غزل برائے اصلاح ۔۔۔پتھر ہوں مگر سخت نہیں دیوار کی مانند۔۔۔ ذیشان نصر

[متلاشی]

السلام علیکم ! بہت عرصے بعد کچھ لکھنے کی جسارت کی ہے ۔۔۔ اساتذانِ سخن سے اصلاح کی درخواست ہے ۔۔۔۔!

پتھر ہوں مگر سخت نہیں دیوار کی مانند
نازک ہوں مگر نرم نہیں گلزار کی مانند

رہتا ہوں دلِ یار میں با صورتِ گل میں
چبھتا نہیں آنکھوں میں کسی خار کی مانند

دشمن کی نگاہوں میں ہمیشہ ہوں کھٹکتا
کردار مرا صاف ہے گفتار کی مانند

باطل پہ قیامت کا سماں ہوتاہے طاری
چلتا ہے قلم جب مرا تلوار کی مانند

اس قلزمِ الفت میں اتر کر کوئی دیکھے
وا ہوں گے دریچے کسی اسرار کی مانند

قرباں جو ہوا عشق میں محبوب وہ ٹھہرا
افسوس تو سمجھا اسے اغیار کی مانند

آمد نہیں واللہ یہ الہام ہے ذیشاں
نکلا ہے مرے نطق سے اشعار کی مانند

جمعہ23/جنوری2015
17:09:50 PM

 

[متلاشی]

مزمل شیخ بسمل الف عین محمد یعقوب آسی

 

[سید عاطف علی]

اچھا لکھا ہے ذیشان کافی عرصے بعد ۔ مگر مطلع کی بحر (وزن) درست نہیں ۔پہلے اسے درست کرنے کی ضرورت ہے۔

 

[متلاشی]

اچھا لکھا ہے ذیشان کافی عرصے بعد ۔ مگر مطلع کی بحر (وزن) درست نہیں ۔پہلے اسے درست کرنے کی ضرورت ہے۔

بہت بہت شکریہ سید عاطف بھائی بے دھیانی میں مطلع واقعی بحر سے خارج ہو گیاہے ۔۔۔
یوں کر دیں تو کیسا رہے گا؟؟؟؟
پتھر ہوں نہیں سخت پہ دیوار کی مانند
نازک ہو نہیں نرم پہ گلزار کی مانند

 

[سید عاطف علی]

بہت بہت شکریہ سید عاطف بھائی بے دھیانی میں مطلع واقعی بحر سے خارج ہو گیاہے ۔۔۔
یوں کر دیں تو کیسا رہے گا؟؟؟؟
پتھر ہوں نہیں سخت پہ دیوار کی مانند
نازک ہو نہیں نرم پہ گلزار کی مانند

اس طرح اچھا ہے ۔لیکن "پہ" کا استعمال "مگر" کے طور پر اگر چہ غلط نہیں لیکن پھر بھی انداز اور اسلوب سے موافق نہیں لگ رہا۔ اسے دوبارہ کسی اور انداز سے کہنا ہوگا ۔میرا خیال ہے۔

 

[محمد اسامہ سَرسَری]

(از راہ تفنن)
"اساتذانِ سخن"
تحقیق: "استاد" فارسی الاصل ہے ، اسے "استاذ" کی صورت میں معرّب کیا گیا ، پھر اس کی جمع "اساتذہ" قرار پائی ، پھر متلاشی بھائی اسے دوبارہ فارسی میں لے گئے اور "ہ" کو حذف کرکے جمع "اساتذان" بنائی۔

 

[محمد اسامہ سَرسَری]

نازک ہوں مگر نرم نہیں گلزار کی مانند

کیا گلزار نرم ہوتا ہے؟

 

[محمد اسامہ سَرسَری]

ایک رائے:
پتھر تو ہوں ، لیکن نہیں دیوار کی مانند
نازک تو ہوں ، لیکن نہیں گلزار کی مانند

 

[bilal260]

میرے تو دل سے نکل کر پار ہو گیا آپ کا ہر شعر ۔زبردست جناب محترم متلاشی صاحب جناب والا۔
کس درد سے اور کس گہرائی سے کہے ہیں یا لکھنے والا جانتا ہے یا جو ان کو پڑھ کر اثر لے بیٹھے قسم سے۔

 

[ابن رضا]

متلاشی بھائی آپ کے گذشتہ کلام کی نسبت مذکور کاوش زیادہ اثرانگیز نہیں لگی۔ کچھ بندشیں موزوں نہیں لگیں ۔ جیسے دیوار و پتھر کا ایک جیسا سخت نہ ہون. گلزار کا نرم ہونا۔ دریچے کا اسرار کی مانند کھلنا

 

[الف عین]

کافی گفتگو ہو چکی ہے، جس سے میرے خیال میں عزیزم نصر کی مدد ہو چکی ہو گی۔ اسامہ کی اصلاح بہت خوب ہے مطلع میں، اور وہی بہت کمزور تھا۔

 

[atta]

بہت خوب متلاشی بھائ.
ہم صرف داد دے سکتے ہیں.اصلاح کے چکر میں اساتذان فن ہی پڑیں...ہمیں بغیر اصلاح ہی بہت اپسند ہے.

 

[bilal260]

میں نے داد نہیں دی دل کہ بات کی ہے بہت زبردست ہے جاری رکھئے۔ماشاء اللہ ۔

 

[محمد یعقوب آسی]

آمد نہیں واللہ یہ الہام ہے ذیشاں
نکلا ہے مرے نطق سے اشعار کی مانند

یہاں ذیشان کی نون کو نون غنہ بنانے کی ضرورت تو نہیں تھی! کہیں ایسا تو نہیں کہ صاحبِ کلام "مانند" کو "مانِد" کے وزن پر سمجھ بیٹھے ہوں؟

 

[متلاشی]

arifkarim

 

[نور وجدان]

پتھر ہوں مگر سخت نہیں دیوار کی مانند
نازک ہوں مگر نرم نہیں گلزار کی مانند
واہ ۔۔۔ اگر اس میں تشبیہات کو تھوڑا اور بدل دیتے ۔۔۔۔۔۔۔۔شعر کلاسیکی ہوجاتا ہے ۔مگر اب بھی بہت بہت بہت عمدہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہتا ہوں دلِ یار میں با صورتِ گل میں
چبھتا نہیں آنکھوں میں کسی خار کی مانند


گل ۔۔۔ اوپر بھی گل ۔۔نیچے بھی ۔۔

اس غزل سے یا مطلع سے ہٹا دیں ۔۔تو کمال و غضب کا شعر ہے ۔۔کیا فطرتی تشبیہ اور تمثیل بنائی ہے ۔واہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دشمن کی نگاہوں میں ہمیشہ ہوں کھٹکتا
کردار مرا صاف ہے گفتار کی مانند

بہت عمدہ ۔۔آپ کی غزلوں میں خیالات بہت عمدہ ہیں ۔۔۔ جیسے یہ خیال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باطل پہ قیامت کا سماں ہوتاہے طاری
چلتا ہے قلم جب مرا تلوار کی مانند

اس شعر نے تو پھڑکا دیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس قلزمِ الفت میں اتر کر کوئی دیکھے
وا ہوں گے دریچے کسی اسرار کی مانند
اچھا ہے ۔۔!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قرباں جو ہوا عشق میں محبوب وہ ٹھہرا
افسوس تو سمجھا اسے اغیار کی مانند

اس شعر میں کہیں کمی ہے ۔۔درست بندھا نہیں ہے یا مجھے سمجھ نہیں آئی ۔۔اس کے باوجود جو کہنا چاہا یا جو میں سمجھ پائی ہوں وہ خیال اچھا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آمد نہیں واللہ یہ الہام ہے ذیشاں
نکلا ہے مرے نطق سے اشعار کی مانند
واہ۔۔شاعر اسرار کا ذکر نہ کرے وہ شاعر کیسا۔۔۔۔۔۔۔۔۔۔۔۔۔ !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جمعہ23/جنوری2015
17:09:50 PM

 

[متلاشی]

پتھر ہوں مگر سخت نہیں دیوار کی مانند
نازک ہوں مگر نرم نہیں گلزار کی مانند
واہ ۔۔۔ اگر اس میں تشبیہات کو تھوڑا اور بدل دیتے ۔۔۔۔۔۔۔۔شعر کلاسیکی ہوجاتا ہے ۔مگر اب بھی بہت بہت بہت عمدہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہتا ہوں دلِ یار میں با صورتِ گل میں
چبھتا نہیں آنکھوں میں کسی خار کی مانند


گل ۔۔۔ اوپر بھی گل ۔۔نیچے بھی ۔۔

اس غزل سے یا مطلع سے ہٹا دیں ۔۔تو کمال و غضب کا شعر ہے ۔۔کیا فطرتی تشبیہ اور تمثیل بنائی ہے ۔واہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دشمن کی نگاہوں میں ہمیشہ ہوں کھٹکتا
کردار مرا صاف ہے گفتار کی مانند

بہت عمدہ ۔۔آپ کی غزلوں میں خیالات بہت عمدہ ہیں ۔۔۔ جیسے یہ خیال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باطل پہ قیامت کا سماں ہوتاہے طاری
چلتا ہے قلم جب مرا تلوار کی مانند

اس شعر نے تو پھڑکا دیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس قلزمِ الفت میں اتر کر کوئی دیکھے
وا ہوں گے دریچے کسی اسرار کی مانند
اچھا ہے ۔۔!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قرباں جو ہوا عشق میں محبوب وہ ٹھہرا
افسوس تو سمجھا اسے اغیار کی مانند

اس شعر میں کہیں کمی ہے ۔۔درست بندھا نہیں ہے یا مجھے سمجھ نہیں آئی ۔۔اس کے باوجود جو کہنا چاہا یا جو میں سمجھ پائی ہوں وہ خیال اچھا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آمد نہیں واللہ یہ الہام ہے ذیشاں
نکلا ہے مرے نطق سے اشعار کی مانند
واہ۔۔شاعر اسرار کا ذکر نہ کرے وہ شاعر کیسا۔۔۔۔۔۔۔۔۔۔۔۔۔ !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جمعہ23/جنوری2015
17:09:50 PM

اس قدر تفصیلی تبصرے پر آپ کا شکر گذار ہوں ۔۔۔۔
اور ہاں آپ کی اصلاح بھی خوب ہے ۔۔۔ آپ نے درست سمت نشاندہی کی ۔۔۔۔ ابھی اس پر مزید محنت کی ضرورت ہے

 

[نور وجدان]

اس قدر تفصیلی تبصرے پر آپ کا شکر گذار ہوں ۔۔۔۔
اور ہاں آپ کی اصلاح بھی خوب ہے ۔۔۔ آپ نے درست سمت نشاندہی کی ۔۔۔۔ ابھی اس پر مزید محنت کی ضرورت ہے

شرمندہ کر دیا۔۔۔ میں نے ایمانداری والا کام کیا۔۔جہاں اچھا لگا وہ بھی بتایا اور جہاں لگا کہ کمی ہے وہ بھی اور یقین کریں۔۔ویسے اور کیا کیا خوب ہے ۔۔۔ ؟

 

[متلاشی]

شرمندہ کر دیا۔۔۔ میں نے ایمانداری والا کام کیا۔۔جہاں اچھا لگا وہ بھی بتایا اور جہاں لگا کہ کمی ہے وہ بھی اور یقین کریں۔۔ویسے اور کیا کیا خوب ہے ۔۔۔ ؟

آپ کی تحاریر ، آپ کا تبصرہ کرنے کا انداز

 

[نور وجدان]

آپ کی تحاریر ، آپ کا تبصرہ کرنے کا انداز

شکریہ۔۔ آپ کی زبان مبارک ہو۔۔ اور میرا قلم رواں دواں رہے ۔۔آمین ۔۔ نوازش