عدم غزل-خالی ابھی جام میں کچھ سوچ رہا ہوں(عبدالحمید عدم

[پیاسا صحرا]

خالی ابھی جام میں کچھ سوچ رہا ہوں
اے گردش ایام میں کچھ سوچ رہا ہوں

ساقی تجھے اک تھوڑی سی تکلیف تو پو گی
ساغر کو ذرا تھام ، میں کچھ سوچ رہا ہوں

پہلے بڑی رغبت تھی ترے نام سے مجھ کو
اب سن کے ترا نام میں کچھ سوچ رہا ہوں

ادراک ابھی پورا تعاون نہیں کرتا
دے بادہ گلفام ، میں کچھ سوچ رہا ہوں

حل کچھ تو نکل آئے گا حالات کی ضد کا
اے کثرت آلام میں کچھ سوچ رہا ہوں

پھر آج عدم شام سے غمگیں ہے طبیعت
پھر آج سر شام میں کچھ سوچ رہا ہوں

عبدالحمید عدم

 

[محمداحمد]

سید فصیح احمد کے کیفیت نامے سے ایک مصرعہ ہاتھ لگا اور گوگل نے یہاں لا پھینکا۔

عدم کی غزل ہمیشہ کی طرح لاجواب ہے۔

 

[سید فصیح احمد]

سید فصیح احمد کے کیفیت نامے سے ایک مصرعہ ہاتھ لگا اور گوگل نے یہاں لا پھینکا۔

عدم کی غزل ہمیشہ کی طرح لاجواب ہے۔

جزاک اللہ احمد بھائی اور ہمیں وہ مصرع عزیز میاں سے نصیب ہوا ، ہمیں بھی گوگل چچا نے اسی دیار کا پتہ دیا تھا ۔۔

 

[محمداحمد]

جزاک اللہ احمد بھائی اور ہمیں وہ مصرع عزیز میاں سے نصیب ہوا ، ہمیں بھی گوگل چچا نے اسی دیار کا پتہ دیا تھا ۔۔

یہ مصرعہء عزیز پڑھ کر "عزیزِ مصر " کا خیال آ گیا۔

 

[سید فصیح احمد]

یہ مصرعہء عزیز پڑھ کر "عزیزِ مصر " کا خیال آ گیا۔

یا خدا !! اتنا بڑا جینریشن گیپ ۔۔ ہاہا !!

 

[محمداحمد]

یا خدا !! اتنا بڑا جینریشن گیپ ۔۔ ہاہا !!

کیا کریں ذہن تو "کی ورڈز" کا مارا ہوا ہے۔

اور ضرورت پڑنے پر اُلٹ پُلٹ کرنے سے بھی نہیں گھبراتا۔

 

[سید فصیح احمد]

کیا کریں ذہن تو "کی ورڈز" کا مارا ہوا ہے۔

اور ضرورت پڑنے پر اُلٹ پُلٹ کرنے سے بھی نہیں گھبراتا۔

متفق ہوں صاحب میرا اپنا بھی کچھ ایسا ہی حال ہے ، جلدی میں جب کچھ گڑ بڑا جائے تو خود ہی اپنی بونگی پر مسکرا دیتے ہیں ۔

" آفرین ہے فصیح میاں تُم پر !! "

 

[الف نظامی]

پہلا شعر کیا ایسے ہونا چاہیے محمداحمد
خالی ہےابھی جام میں کچھ سوچ رہا ہوں

 

[محمداحمد]

پہلا شعر کیا ایسے ہونا چاہیے محمداحمد
خالی ہےابھی جام میں کچھ سوچ رہا ہوں

جی بالکل ایسا ہی ہوگا۔

دوسرے شعر میں بھی ٹائپو ہے لیکن پیاسا صحرا بھائی تو اب عرصہ دراز سے محفل میں آتے نہیں ۔ سو تدوین نہیں ہو سکتی۔

 

[سید فصیح احمد]

پہلا شعر کیا ایسے ہونا چاہیے محمداحمد
خالی ہےابھی جام میں کچھ سوچ رہا ہوں

جزاک اللہ اس طرف تو نگاہ ہی نہیں گئی تھی

 

[سید فصیح احمد]

محمداحمد بھائی کیوں نا منتظمین کی توجہ دلائی جائے ، کیوں کہ یوں کوئی ایسے ہی نقل کر لے گا تو وہ درست نہیں !!

 

[محمداحمد]

محمداحمد بھائی کیوں نا منتظمین کی توجہ دلائی جائے ، کیوں کہ یوں کوئی ایسے ہی نقل کر لے گا تو وہ درست نہیں !!

دراصل آج کل محمد وارث بھائی بہت زیادہ وقت نہیں دے پا رہے ہیں۔ نبیل بھائی تو یوں بھی کم کم آتے ہیں۔

سو کوشش کرکے معمولی نوعیت کی چیزوں کو نظر انداز کر دیتا ہوں کہ زیادہ رپورٹنگ کا سارا بار سعود بھائی کی کاندھے پر پڑنے کا احتمال رہتا ہے۔

 

[سید فصیح احمد]

دراصل آج کل محمد وارث بھائی بہت زیادہ وقت نہیں دے پا رہے ہیں۔ نبیل بھائی تو یوں بھی کم کم آتے ہیں۔

سو کوشش کرکے معمولی نوعیت کی چیزوں کو نظر انداز کر دیتا ہوں کہ زیادہ رپورٹنگ کا سارا بار سعود بھائی کی کاندھے پر پڑنے کا احتمال رہتا ہے۔

چلیں یہاں ذیل میں مراسلوں کے توسط اصلاح کی نشاندہی تو ہو گئی ، کوئی آئے گا تو جان جائے گا۔
جزاک اللہ ! محترم الف نظامی اور محمداحمد بھائی

 

[الف نظامی]

چلیں یہاں ذیل میں مراسلوں کے توسط اصلاح کی نشاندہی تو ہو گئی ، کوئی آئے گا تو جان جائے گا۔
جزاک اللہ ! الف نظامی بھائی اور محمداحمد بھائی

جی بھائی۔