غزل اصلاح کے لیے پیش ہے" میں آج اپنے گھر میں ہی مہمان ہوگیا"

[سید اسد معروف]

غزل---مفعول فاعلات مفاعیل فاعِلن؟؟؟ (میرے خیال میں)
پہچانتے ہوئے بھی تو انجان ہو گیا
میں آج اپنے گھر میں ہی مہمان ہو گیا
پورا جو تیرے وصل کا ارمان ہو گیا
پا کر تجھے میں اور پریشان ہو گیا
پہلےتو بزمِ یار میں تنہا تھا صرف میں
پھر یوں ہوا کہ شہر بھی ویران ہوگیا
سپنے دِل و دماغ میں سم گھولتے رہے
آخر کو خواہِشات کا سرطان ہو گیا
ہم نے بھی آنکھ موند لی، اندھوں کے شہر میں
جینا بہت کٹھن تھا ، سو آسان ہو گیا

 

[محمد تابش صدیقی]

بہت خوب اسد بھائی۔ اچھی غزل کہی ہے۔

ہم نے بھی آنکھ موند لی، اندھوں کے شہر میں
جینا بہت کٹھن تھا ، سو آسان ہو گیا

 

[سید اسد معروف]

بہت خوب اسد بھائی۔ اچھی غزل کہی ہے۔

بہت نوازش ، تابش بھائی! اس غزل کے کچھ اور اشعار کاغذوں سے ڈھونڈ کر شام کو پیش کرتا ہوں۔پذیرائی کا شکریہ۔

 

[متلاشی]

غزل---مفعول فاعلات مفاعیل فاعِلن؟؟؟ (میرے خیال میں)
میں آج اپنے گھر میں ہی مہمان ہو گیا

بہت اچھی غزل ہے
اگر یہ مصرعہ یوں کر دیا جائے تو کیسا رہے گا؟؟؟
اپنے ہی گھر میں آج میں مہمان ہو گیا

 

[شکیب]

ہم نے بھی آنکھ موند لی، اندھوں کے شہر میں
جینا بہت کٹھن تھا ، سو آسان ہو گیا

اعلی۔

بہت اچھی غزل ہے
اگر یہ مصرعہ یوں کر دیا جائے تو کیسا رہے گا؟؟؟
اپنے ہی گھر میں آج میں مہمان ہو گیا

م مہمان (دورانِ تقطیع)

 

[ادب دوست]

واہ، بہت خوب

 

[متلاشی]

اعلی۔

م مہمان (دورانِ تقطیع)

تقطیع میں درست ہے ۔۔۔ میں سمجھا نہیں آپ کس طرف توجہ دلا رہے ہیں ؟؟؟

 

[نور وجدان]

تقطیع میں درست ہے ۔۔۔ میں سمجھا نہیں آپ کس طرف توجہ دلا رہے ہیں ؟؟؟

عیب تنافر

 

[متلاشی]

عیب تنافر

یہ کونسی اصطلاح ہے بہنا ؟؟؟ میری کند ذہنی دیکھئے میں پھر بھی نہیں سمجھا

 

[ایم اے راجا]

عمدہ

 

[نور وجدان]

یہ کونسی اصطلاح ہے بہنا ؟؟؟ میری کند ذہنی دیکھئے میں پھر بھی نہیں سمجھا

میں نے یہیں اصلاح میں پڑھا تھا میں خود سیکھ رہی ہوں ۔۔۔۔جب ایک جیسے دو لفظ اکٹھے آجائیں تقطیع میں اس سے صوتیت کم ہوجاتی ہے اک لفظ کی یا یکجا ہوتی ہے ۔۔جیسے م اور مہمان میں نون غنہ تقطیع میں نہیں اور م اور مہمان میں ''م'' لفظ مل رہا ہے۔میں تو خود اصلاح کی طالب ہوں وہ شکیب بھائی نے لکھا تو تبصرہ دے دیا

 

[متلاشی]

میں نے یہیں اصلاح میں پڑھا تھا میں خود سیکھ رہی ہوں ۔۔۔۔جب ایک جیسے دو لفظ اکٹھے آجائیں تقطیع میں اس سے صوتیت کم ہوجاتی ہے اک لفظ کی یا یکجا ہوتی ہے ۔۔جیسے م اور مہمان میں نون غنہ تقطیع میں نہیں اور م اور مہمان میں ''م'' لفظ مل رہا ہے۔میں تو خود اصلاح کی طالب ہوں وہ شکیب بھائی نے لکھا تو تبصرہ دے دیا

اصل میں جو مصرعہ اوپر سید بھائی نے لکھا تھا اس میں اسی طرح کا ایک سقم آ رہا تھا وہ یہ تھا

میں آج اپنے گھر میں ہی مہمان ہو گیا

جب اس کو رواں پڑھیں گے تو لفظ آج اپنے ۔۔۔۔ آجپنے پڑھا جائے گا یعنی الف ساقط ہو جائے گا اور وزن گر جائے گا۔۔۔ اسی وجہ سے مصرعہ بدلنے کا مشورہ دیا تھا ۔۔ معلوم نہیں اس کے لیے کونسی اصطلاح استعمال ہوتی ۔۔۔
باقی میں خود ابھی مبتدی ہوں ۔۔۔ سیکھنے کی غرض سے ہی کچھ عرض کرنے کی جسارت کی تھی

 

[الف عین]

مفہوم کی نزاکت کے لحاظ سے متلاشی کا مصرع بہتر ہے، لیکن اس میں عین تنافر ہے، جیسا کہ نور نے کہا ہے۔

 

[الف عین]

غزل اچھی ہے، تعرف کرنی بھول گیا۔

 

[سید اسد معروف]

بہت اچھی غزل ہے
اگر یہ مصرعہ یوں کر دیا جائے تو کیسا رہے گا؟؟؟
اپنے ہی گھر میں آج میں مہمان ہو گیا

بہت نوازش۔ اصلاح کے مکمل ہونے پر آپ کی رائے کے مطابق بدلتا ہوں۔

 

[سید اسد معروف]

اعلی۔

م مہمان (دورانِ تقطیع)

شکریہ۔بہت نوازش

 

[سید اسد معروف]

بہت شکریہ۔

واہ، بہت خوب[/QUOT

 

[سید اسد معروف]

و

عیب تنافر

توجہ کے لئے بہت مشکور ہوں۔ دونوں طرح سے سقم ہے تو اساتذہ اور احباب کی رائے کو مقدم رکھتے ہیں۔
مہربانی۔

 

[سید اسد معروف]

غزل اچھی ہے، تعرف کرنی بھول گیا۔

بہت شکریہ استادِ محترم۔ آپ کی رائے تعریف سے زیادہ اہم ہے مگر آپ کی طرف سے حوصلہ افزائی بھی میرے لئے کسی سند سے کم نہیں۔

 

[سید اسد معروف]

مہربانی جناب۔

عمدہ