سیاسی اعتبار سے ہم آج ردعمل کے دور سے گذر رہے ہیں ۔ ردعمل کا معاملہ یہ ہے کہ فرد اس کا شکار ہو یا قوم ، اس کیفیت میں کوئی بھی حالات کا صحیح تجزیہ نہیں کرسکتا ۔ اب خواہ یہ ردعمل حکومت کے خلاف ہو یا کسی اور کے خلاف ، پہلے سے موجود سیاسی عصبیتوں میں کوئی فرق نہیں پڑے گا ۔ اس صورتحال کا مناسب ترین انجام غیر جانبدار شفاف الیکشن ہیں ۔ جس کے نتیجے میں ایک عوامی حکومت کا قیام ظہور پذیر ہونا ہے ۔ بلا شبہ یہ تبدیلی قوم کے لیئے ایک نیک شگون ہوگی ۔ لیکن کیا عمران خان بھی اسی پاکستان کا خواب دیکھتے ہیں ۔ جس میں زمام کار بینظیر کے ہاتھ میں یا نواز شریف کے ہاتھ میں ہو ۔ ؟
بہت سوں نے اپنی امیدیں عمران خان سے باندھ لیں ، تقریباً ہر نظر عمران خان پر لگی ہوئی ہے ۔ دل تو یہ چاہتا ہے کہ یہ نظریں کبھی نہ ہٹیں ۔ مگر کیا کجیئے کہ معاملہ سیاست کا ہے ۔ اور سیاست کے سینے میں دل نہیں ہوتا ، بلکہ یہ وہ وادی ہے جہاں وقت کی سنگلاخ حقیقتیں قدم قدم پر آپ کے پاؤں سے الجھتیں ہیں ۔ گذشتہ آٹھ سات برس واقعی بہت کڑے تھے ، خصوصاً نوواردان سیاست کے لیئے ۔ اگر یہ بات درست تسلیم کر لی جائے کہ 16 اکتوبر کو ہونے والی تبدیلی کا عوام نے برا نہیں منایا تھا تو پھر یہ بھی ماننا پڑے گا کہ بینظیر اور نوازشریف مقبولیت کے اعتبار سے اپنی سیاسی زندگی کے بدترین دور سے گذرے ہیں ۔ نواز شریف تو اب بھی اس گرداب کا شکار ہیں جبکہ بینظیر نے کنارے تک پہنچنے میں کافی ہاتھ پاؤں مارے ہیں ، جس میں انہیں خاطر خواہ کامیابی ہوئی ۔ گویا ایک سیاسی خلاء تھا ۔ یہ خلاء سیاست کی دنیا میں موجود ان کرداروں کے لیئے ایک موقع تھا جن کی صلاحیتیں سیاسی عصبیتوں کی نذر ہوگئیں ۔ مذہبی سیاستدانوں نے اس موقع سے فائدہ اٹھا کر بہت ممکن کوشش کی کہ وہ اس خلاء کو پُر کرسکیں ۔اور اس سفر میں انہوں نے اچھی خاصی پیش قدمی بھی کی ۔ اور اسی دوران عمران خان یہیں تھے اور بہت حد تک متحرک بھی ۔ اگر پچھلے سات سالوں کے سیاسی پس منظر کا جائزہ لیں تو ہمیں آج بھی مقبولیت کے لحاظ سے پہلی صف میں نواز شریف اور بینظیر کھڑے نظر آتے ہیں ۔ اور اس سے یہ بات واضع ہوجاتی ہے کہ اس دوران سیاست کے دیگر کردار ان کی جگہ نہیں لے سکے ۔ سیاسیات پر غور وفکر کرنے والے ہر شخصکو یہ سوچنا چاہیئے کہ اس کے اسباب کیا رہے ۔ ؟
عوام کو سیاسی نظام سے ناراضگی کا ایک موقع ملا اور انہوں نے اس کا بھرپور مظاہرہ بھی کیا ۔ لیکن یہ عدم ِ اعتماد کسی سیاسی منتج پر نہیں ہوا ۔ اگر کوئی اس بات کو سمجھنا چاہے تو اسلام آباد سے لاہور تک چیف جسٹس اور مجلسِ عمل کے کاروانوں کا موازنہ کر لے دیکھ لے ۔ اسی راستے پر جتنے لوگ چیف جسٹس کے کارواں کے ساتھ نکلے ۔ مجلسِ عمل کے کارواں میں نہیں تھے ۔ جہاں تک عمران خان کا تعلق ہے تو وہ اس مہم میں اہل ِسیاست میں سب سے نمایاں رہے ۔ لیکن حکومت مخالف تحریکوں میں نمایاں ہونے کا مطلب ہر گز یہ نہیں ہوتا کہ کوئی نئی سیاسی صف بندی ہو رہی ہے ۔ جب میں عمران خان کو دیکھتا ہوں تو ان کے موازنے کا قریب ترین خاکہ نواب نصراللہ خان کے بہت قریب پاتا ہوں ۔ اپوزیشن کی ہر تحریک میں وہ سب سے نمایاں آدمی تھے ۔ اور شاید سب سے محترم بھی ۔ سوال یہ ہے کہ ان کے عہدِ سیاست میں کتنے لوگ ان کی سیاسی جماعت کے نام سے بھی واقف تھے ۔
دراصل آج قوم کو ایک سیاستدان کی نہیں ، ایک سماجی و سیاسی مصلح کی ضرورت ہے ۔ حیثیت کے مخلتف کرداروں میں مفاداتی تصادم کا نتیجہ کسی بھی فریق کے حق میں نکلے ۔ اس سے یہ تو ممکن ہے کہ ہمارا دل کا بوجھ ہلکا ہوجائے گا مگر اس سے کوئی جوہری تبدیلی نہیں آنے والی ۔ یہ تبدیلی اسی وقت متوقع طور پر آئے گی جب کوئی ملک و قوم کو درپیش حقیقی بنیادی مسائل کو اپنا موضوع بنائے گا ۔ ا سکے بغیر کوئی بھی پارلیمانی جہموریت ہمارے لیئے نتیجہ خیز ثابت نہیں ہوسکتی ۔ آج ہم مغرب میں جہموریت کی جو برکات دیکھتے ہیں وہ بعض بنیادی سماجی و سیاسی تبدیلیوں کے بعد ہی رونما ہوئیں ہیں ۔ عمران خان سمیت جو بھی لیڈر اگر حقیقی طور پر ملک و قوم کے لیئے کچھ کرنا چاہتے ہیں تو انہیں مغرب کی چند جمہوری پیش بندیوں کو غور سے سمجھنا چاہیئے ۔ جن میں سے چند ایک یہ ہیں ۔
1- قومی سطح پر اکثریت ایک مناسب معیارِ زندگی رکھتی ہو ۔
2 - سیاسی جماعتوں میں قومی ترجیحاتوں کے حوالے سے ایک عمومی اتفاقِ رائے ہو ۔
3 - شرح خواندگی کا تناسب بہت زیادہ ہو ۔
4 - مذہبی ، سیاسی ، نسلی اور لسانی تصادات ایک قابلِ فہم دائرے میں محدود ہوں ۔
5 - عوام کا قومی قیادت کے ساتھ اعتماد اور احترام کا رشتہ ہو اور پوری قوم ایک تابناک مستقبل کے لیئے یک زبان ہو ۔
مگر آج ہم اس میں سے کسی بھی ایک شرط پر پورے نہیں اُترتے ۔ ممتاز احمد کی ایک مرتب کتاب " سیاست ، ریاست اور اسلام " میں خالد اسحق مرحوم کے تجزیئے کا جائزہ لیں تو ہمیں اس بات کا جواب مل سکتا ہے کہ ہم کو کیوں اب تک نواز شریف اور بینظیر کا متبادل نہیں مل سکا ۔ قوم کو ایک مصلح کی ضرورت ہے ۔ اگر یہ کام عمران خان کر سکتے ہیں تو ان سے بہتر کوئی لیڈر نہیں ہے ۔ اگر نہیں تو پھر چاہے وہ اپنے دن رات ایک کر دیں ۔ وہ نواب نصراللہ خاں کی تاریخ ہی دھرائیں گے ۔ آج کل بہت سوں کو ان کی طرف متوجہ پاتا ہوں تو دل یہ چاہتا ہے کہ خلق خدا کا یہ التفات باقی رہے مگر اس سیاست کا کیا علاج کہ یہ دل کی بات پر کان نہیں رینگتی ۔
بہت سوں نے اپنی امیدیں عمران خان سے باندھ لیں ، تقریباً ہر نظر عمران خان پر لگی ہوئی ہے ۔ دل تو یہ چاہتا ہے کہ یہ نظریں کبھی نہ ہٹیں ۔ مگر کیا کجیئے کہ معاملہ سیاست کا ہے ۔ اور سیاست کے سینے میں دل نہیں ہوتا ، بلکہ یہ وہ وادی ہے جہاں وقت کی سنگلاخ حقیقتیں قدم قدم پر آپ کے پاؤں سے الجھتیں ہیں ۔ گذشتہ آٹھ سات برس واقعی بہت کڑے تھے ، خصوصاً نوواردان سیاست کے لیئے ۔ اگر یہ بات درست تسلیم کر لی جائے کہ 16 اکتوبر کو ہونے والی تبدیلی کا عوام نے برا نہیں منایا تھا تو پھر یہ بھی ماننا پڑے گا کہ بینظیر اور نوازشریف مقبولیت کے اعتبار سے اپنی سیاسی زندگی کے بدترین دور سے گذرے ہیں ۔ نواز شریف تو اب بھی اس گرداب کا شکار ہیں جبکہ بینظیر نے کنارے تک پہنچنے میں کافی ہاتھ پاؤں مارے ہیں ، جس میں انہیں خاطر خواہ کامیابی ہوئی ۔ گویا ایک سیاسی خلاء تھا ۔ یہ خلاء سیاست کی دنیا میں موجود ان کرداروں کے لیئے ایک موقع تھا جن کی صلاحیتیں سیاسی عصبیتوں کی نذر ہوگئیں ۔ مذہبی سیاستدانوں نے اس موقع سے فائدہ اٹھا کر بہت ممکن کوشش کی کہ وہ اس خلاء کو پُر کرسکیں ۔اور اس سفر میں انہوں نے اچھی خاصی پیش قدمی بھی کی ۔ اور اسی دوران عمران خان یہیں تھے اور بہت حد تک متحرک بھی ۔ اگر پچھلے سات سالوں کے سیاسی پس منظر کا جائزہ لیں تو ہمیں آج بھی مقبولیت کے لحاظ سے پہلی صف میں نواز شریف اور بینظیر کھڑے نظر آتے ہیں ۔ اور اس سے یہ بات واضع ہوجاتی ہے کہ اس دوران سیاست کے دیگر کردار ان کی جگہ نہیں لے سکے ۔ سیاسیات پر غور وفکر کرنے والے ہر شخصکو یہ سوچنا چاہیئے کہ اس کے اسباب کیا رہے ۔ ؟
عوام کو سیاسی نظام سے ناراضگی کا ایک موقع ملا اور انہوں نے اس کا بھرپور مظاہرہ بھی کیا ۔ لیکن یہ عدم ِ اعتماد کسی سیاسی منتج پر نہیں ہوا ۔ اگر کوئی اس بات کو سمجھنا چاہے تو اسلام آباد سے لاہور تک چیف جسٹس اور مجلسِ عمل کے کاروانوں کا موازنہ کر لے دیکھ لے ۔ اسی راستے پر جتنے لوگ چیف جسٹس کے کارواں کے ساتھ نکلے ۔ مجلسِ عمل کے کارواں میں نہیں تھے ۔ جہاں تک عمران خان کا تعلق ہے تو وہ اس مہم میں اہل ِسیاست میں سب سے نمایاں رہے ۔ لیکن حکومت مخالف تحریکوں میں نمایاں ہونے کا مطلب ہر گز یہ نہیں ہوتا کہ کوئی نئی سیاسی صف بندی ہو رہی ہے ۔ جب میں عمران خان کو دیکھتا ہوں تو ان کے موازنے کا قریب ترین خاکہ نواب نصراللہ خان کے بہت قریب پاتا ہوں ۔ اپوزیشن کی ہر تحریک میں وہ سب سے نمایاں آدمی تھے ۔ اور شاید سب سے محترم بھی ۔ سوال یہ ہے کہ ان کے عہدِ سیاست میں کتنے لوگ ان کی سیاسی جماعت کے نام سے بھی واقف تھے ۔
دراصل آج قوم کو ایک سیاستدان کی نہیں ، ایک سماجی و سیاسی مصلح کی ضرورت ہے ۔ حیثیت کے مخلتف کرداروں میں مفاداتی تصادم کا نتیجہ کسی بھی فریق کے حق میں نکلے ۔ اس سے یہ تو ممکن ہے کہ ہمارا دل کا بوجھ ہلکا ہوجائے گا مگر اس سے کوئی جوہری تبدیلی نہیں آنے والی ۔ یہ تبدیلی اسی وقت متوقع طور پر آئے گی جب کوئی ملک و قوم کو درپیش حقیقی بنیادی مسائل کو اپنا موضوع بنائے گا ۔ ا سکے بغیر کوئی بھی پارلیمانی جہموریت ہمارے لیئے نتیجہ خیز ثابت نہیں ہوسکتی ۔ آج ہم مغرب میں جہموریت کی جو برکات دیکھتے ہیں وہ بعض بنیادی سماجی و سیاسی تبدیلیوں کے بعد ہی رونما ہوئیں ہیں ۔ عمران خان سمیت جو بھی لیڈر اگر حقیقی طور پر ملک و قوم کے لیئے کچھ کرنا چاہتے ہیں تو انہیں مغرب کی چند جمہوری پیش بندیوں کو غور سے سمجھنا چاہیئے ۔ جن میں سے چند ایک یہ ہیں ۔
1- قومی سطح پر اکثریت ایک مناسب معیارِ زندگی رکھتی ہو ۔
2 - سیاسی جماعتوں میں قومی ترجیحاتوں کے حوالے سے ایک عمومی اتفاقِ رائے ہو ۔
3 - شرح خواندگی کا تناسب بہت زیادہ ہو ۔
4 - مذہبی ، سیاسی ، نسلی اور لسانی تصادات ایک قابلِ فہم دائرے میں محدود ہوں ۔
5 - عوام کا قومی قیادت کے ساتھ اعتماد اور احترام کا رشتہ ہو اور پوری قوم ایک تابناک مستقبل کے لیئے یک زبان ہو ۔
مگر آج ہم اس میں سے کسی بھی ایک شرط پر پورے نہیں اُترتے ۔ ممتاز احمد کی ایک مرتب کتاب " سیاست ، ریاست اور اسلام " میں خالد اسحق مرحوم کے تجزیئے کا جائزہ لیں تو ہمیں اس بات کا جواب مل سکتا ہے کہ ہم کو کیوں اب تک نواز شریف اور بینظیر کا متبادل نہیں مل سکا ۔ قوم کو ایک مصلح کی ضرورت ہے ۔ اگر یہ کام عمران خان کر سکتے ہیں تو ان سے بہتر کوئی لیڈر نہیں ہے ۔ اگر نہیں تو پھر چاہے وہ اپنے دن رات ایک کر دیں ۔ وہ نواب نصراللہ خاں کی تاریخ ہی دھرائیں گے ۔ آج کل بہت سوں کو ان کی طرف متوجہ پاتا ہوں تو دل یہ چاہتا ہے کہ خلق خدا کا یہ التفات باقی رہے مگر اس سیاست کا کیا علاج کہ یہ دل کی بات پر کان نہیں رینگتی ۔
