عاطف بٹ
محفلین
احمد بھائی، یہ بھی ویسے خوب بات ہے کہ انتخابات کے نتیجے میں تحریکِ انصاف کے امیدواران کامیاب ہوں تو وہ عوام کے حقیقی نمائندے ہیں اور ان کے علاوہ اگر کسی اور جماعت کے امیدواروں کو لوگ منتخب کر کے پارلیمان میں بھیجیں تو وہ غیرحقیقی یا جعلی نمائندے ہیں۔
ہمارا مسئلہ یہ ہے کہ ہم عدلیہ سے شفاف انتخابات بھی کرانے کی توقع رکھتے ہیں، اس سے فیصلوں پر عملدرآمد کرانے کی بھی امید کرتے ہیں، اس سے یہ بھی چاہتے ہیں کہ وہ ملک میں امن و امان کی صورتحال پر نظر رکھے اور اسے بہتر بنانے کے لئے اپنا کردار ادا کرے، یہ بھی خواہش رکھتے ہیں کہ ملک میں کسی بھی نوعیت کا کوئی بھی مسئلہ بحران کی صورت اختیار کرنے لگے تو عدلیہ کے ارکان چراغ کے جن کی طرح اس مسئلے کو حل کرنے پر کمر کس لیں اور یہ بھی ہماری شدید آرزو ہے کہ عدلیہ میں موجود تمام لوگ فرشتے ہونے چاہئیں جن سے کبھی کوئی غلطی یا کوتاہی سرزد ہی نہ ہو۔ ایسی صورتحال میں بہتر یہ ہوگا کہ ہم ریاست کے باقی دو ستون یعنی انتظامیہ اور مقننہ کے اختیارات بھی عدلیہ کے سپرد ہی کردیں تاکہ ججوں کو واضح طور پر پتہ ہو کہ انہوں نے کیا کیا کرنا ہے۔
