عشق کی مغفرت کی دعا کیجیے

 

[شمشاد]

کون معشوق ہے ، کیا عشق ہے ، سودا کیا ہے؟​

میں تو اس فکر میں گم ہوں کہ یہ دنیا ہے​

احسان دانش)​

 

[عرفان سرور]

عشق کا اختتام کرتے ہیں
دل کا قصہ تمام کرتے ہیں۔۔۔!

 

[عرفان سرور]

پوچھا جو چارہ گر نے،کے عُمرمرض ہے کیا
تیماردار بولے کے بچپن سے عشق ہے۔۔۔ !​

 

[شمشاد]

اثر غم ذرا بتا دينا
وہ بہت پوچھتے ہيں کيا ہے عشق
(مومن خان مومن)

 

[عرفان سرور]

دشمن ہے ایک شخص بہت ایک شخص کا
ہاں عشق ایک نام کو ہے ایک نام سے
"رئیس فروغ"

 

[شمشاد]

جو ہم سے کہو ہم کرتے ہیں، کیا انشا کو سمجھانا ہے؟
اس لڑکی سے بھی کہہ لیں گے ، گو اب کچھ اور زمانہ ہے
یا چھوڑیں یا تکمیل کریں ، یہ عشق ہے یا افسانہ ہے؟
یہ کیسا گورکھ دھندا ہے، یہ کیسا تانا بانا ہے ؟
یہ باتیں جھوٹی باتیں ہیں، یہ لوگوں نے پھیلائی ہیں
تم انشا جی کا نام نہ لو کیا انشا جی سودائی ہیں​

(ابن انشاء)​

​