جون ایلیا غزل - سینہ دہک رہا ہو تو کیا چُپ رہے کوئی - جون ایلیا

[فرحت کیانی]

سینہ دہک رہا ہو تو کیا چُپ رہے کوئی
کیوں چیخ چیخ کر نہ گلا چھیل لے کوئی

ثابت ہُوا سکونِ دل و جان نہیں کہیں
رشتوں میں ڈھونڈتا ہے تو ڈھونڈا کرے کوئی

ترکِ تعلقات تو کوئی مسئلہ نہیں
یہ تو وہ راستہ ہے کہ چل پڑے کوئی

دیوار جانتا تھا جسے میں، وہ دھول تھی
اب مجھ کو اعتماد کی دعوت نہ دے کوئی

[align=justify:20c3d788b2]میں خود یہ چاہتا ہوں کہ حالات ہوں خراب
میرے خلاف زہر اُگلتا پھرے کوئی!!!![/align:20c3d788b2]

اے شخص اب تو مجھ کو سبھی کچھ قبول ہے
یہ بھی قبول ہے کہ تجھے چھین لے کوئی !!

ہاں ٹھیک ہے میں اپنی اَنا کا مریض ہوں
آخرمیرے مزاج میں کیوں دخل دے کوئی

اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی۔

 

[ماوراء]

میں خود یہ چاہتا ہوں کہ حالات ہوں خراب
میرے خلاف زہر اُگلتا پھرے کوئی!!!!​

بہت اچھی غزل ہے!

 

[فرحت کیانی]

میں خود یہ چاہتا ہوں کہ حالات ہوں خراب
میرے خلاف زہر اُگلتا پھرے کوئی!!!!​

بہت اچھی غزل ہے!

شکریہ ماوراء۔۔ اور یہ ان بہت کم غزلوں میں سے ہے جن کے سب کے سب شعر اپنی جگہ ایک مکمل مضمون ہیں

 

[عمر سیف]

اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی۔

بہت خوب۔ عمدہ۔

 

[سارہ خان]

بہت خوب سسٹر واقعی بہت اچھی غزل ہے ۔۔

 

[شمشاد]

بہت اچھی شاعری ہے۔ اور جون ایلیا تو میرے پسندیدہ شعراء میں سے ایک ہیں۔

 

[ماوراء]

واقعی فرحت، سبھی شعر بہت اچھے ہیں۔ شئیر کرنے کا شکریہ۔

ثابت ہُوا سکونِ دل و جان نہیں کہیں
رشتوں میں ڈھونڈتا ہے تو ڈھونڈا کرے کوئی

ہاں ٹھیک ہے میں اپنی اَنا کا مریض ہوں
آخرمیرے مزاج میں کیوں دخل دے کوئی
​

 

[فرحت کیانی]

اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی۔

بہت خوب۔ عمدہ۔

بہت شکریہ

 

[فرحت کیانی]

بہت خوب سسٹر واقعی بہت اچھی غزل ہے ۔۔

بہت شکریہ سارہ ڈئیر

 

[فرحت کیانی]

بہت اچھی شاعری ہے۔ اور جون ایلیا تو میرے پسندیدہ شعراء میں سے ایک ہیں۔

جی اب میرے بھی پسندیدہ شاعر ہوتے جا رہے ہیں۔ اظہار سے بھرپور شعر ہوتے ہیں ان کے۔

 

[فرحت کیانی]

واقعی فرحت، سبھی شعر بہت اچھے ہیں۔ شئیر کرنے کا شکریہ۔

ثابت ہُوا سکونِ دل و جان نہیں کہیں
رشتوں میں ڈھونڈتا ہے تو ڈھونڈا کرے کوئی

ہاں ٹھیک ہے میں اپنی اَنا کا مریض ہوں
آخرمیرے مزاج میں کیوں دخل دے کوئی
​

جی اور آپ کا اس پوسٹ کو پڑھنے اور تعریف کا شکریہ

 

[محسن حجازی]

ڈاکٹر بشیر بدر کی ایک غزل:

وہ بجھے گھروں کا چراغ تھا یہ کبھی کسی کو خبر نہ ہو
اسے لے گئی ہے کہاں ہوا، یہ کبھی کسی کو خبر نہ ہو
کئی لوگ جان جائیں گے مرے قاتلوں کی تلاش میں
مرے قتل میں مرا ہاتھ تھا، یہ کبھی کسی کو خبر نہ ہو
وہ تمام دنیا کے واسطے جو محبتوں کی مثال تھا
وہی اپنے گھر میں تھا بے وفا، یہ کبھی کسی کو خبر نہ ہو
کہیں مسجدوں میں شہادتیں کہیں مندروں میں عدالتیں
یہاں کون کرتا ہے فیصلہ یہ کبھی کسی کو خبر نہ ہو
میرے پاس جتنی ہے روشنی ہے یہی چراغ کی زندگی
میں کہاں جلا، کہاں بجھا، یہ کبھی کسی کو خبر نہ ہو
مجھ جان کر کوئی اجنبی وہ دِکھا رہے ہیں گلی گلی
اسی شہر میں مرا گھر بھی تھا، یہ کبھی کسی کو خبر نہ ہو
وہ سمجھ کے دھوپ کے دیوتا مجھے آج پوجنے آئے ہیں
میں چراغ ہوں تیری شام کا، یہ کبھی کسی کو خبر نہ ہو


اور ایک میری اپنی غزل:

کچھ اسرار منکشف ہوئے ہیں
کچھ زاویے منعطف ہوئے ہیں
بدلے ہیں کچھ افکار میرے
کچھ خیالات منحرف ہوئے ہیں
صاحبان جاہ و حشمت و ہوس
کہاں کے منصف ہوئے ہیں
بہت زیادہ ہیں رقیب میرے
بہت کم معترف ہوئے ہیں
مہرباں ہے قدرت محسنؔ گر
ہم خوبی سے متصف ہوئے ہیں

 

[ابنِ آدم]

وہ تمام دنیا کے واسطے جو محبتوں کی مثال تھا
وہی اپنے گھر میں تھا بے وفا، یہ کبھی کسی کو خبر نہ ہو
---------------------------------------------
مجھ جان کر کوئی اجنبی وہ دِکھا رہے ہیں گلی گلی
اسی شہر میں مرا گھر بھی تھا، یہ کبھی کسی کو خبر نہ ہو
===========================

مندرجہ بالا اشعار پڑھ کے بے اختیار ایک حدیث مبارکہ یاد آئی مکمل صیح طور پہ یاد نہیں آرہی مگر اس کا مفہوم کچھ ایسا ہے کہ “کچھ کچھ تقریریں جادو ہوتی ہیں اور کچھ کچھ اشعار تو بہت پر حکمت ہوتے ہیں“

بقول حضرتِ ندیم قاسمی

مجھ ایسے کافر کو ترے پیار نے یوں شرمایا
دل تجھے دیکھ کے دھڑکا تو خدا یاد آیا

بہت شکریہ۔ آپکے اشعار کا انتخاب بہت خوب ہے

 

[فرحت کیانی]

وہ تمام دنیا کے واسطے جو محبتوں کی مثال تھا
وہی اپنے گھر میں تھا بے وفا، یہ کبھی کسی کو خبر نہ ہو

اور ایک میری اپنی غزل:
کچھ اسرار منکشف ہوئے ہیں
کچھ زاویے منعطف ہوئے ہیں
بدلے ہیں کچھ افکار میرے
کچھ خیالات منحرف ہوئے ہیں

بہت عمدہ۔بہت بہت شکریہ

 

[فرحت کیانی]

===========================

مندرجہ بالا اشعار پڑھ کے بے اختیار ایک حدیث مبارکہ یاد آئی مکمل صیح طور پہ یاد نہیں آرہی مگر اس کا مفہوم کچھ ایسا ہے کہ “کچھ کچھ تقریریں جادو ہوتی ہیں اور کچھ کچھ اشعار تو بہت پر حکمت ہوتے ہیں“


بہت شکریہ۔ آپکے اشعار کا انتخاب بہت خوب ہے

سچ کہا

 

[محسن حجازی]

ڈاکٹر صاحب ایک اور جگہ فرماتے ہیں:

چاند کے چاروں طرف میلی ردائیں ساتھ ہیں
خاک اتنی سر چڑھے کس کی ہوائیں ساتھ ہیں
ایک عورت سے وفا کرنےکا یہ تحفہ ملا
جانے کتنی عورتوں کی بددعائیں ساتھ ہیں
انگلیاں میری ستاروں تک پہنچ سکتی نہیں
مٹھیوں میں جگنوؤں کی بدعائیں ساتھ ہیں
دن کھلا ہے پھول سا اور رات بھیگی آنکھ سی
کوئی موسم ہو یہاں دونوں ہوائیں ساتھ ہیں
میں ہوں کاغذ کا اک ٹکڑا جانے کس کی کھوج میں
کیوں میرے پیچھے زمانے کی ہوائیں ساتھ ہیں

 

[شمشاد]

انگلیاں میری ستاروں تک پہنچ سکتی نہیں
مٹھیوں میں جگنوؤں کی بدعائیں ساتھ ہیں
بہت خوب، بہت اچھی شاعری ہے

 

[فرحت کیانی]

ڈاکٹر صاحب ایک اور جگہ فرماتے ہیں:

چاند کے چاروں طرف میلی ردائیں ساتھ ہیں
خاک اتنی سر چڑھے کس کی ہوائیں ساتھ ہیں
ایک عورت سے وفا کرنےکا یہ تحفہ ملا
جانے کتنی عورتوں کی بددعائیں ساتھ ہیں
انگلیاں میری ستاروں تک پہنچ سکتی نہیں
مٹھیوں میں جگنوؤں کی بدعائیں ساتھ ہیں
دن کھلا ہے پھول سا اور رات بھیگی آنکھ سی
کوئی موسم ہو یہاں دونوں ہوائیں ساتھ ہیں
میں ہوں کاغذ کا اک ٹکڑا جانے کس کی کھوج میں
کیوں میرے پیچھے زمانے کی ہوائیں ساتھ ہیں

بہت خوب اور بہت شکریہ

 

[محب علوی]

ترکِ تعلقات تو کوئی مسئلہ نہیں
یہ تو وہ راستہ ہے کہ چل پڑے کوئی [align=center]

کتنا سچا شعر ہے ۔

فرحت بہت اچھی غزل شئیر کی ہے۔

 

[فرحت کیانی]

بہت شکریہ