عید کے موضوع پر اشعار

[عرفان سرور]

دستِ جمیل رنگِ حنا کو ترس گئے
بوئے سمن کو ڈھونڈتی ہے پیرہن کی عید

 

[عرفان سرور]

پھر آگئ ہے عید مگر دل اداس ہے
خوشیوں کی ہے نوید مگر دل اداس ہے

 

[عرفان سرور]

میرے لہو کے رنگ سے چمکی,مہندی کتنے ہاتھوں کی
شہر میں جس دن قتل ہوا تو عید منائی لوگوں نے

 

[عرفان سرور]

رہے گی بے کلی دل میں تو بھاری عید ہو گی
ملو گے تم نہیں تو کیا ہماری عید ہو گی

 

[فرقان احمد]

سب لوگ تھے محو گفتگو چاند سے
میں چاند ڈھونڈتا رہا اور عید ہو گئی

 

[طاہر راجپوت ملتان]

آج کے دن صاف ہوجاتا ہے دل اغیار کا
آؤ مل لو عید یہ موقع نہیں تکرار کا
(منیر نیازی)

یہ قمر جلالوی کا ہے درست کر لیں

آج کے دن صاف ہو جاتا ہے دل اغیار کا
آؤ مل لو عید یہ موقع نہیں تکرار کا
رخ پہ گیسو ڈال کر کہنا بتِ عیار کا
وقت دونوں مل گئے منہ کھول دو بیمار کا
جاں کنی کا وقت ہے پھِرتی نہ دیکھو پتلیاں
تم ذرا ہٹ جاؤ دم نکلے گا اب بیمار کا
حرج ہی کیا ہے الگ بیٹھا ہوں محفل میں خموش
تم سمجھ لینا کہ یہ بھی نقش ہے دیوار کا
اس قفس والے کی قسمت قابل اِفسوس ہے
چھوٹ کر جو بھول جائے راستہ گلزار کا
بات رہ جائے گی دیکھ آؤ گھڑی بھر کے لیئے
لوگ کہتے ہی کے حال اچھا نہیں بیمار کا
کس طرح گزری شبِ فرقت قمر سے یہ نہ پوچھ
رات بھر ڈھونڈا ہے تارہ صبح کے آثار کا
قمر جلالوی