عماد نستعلیق ۔۔۔۔۔ بریکنگ نیوز

[شاکرالقادری]

بریکنگ نیوز​

عماد نستعلیق میں ایک ہزار ترسیموں کی شمولت​

کچھ عرصہ پہلے اردو محفل پر ایم بلال نے "نستعلیق کی تیاری" نامی سلسلہ گفتگو آغاز کیااس سلسلہ گفتگو میں احباب نے بڑے زور و شور سے حصہ لیا اور چند ہی دن میں دھاگے نے اتنی ترقی کی کہ یہ کئی صفحات پر پھیل گیا اور احباب نے خوب دل کھول کر مشورے دیئے بالاخر یہ قرار پایا کہ عماد نستعلیق میں ترسیمے ڈالے جائیں تاکہ فونٹ کی خوبصورتی میں اضافہ ہو اور اس کی رفتا ر میں بھی خاطر خواہ اضافہ ہو۔لیکن جب عملی کام کے آغاز کا مرحلہ آیا تو صدائے بازگشت سے معلوم ہوا کہ یاران بے عمل صرف گفتار کے غازی ہیں۔
لہذا برادرم عبدالمجید ،جناب امجد حسین علوی اور راقم الحروف نے اپنے طور پر اس منصوبے پر عملی کام کا آغاز کیا اور کام کو اس طرح تقسیم کیا کہ :
کورل ڈرا میں ترسیمہ جات کی تیاری کا کام راقم الحروف نے اپنے ذمہ لیا۔
ترسمیہ جات کو فونٹ فائل میں منتقل کرنے اور ان پر نظر ثانی کا کام برادرم عبدالمجید کے سپرد ہوا
اس سلسلہ کا اہم ترین کام یعنی "لک اپس" کی تیاری اور ان ترسیموں کو عماد نستعلیق میں شامل کرنے کا کام مکرمی امجد حسین علوی نے اپنے ذمہ لیا۔
اور کام شروع کر دیا۔راقم الحروف نے کچھ ہی دنوں میں ایک ہزار ایسے ترسیمہ جات تیار کیے جو کہ تین حروف پر مشتمل ہیں۔اور انہیں دوسرے دو شرکائے کار کے حوالے کر دیا۔جنہوں نے نہایت سرعت اور محنت سے اگلے مراحل کو سر کیا اور یوں ہم پہلے مرحلہ میں عماد نستعلیق میں ایک ہزار سہ حرفی ترسیمہ جات ڈالنے میں کامیاب ہو گئے۔
یہ ابتدائی مرحلہ صرف آزمائشی تھا اور اب اس تجربہ میں خاطر خواہ کامیابی کے بعد ہمارے پیش نظر مقاصد یہ ہیں:
۱۔ ترسیمہ جات کی شمولیت سے فونٹ کی رفتار میں اضافہ :
اس مقصد کے لیے ہم اس فونٹ میں وہ تمام ترسیمہ جات شامل کریں گے جو کہ اردو لکھتے وقت بکثرت استعمال ہوتے ہیں۔مثلا تمام دوحرفی اور سہ حرفی ترسیمہ جات۔
۲۔ ترسیمہ جات کی شمولیت سے فونٹ کی خوبصورتی میں اضافہ اور نقاط کی درست جاگزینی :
اس مقصد کے لیے ہمیں چار حرفی ، پانچ حرفی ، چھ حرفی وغیرہ ترسیمہ جات میں سے ایسے ترسیمہ جات تیار کر کے فونٹ میں شامل کرنا ہیں جن کے نقاط درست طور پر جاگزین نہیں ہوتے یا جن سے فونٹ کی خوبصورتی متاثر ہوتی ہو۔اس طرح ہم کم از کم ترسیمہ جات کی شمولیت کے ساتھ فونٹ کی نہ صرف رفتار کو بہتر کرنے میں کامیاب ہو جائیں گے بلکہ فونٹ کی خوبصورتی میں بھی خاطر خواہ اضافہ ہو گا۔
اب تک کے تجرباتی کام اور حاصل ہونے والی کامیابی کے مناظر ملاحظہ فرمائیے۔پہلے منظر میں اس فونٹ میں ڈالے گئے ترسیمہ جات کو حرفی جڑاو"کیریکٹر بیس"نستعلیق میں دکھایا گیا ہے۔جب کہ دوسرے منظر میں یہی الفاظ ترسیمہ جاتی فونٹ کے ذریعے ظاہر کیے گئے ہیں اور فرق صاف ظاہر ہے۔امید ہے کہ احباب اس کام کو پسندیدگی کی نگاہ سے دیکھیں گے۔

پی ڈی ایف فائلیں
http://www.fileden.com/files/2008/6/10/1953040/3 character valid ligatures.pdf

http://www.fileden.com/files/2008/6/10/1953040/3 character valid cracters.pdf
اس مرحلہ پر کام کی رفتار کو مزید بڑھانے کے لیے ضروری ہے کہ ہمارے اس چھوٹے سے قافلہ میں اراکین کی تعداد کا اضافہ ہو۔اس سلسلہ میں برادرم ایم بلال کے سپرد پانچ سو ترسیمہ جات کی تیاری کا کام کیا گیا تھا۔لیکن ہنوز یہ کام تشنہ تکمیل ہے۔اگر برادر مکرم "م م مغل " دست تعاون بڑھائیں تو ہمارے آئندہ مراحل بہت آسان ہو سکتے ہیں۔کیونکہ وہ نہ صرف ایک ماہر خطاط ہیں بلکہ کورل ڈرا میں بھی مہارت رکھتے ہیں۔میں ان سے درخواست کرتا ہوں کہ وہ اس کار خیر میں ہمارے ساتھ شامل ہوں اور اردو کے لیے ایک اچھے اور خوبصورت فونٹ کی تیاری میں اپنا کردار ادا کریں۔
میں اس موقع پر برادرمکرم جواد کا شکر گزار ہوں کہ انہوں نے عماد نستعلیق کا وولٹ ورک فراہم کر کے اس کام کی اساس مہیا کی ۔
اس کے بعد برادر محترم امجد حسین علوی کا شکر گزار ہوں کہ انہوں نے اس پراجیکٹ کے مشکل ترین مرحلہ کو سر کرنے کے لیے اپنی صلاحیتوں کو وقف کیا۔اور ہم نے یہ کامیابی حاصل کی ۔ اسی طرح بھائی عبدالمجید بھی میرے خصوصی شکریہ کے مستحق ہیں کہ انہوں نے نہ صرف ہر قدم پر مجھ سے رابطہ رکھا ،اپنی بہترین آرااور مشوروں سے نوازا اور اپنے حصے کی ذمہ داریاں بھی بطریق احسن نبھائیں۔

 

[محمد وارث]

شاکر القادری صاحب، اللہ تعالٰی آپ کو اور دیگر احباب کو جو اس کارِ خیر میں شامل ہیں کو جزائے خیر دیں۔ یہ خاکسار کہ اس کوچہ سے بالکل ہی نابلد ہے فقط دعائے خیر ہی کر سکتا ہے۔

 

[باذوق]

السلام علیکم
محترم شاکر القادری صاحب ! میری دعائیں بھی آپ احباب کے ساتھ ہیں۔

 

[ظہور احمد سولنگی]

ہماری دعائیں بھی قادری صاحب اور اس ٹیم کے ساتھ ہیں۔

 

[دوست]

ماشاءاللہ۔
کاش میں اس بے کار سے اطلاقیے کے علاوہ بھی کچھ کرسکتا اس پراجیکٹ کے لیے۔

 

[عبدالمجید]

ماشاءاللہ۔
کاش میں اس بے کار سے اطلاقیے کے علاوہ بھی کچھ کرسکتا اس پراجیکٹ کے لیے۔

دوست بھیا آپ نے تو بہت اچھا کام کیا تھا اس اطلاقیہ پر یقینا آپ اس پراجیکٹ کیلئے آگے بھی کام آئیں گے آپ سب دوستوں کے حوصلہ افزائی کا شکریہ

 

[شاکرالقادری]

ماشاءاللہ۔
کاش میں اس بے کار سے اطلاقیے کے علاوہ بھی کچھ کرسکتا اس پراجیکٹ کے لیے۔

برادرم شاکر عزیز ۔۔۔۔۔۔۔۔۔ السلام علیکم
سب سے پہلے تو میں معذرت خواہ ہوں کہ مجھ سے اپنے مراسلہ میں آپ کی پر خلوص اور کامیاب کاوش کا ذکر نہ کر کے یقینا بڑی خطا ہوئی جس کے لیے میں نادم بھی ہوں اور شرمسار بھی آپ کا تیار کردہ اطلاقیہ یقینا ایک قابل تحسین کام ہے میں اس اطلاقیہ میں کچھ تبدیلیاں کروانا چاہتا تھا لیکن باجود کوشش کے آپ سے آن لائن رابطہ نہ ہو سکا آپ کا اطلاقیہ ایک نسخ فونٹ میں لگیچر ڈالنے کے لیے یقینا مکمل اور کارآمد اطلاقیہ ہے لیکن مذکورہ تبدیلیان نہ ہو سکنے کی وجہ سے ہم آپ کے اس اطلاقیہ کو عماد پروجیکٹ میں استعمال نہیں کر سکے اور ہمیں اایم ایس ورڈ میں میکروز کے ذکر یہ کام مکمل کرنا پڑا ۔۔۔۔۔ تاہم ہنوز دلی دور است کے مصداق ابھی بہت کام پڑا ہے آپ کسی وقت آن لائن وقت دیجیئے تاکہ آپ سے اپنی مجوزہ تبدیلیوں کے بارے گفتگو کر سکوں
اپنے مراسلہ میں سہوا آپ کا ذکر نہ کر سکنے پر ایک بار پھر معذرت خواہ ہوں
آپ یقینا ہماری ٹیم کے رکن ہیں اور ہمارے خصوصی شکریہ کے مستحق ہیں

 

[الف عین]

واہ شاکر بھائی۔ کیا کارنامہ انجام دیا ہے آپ اور احباب نے۔
لیکن میری ایک گزارش بدستور ہے۔
اب جب کہ اصل عماد کا شاید صرف شائبہ رہ گیا ہے تو اس کا نام ضرور تبدیل کر دیں۔ اس پر چوری کا الزام کب تک برداشت کیا جائے کہ میر عماد سے اجازت نہیں لی گئی ہے۔ ہاں اس کی انسٹالیشن کے ساتھ ایک ریڈ می فائل میں اس کا اظہار کیا جا سکتا ہے کہ اس پروجیکٹ کی ابتدا میر عماد کے فانٹ سے ہوئی۔

 

[شاکرالقادری]

واہ شاکر بھائی۔ کیا کارنامہ انجام دیا ہے آپ اور احباب نے۔
لیکن میری ایک گزارش بدستور ہے۔
اب جب کہ اصل عماد کا شاید صرف شائبہ رہ گیا ہے تو اس کا نام ضرور تبدیل کر دیں۔ اس پر چوری کا الزام کب تک برداشت کیا جائے کہ میر عماد سے اجازت نہیں لی گئی ہے۔ ہاں اس کی انسٹالیشن کے ساتھ ایک ریڈ می فائل میں اس کا اظہار کیا جا سکتا ہے کہ اس پروجیکٹ کی ابتدا میر عماد کے فانٹ سے ہوئی۔

جی اعجاز بھائی!

پسندیدگی کا بہت شکریہ ۔۔۔ آپ کی تجویز بسرو چشم قبول ہے
ان شا ء اللہ کچھ مزید ترسیموں کو فونٹ میں شامل کرنے لینے کے بعد جب ہم اس فونٹ کا ابتدائی نسخہ استفادہ عامہ کے لیے پیش کریں گے تو یہ یقینا ایک نئے نام سے پیش کیا جائے گا جو احباب کی مشاورت سے تجویز ہوگا فی الحال تو عماد کا نام محض حوالہ کے لیے استعمال ہورہا ہے
آپ جیسے لوگوں کی شاباش ہمارا حوصلہ بڑھاتی رہے گی اور ہماری تکان کو دور کرتی رہے گی

 

[نبیل]

اعجاز اختر صاحب، فونٹ کا نام بار بار بدلنے سے اسے استعمال کرنے والوں کو بہت دشواری کا سامنا ہو سکتا ہے۔ اس کا نام ایک مرتبہ پہلے ہی تبدیل ہو چکا ہے۔ میرے خیال میں اب اسے ایسا ہی چلنے دیں۔

 

[مہوش علی]

اللہ کا کچھ خاص کرم ہو رہا ہے کہ آہستہ آہستہ ایک ایسی ٹیم بنی ہے جو ہمت، حوصلہ، ٹیلنٹ ہر لحاظ سے اس قابل ہے کہ اردو زبان کی بہت بہترین طریقے سے خدمت کر سکے۔ اس پر ہمیں سب سے پہلے اللہ تعالی کا شکر ادا کرنا چاہیے۔

برادرم علوی،
ٹیکنیکل سائیڈ پر میرا آپ سے ایک سوال ہے۔ کیا یہ ممکن ہے کہ کسی طرح عماد نستعلیق میں دو لائنوں کے مابین فاصلے کو "بس تھوڑا سا" کم کیا جا سکے؟
عماد نستعلیق اس حوالے سے بہت بہترین ہے کہ اس میں "دو الفاظ" کے مابین بالکل فاصلہ نہیں اور نیا لفظ اپنے سے پچھلے لفظ کے عین اوپر سے ہی شروع ہو جاتا ہے۔ اس طرح ایک لائن میں بہت سا ٹیکسٹ سما جاتا ہے۔
مگر دوسرے حوالے سے نیٹ کے لیے عماد بہت مشکل کرتا ہے کہ اس میں دو لائنوں کے مابین بہت زیادہ فاصلہ ہے اور بذات خود بھی اس میں حروف بیس لائن سے بہت اونچائی اور نیچائی تک جاتے ہیں۔ نیز اس میں الفاظ کی ڈھلوان جو بنتی ہے، اسکا اینگل بھی بہت زیادہ ہے جس سے دو لائنوں کے مابین فاصلہ بہت زیادہ رکھنا پڑتا ہے۔
بہرحال، نیٹ کو چھوڑ کر "کتابت" کے حوالے سے عماد ایک نہایت ہی شاندار فونٹ ہے اور اسکے لیے جواد سے لیکر آپ سب لوگ انتہائی مبارکباد کے مستحق ہیں۔

نوٹ: کیا کتابت کے حوالے سے آپ لوگ عماد پر اپنے تبصرے پیش کر سکتے ہیں؟ مجھے تو فی الحال کتابت کے حوالے سے یہ بہترین فونٹ نظر آ رہا ہے، خصوصا "شعر و شاعری" پر تمام کام اس فونٹ میں ہونا چاہیے۔ بلکہ خاص طور پر جب اس فونٹ کو ریلیز کیا جائے تو اس سے ملتی جلتی ھیڈنگ دی جائے: "عماد نستعلیق: شعر و شاعری و کتابت کے لیے انتہائی حسین نستعلیق فونٹ کا اجراء، تطویل کی سہولت کے ساتھ"۔ اور اسکی "ریڈ می فائیل" بلکہ بہتر ہے "پی ڈی ایف ریڈ می فائیل" میں اسکی تمام تر خصوصیات کا ذکر کیا جائے اور بتایا جائے کہ تطویل کی سہولت کیسے استعمال کی جاتی ہے، اور پھر بطور نمونہ ایک دو غزلیں وغیرہ خوبصورتی سے پیش کی جائیں۔

 

[علوی امجد]

برادرم علوی،
ٹیکنیکل سائیڈ پر میرا آپ سے ایک سوال ہے۔ کیا یہ ممکن ہے کہ کسی طرح عماد نستعلیق میں دو لائنوں کے مابین فاصلے کو "بس تھوڑا سا" کم کیا جا سکے؟
عماد نستعلیق اس حوالے سے بہت بہترین ہے کہ اس میں "دو الفاظ" کے مابین بالکل فاصلہ نہیں اور نیا لفظ اپنے سے پچھلے لفظ کے عین اوپر سے ہی شروع ہو جاتا ہے۔ اس طرح ایک لائن میں بہت سا ٹیکسٹ سما جاتا ہے۔
مگر دوسرے حوالے سے نیٹ کے لیے عماد بہت مشکل کرتا ہے کہ اس میں دو لائنوں کے مابین بہت زیادہ فاصلہ ہے اور بذات خود بھی اس میں حروف بیس لائن سے بہت اونچائی اور نیچائی تک جاتے ہیں۔ نیز اس میں الفاظ کی ڈھلوان جو بنتی ہے، اسکا اینگل بھی بہت زیادہ ہے جس سے دو لائنوں کے مابین فاصلہ بہت زیادہ رکھنا پڑتا ہے۔

ہاں یہ تو کسی بھی فانٹ ایڈیٹر میں آسانی سے کیا جاسکتا ہے۔ عماد نستعلیق میں یقینا لائن میں فاصلہ بہت زیادہ ہے۔ شائد اس کی وجہ نستعلیق کا عمودی رسم الخط ہے۔ ایک لفظ میں جتنے بھی کیریکٹرز بڑھاتے جائیں تو نستعلیق کا پھیلاؤ اوپر کی طرف بڑھتا رہتا ہے۔ بہرحال اس کی افقی پوزیشن کو 1664 سے 1100 unitsPerEm
کرنے سے یہ نتیجہ برآمد ہوتا ہے۔

موجودہ

لائن کی سپیس کم کرنے کے بعد

 

[شاکرالقادری]

علوی صاحب کے ارسال کردہ سکرین شارٹ کے مطابق بین السطوری فاصلہ کم کرنے پر صرف ک اور گ کی کشش متاثر ہوئی ہے ۔۔۔۔۔۔ ایرانی طرز میں یہ کشش لمبی ہوتی ہے جبکہ آپ نے دیکھا ہے کہ نوری نستعلیق میں اس کشش کو نہ صرف مختصر رکھا گیا ہے بلکہ اس کا ترچھا پن بھی 45 درجہ کے زاویہ سے بڑھا کر اس کے جھکاٶ میں بہت زیادہ اضافہ کیا گیا ہے جو کہ غیر فطری اور نستعلیقی اصولوں کے خلاف تو ہے لیکن اس سے بین السطوری فاصلہ کم کرنے میں مدد ملی ہے۔
موجودہ عماد نستعلیق کو ایسے ہی چلنے دیا جانا چاہیئے
البتہ اس کے ویب ورزن میں اس کشش کو قدرے مختصر کر دیا جائے تو فونٹ کی خوبصورتی میں بھی کوئی فرق نہیں پڑے گا اور بین السطوری فاصلہ بھی ایک مناسب حد تک کم ہو جائے گا ، اس سلسلہ میں حروف ی ، ج ،ع اور م کو کرسی ﴿بیس لائن﴾ پر اپنے موجودہ مقام سے کچھ اوپر بھی کیا جا سکتا ہے لیکن بہت زیادہ نہیں۔۔۔ اسطرح بہن مہوش علوی کی خواہش کے مطابق اس فونٹ کو ویب کے لیے بھی استعمال کیا جا سکے گا

 

[مغزل]

بریکنگ نیوز​

عماد نستعلیق میں ایک ہزار ترسیموں کی شمولت​

کچھ عرصہ پہلے اردو محفل پر ایم بلال نے "نستعلیق کی تیاری" نامی سلسلہ گفتگو آغاز کیااس سلسلہ گفتگو میں احباب نے بڑے زور و شور سے حصہ لیا اور چند ہی دن میں دھاگے نے اتنی ترقی کی کہ یہ کئی صفحات پر پھیل گیا اور احباب نے خوب دل کھول کر مشورے دیئے بالاخر یہ قرار پایا کہ عماد نستعلیق میں ترسیمے ڈالے جائیں تاکہ فونٹ کی خوبصورتی میں اضافہ ہو اور اس کی رفتا ر میں بھی خاطر خواہ اضافہ ہو۔لیکن جب عملی کام کے آغاز کا مرحلہ آیا تو صدائے بازگشت سے معلوم ہوا کہ یاران بے عمل صرف گفتار کے غازی ہیں۔
لہذا برادرم عبدالمجید ،جناب امجد حسین علوی اور راقم الحروف نے اپنے طور پر اس منصوبے پر عملی کام کا آغاز کیا اور کام کو اس طرح تقسیم کیا کہ :
کورل ڈرا میں ترسیمہ جات کی تیاری کا کام راقم الحروف نے اپنے ذمہ لیا۔
ترسمیہ جات کو فونٹ فائل میں منتقل کرنے اور ان پر نظر ثانی کا کام برادرم عبدالمجید کے سپرد ہوا
اس سلسلہ کا اہم ترین کام یعنی "لک اپس" کی تیاری اور ان ترسیموں کو عماد نستعلیق میں شامل کرنے کا کام مکرمی امجد حسین علوی نے اپنے ذمہ لیا۔
اور کام شروع کر دیا۔راقم الحروف نے کچھ ہی دنوں میں ایک ہزار ایسے ترسیمہ جات تیار کیے جو کہ تین حروف پر مشتمل ہیں۔اور انہیں دوسرے دو شرکائے کار کے حوالے کر دیا۔جنہوں نے نہایت سرعت اور محنت سے اگلے مراحل کو سر کیا اور یوں ہم پہلے مرحلہ میں عماد نستعلیق میں ایک ہزار سہ حرفی ترسیمہ جات ڈالنے میں کامیاب ہو گئے۔
یہ ابتدائی مرحلہ صرف آزمائشی تھا اور اب اس تجربہ میں خاطر خواہ کامیابی کے بعد ہمارے پیش نظر مقاصد یہ ہیں:
۱۔ ترسیمہ جات کی شمولیت سے فونٹ کی رفتار میں اضافہ :
اس مقصد کے لیے ہم اس فونٹ میں وہ تمام ترسیمہ جات شامل کریں گے جو کہ اردو لکھتے وقت بکثرت استعمال ہوتے ہیں۔مثلا تمام دوحرفی اور سہ حرفی ترسیمہ جات۔
۲۔ ترسیمہ جات کی شمولیت سے فونٹ کی خوبصورتی میں اضافہ اور نقاط کی درست جاگزینی :
اس مقصد کے لیے ہمیں چار حرفی ، پانچ حرفی ، چھ حرفی وغیرہ ترسیمہ جات میں سے ایسے ترسیمہ جات تیار کر کے فونٹ میں شامل کرنا ہیں جن کے نقاط درست طور پر جاگزین نہیں ہوتے یا جن سے فونٹ کی خوبصورتی متاثر ہوتی ہو۔اس طرح ہم کم از کم ترسیمہ جات کی شمولیت کے ساتھ فونٹ کی نہ صرف رفتار کو بہتر کرنے میں کامیاب ہو جائیں گے بلکہ فونٹ کی خوبصورتی میں بھی خاطر خواہ اضافہ ہو گا۔
اب تک کے تجرباتی کام اور حاصل ہونے والی کامیابی کے مناظر ملاحظہ فرمائیے۔پہلے منظر میں اس فونٹ میں ڈالے گئے ترسیمہ جات کو حرفی جڑاو"کیریکٹر بیس"نستعلیق میں دکھایا گیا ہے۔جب کہ دوسرے منظر میں یہی الفاظ ترسیمہ جاتی فونٹ کے ذریعے ظاہر کیے گئے ہیں اور فرق صاف ظاہر ہے۔امید ہے کہ احباب اس کام کو پسندیدگی کی نگاہ سے دیکھیں گے۔

پی ڈی ایف فائلیں
http://www.fileden.com/files/2008/6/10/1953040/3 character valid ligatures.pdf

http://www.fileden.com/files/2008/6/10/1953040/3 character valid cracters.pdf
اس مرحلہ پر کام کی رفتار کو مزید بڑھانے کے لیے ضروری ہے کہ ہمارے اس چھوٹے سے قافلہ میں اراکین کی تعداد کا اضافہ ہو۔اس سلسلہ میں برادرم ایم بلال کے سپرد پانچ سو ترسیمہ جات کی تیاری کا کام کیا گیا تھا۔لیکن ہنوز یہ کام تشنہ تکمیل ہے۔اگر برادر مکرم "م م مغل " دست تعاون بڑھائیں تو ہمارے آئندہ مراحل بہت آسان ہو سکتے ہیں۔کیونکہ وہ نہ صرف ایک ماہر خطاط ہیں بلکہ کورل ڈرا میں بھی مہارت رکھتے ہیں۔میں ان سے درخواست کرتا ہوں کہ وہ اس کار خیر میں ہمارے ساتھ شامل ہوں اور اردو کے لیے ایک اچھے اور خوبصورت فونٹ کی تیاری میں اپنا کردار ادا کریں۔
میں اس موقع پر برادرمکرم جواد کا شکر گزار ہوں کہ انہوں نے عماد نستعلیق کا وولٹ ورک فراہم کر کے اس کام کی اساس مہیا کی ۔
اس کے بعد برادر محترم امجد حسین علوی کا شکر گزار ہوں کہ انہوں نے اس پراجیکٹ کے مشکل ترین مرحلہ کو سر کرنے کے لیے اپنی صلاحیتوں کو وقف کیا۔اور ہم نے یہ کامیابی حاصل کی ۔ اسی طرح بھائی عبدالمجید بھی میرے خصوصی شکریہ کے مستحق ہیں کہ انہوں نے نہ صرف ہر قدم پر مجھ سے رابطہ رکھا ،اپنی بہترین آرااور مشوروں سے نوازا اور اپنے حصے کی ذمہ داریاں بھی بطریق احسن نبھائیں۔

جناب میں حاضر ہوں۔۔
لیکن مجھے یہ تو بتا یا جائے کہ مجھے کرنا کیا ہے میں اس ضمن میں ابجد سے بھی واقف نہیں ہوں/
وولٹ ،لگسچر جیسے الفاظ میرے لیے اجنبی ہیں ۔۔ یہی وجہ ہے کہ میں نے حمید صاحب کے ٹیوٹرل
کا انتظار کرہا ہوں۔۔ کہ کب آئے ۔۔ اور کب میری سمجھ میں کچھ آئے ۔
ویسے میں نے اردو ان پیج کے حروف ِ تہجی میں تبدیلیاں کرکے خطاطی کے قریب لانے کی کوشش کی ہے
آپ ملاحظہ کیجئے گا۔۔۔ اگر مجھے ان پیج کے تمام فریم (لیگ) مل جائیں (جو شائد کرلپ پر موجود ہیں)
تو میں ان میں تبدیلیاں کرکے خطاطی سے قریب لانے کی کوشش کرتا ہوں ۔۔ کئی الفاظ ان پیج میں غلط
نظر آتے ہیں ان پر بھی کام کیا جاسکتا ہے۔۔

یہ تو ایک بات ۔۔ مگر آپ جو فائل میرے ذمہ لگانا چاہتے ہیں مجھے بتا۔۔تودیجئے۔۔
نئے سرے خطاطی کرنا خاسا وقت طلب کام ہے۔ میری دفتری ، خانگی و شعری مصروفیات میں بہت کم
وقت میرے مطالعے کیلئے نکلتا ہے۔۔۔ وہ میں یہاں صرف کرسکتا ہوں۔۔ مگر۔۔۔ اس میں بہت وقت لگ جائے گا۔

پی ڈی ایف
کورل ڈرا 11 فارمیٹ
ایڈوب ایلسٹریٹر

والسلام

 

[عبدالمجید]

شکریہ م۔م۔ مغل بھائی جواب دینے کا اب آپ شاکر القادری بھائی کے جواب کا انتظار کرلیں وہ آپکو تفصیل سے سمھجائیں گے مجھے یقین ہے کہ شاکر بھائی آپکے ذمہ جو کام سونپا چاہتے ہیں وہ کام آپ بہت ہی آسانی سے کرسکے گے

 

[شاکرالقادری]

جناب میں حاضر ہوں۔۔
لیکن مجھے یہ تو بتا یا جائے کہ مجھے کرنا کیا ہے میں اس ضمن میں ابجد سے بھی واقف نہیں ہوں/
وولٹ ،لگسچر جیسے الفاظ میرے لیے اجنبی ہیں ۔۔ یہی وجہ ہے کہ میں نے حمید صاحب کے ٹیوٹرل
کا انتظار کرہا ہوں۔۔ کہ کب آئے ۔۔ اور کب میری سمجھ میں کچھ آئے ۔
ویسے میں نے اردو ان پیج کے حروف ِ تہجی میں تبدیلیاں کرکے خطاطی کے قریب لانے کی کوشش کی ہے
آپ ملاحظہ کیجئے گا۔۔۔ اگر مجھے ان پیج کے تمام فریم (لیگ) مل جائیں (جو شائد کرلپ پر موجود ہیں)
تو میں ان میں تبدیلیاں کرکے خطاطی سے قریب لانے کی کوشش کرتا ہوں ۔۔ کئی الفاظ ان پیج میں غلط
نظر آتے ہیں ان پر بھی کام کیا جاسکتا ہے۔۔

یہ تو ایک بات ۔۔ مگر آپ جو فائل میرے ذمہ لگانا چاہتے ہیں مجھے بتا۔۔تودیجئے۔۔
نئے سرے خطاطی کرنا خاسا وقت طلب کام ہے۔ میری دفتری ، خانگی و شعری مصروفیات میں بہت کم
وقت میرے مطالعے کیلئے نکلتا ہے۔۔۔ وہ میں یہاں صرف کرسکتا ہوں۔۔ مگر۔۔۔ اس میں بہت وقت لگ جائے گا۔

پی ڈی ایف
کورل ڈرا 11 فارمیٹ
ایڈوب ایلسٹریٹر

والسلام

سب سے پہلے تو اس خوبصورت اور آنکھوں کو ٹھنڈک پہنچانے والی خطاطی مہیا کرنے کا شکریہ
میں آپ کو آج ذاتی پیغام کے ذریعہ کام کی تفصیل اور فائل فراہم کرتا ہوں
مختصرا یو کہہ لیں کہ کورل ڈرا کی فائل ہو گی
اس میں ترسیمے موجود ہونگے جن کے نقطوں کو آپنے درست کرنا ہے اور بعض ترسیموں میں کچھ تبدیلیاں بھی اور میرا خیال ہے کہ یہ کام آپ کے لیے کوئی مشکل نہیں ہوگا

 

[arifkarim]

خدا تعالی سے دعا ہے کہ یہ پراجیکٹ ضرور مکمل ہو، اور اراکین کی رضاکارانہ محنت ضائع ہونے سے بچی رہی۔
ایک ہزار لگیچرز کا اندراج ایک اچھی پیش رفت ہے۔ مزید کا انتظار ہے۔۔۔۔
وسلام

 

[شاکرالقادری]

احباب کی پسندیدگی اور حوصلہ افزائی کا شکریہ
اگلے دوہزار ترسیمے تیار ہیں جو انشاء اللہ دوتین روز میں فونٹ میں ڈال دیے جائیں گے
برادرم ایم بلال آپ کو بذریعہ ای میل مزید دو سو ترسیموں کا کام بھیج رہا ہوں
پہلے پانچ سو ترسیمے آپ کی جانب سے موصول ہو گئے تھے ان کے لیے شکر گزار ہوں
امید ہے اگلے دو سو ترسیموں پر بھی آپ جلد کام مکمل کر لیں گے
ہاں ترسیموں کو ویلڈ نہ کیجیے گا
شکریہ

 

[بلال]

جو حکم جناب۔۔۔

 

[شاکرالقادری]

ایک خوشگوار اطلاع کے ساتھ دوبارہ حاضر ہوں
وہ یہ کہ

دوسرے مرحلہ میں ہم نے عماد نستعلیق میں کرلپ کی فہرست کے مطابق تمام سہ حرفی ترسیمہ جات کو شامل کر لیا ہے اور فانٹ ان ترسیموں کے ساتھ بحسن و خوبی کام کر رہا ہے
اس کے علاوہ ہم نے عماد نستعلیق میں کاف اور گاف کی کشش کے علاوہ بڑی ے سے متعلق اشکال میں مناسب تبدیلیاں کر لی ہیں
ان تبدیلیوں کے بعد ہمیں اس فونٹ کے بین السطوری فاصلہ کو مناسب حد تک کم کرنے میں مدد ملے گی
مجھے خوشی ہے کہ
ہمارے اس چھوٹے سے کاروان میں جناب "خاوربلال" کویت سے اور جناب م م مغل کراچی سے شامل ہو گئے ہیں جن سے ہمارے کام میں تیزی آئی ہے اور ہمارے حوصلے بلند ہوئے ہیں
خاور بلال بھائی نے چند ہی دنوں میں ہمیں ایک ہزار "چہار حرفی ترسیمے" تیار کر کے دے دیے ہیں اور اگلے ایک ہزار پر وہ کام کر رہے ہیں
میں جناب خاور بلال اور م م مغل کا شکر گزار ہوں کہ انہوں نے اس کام میں ہماری مدد و معاونت کرنا قبول فرمایا اللہ انہیں جزائے خیر عطا فرمائے