غزل ۔ الگ تھلگ رہے کبھی، کبھی سبھی کے ہو گئے ۔ محمد احمدؔ

[نیرنگ خیال]

آتشیں تو فی الحال نہیں ہوئے۔ ہاں کب آگ پکڑ لیں اس کا کچھ اندازہ نہیں ہے۔

آگ سے بات کی ہے اس سلسلے میں۔۔۔۔

 

[محمداحمد]

آگ سے بات کی ہے اس سلسلے میں۔۔۔ ۔

دوری آگ سے دوری بہتر، قربت کا انجام ہے راکھ
آگ کا کام فروزاں ہونا، راکھ ضرور پریشاں ہو

​

 

[نیرنگ خیال]

دوری آگ سے دوری بہتر، قربت کا انجام ہے راکھ
آگ کا کام فروزاں ہونا، راکھ ضرور پریشاں ہو

​

دوری "نار" سے دوری بہتر، قربت کا انجام ہے راکھ۔۔۔۔

 

[محمداحمد]

دوری "نار" سے دوری بہتر، قربت کا انجام ہے راکھ۔۔۔ ۔

 

[آصف شفیع]

محمد احمد صاحب! نہت عمدہ کلام ہے۔ نہایت رواں دواں اور دلکش انداز بیان کے ساتھ -

 

[محمداحمد]

کیا ہی اچھی غزل ہے احمد صاحب، سبھی اشعار پسند آئے لیکن یہ شعر تو گویا دل نکال کے لے گیا

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

واہ واہ واہ

بہت بہت شکریہ وارث بھائی ۔۔۔!

ہمیشہ کی طرح کہوں گا کہ آپ کی رائے میرے لئے بے حد اہم ہے۔

 

[محمداحمد]

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے


واہ واہ۔۔ کیا ندرتِ خیال ہے
خوش رہیئے احمد بھائی

بہت محبت ہے شیزان بھائی آپ کی۔

داد اور دعا دونوں کے لئے ممنون ہوں۔

 

[محمداحمد]

محمد احمد صاحب! نہت عمدہ کلام ہے۔ نہایت رواں دواں اور دلکش انداز بیان کے ساتھ -

بہت شکریہ آصف شفیع صاحب،

ممنون ہوں۔

 

[محمد تابش صدیقی]

بہت خوبصورت غزل

الگ تھلگ رہے کبھی، کبھی سبھی کے ہو گئے
جنوں کا ہاتھ چُھٹ گیا تو بے حسی کے ہو گئے

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے

 

[سارہ خان]

الگ تھلگ رہے کبھی، کبھی سبھی کے ہو گئے
جنوں کا ہاتھ چُھٹ گیا تو بے حسی کے ہو گئے

بہت خوب کہا۔۔۔

 

[ظہیراحمدظہیر]

احمد بھائی ! کیا خوبصورت غزل ہے !! دل جھوم اٹھا پڑھ کر! بہت ہی اعلیٰ ۔
سخن پری نے ہجر کو بھی شامِ وصل کر دیا
تری طلب سِوا ہوئی تو شاعری کے ہوگئے

کیا بات ہے اس شعر کی !! سلامت رہیئے ۔ شاد آباد رہیئے۔

 

[جاسمن]

اس قدر خوبصورت۔۔۔۔۔۔۔۔۔۔۔۔۔۔۔۔۔۔دِل میں اترتی۔۔۔۔۔۔گلی گلی کے ہو گئے۔۔۔۔۔
واہ واہ واہ۔۔۔۔۔۔۔۔۔۔بہت خوبصورت ۔بہت خوبصورت۔۔۔۔بہت حساس غزل۔۔۔۔ایک ایک شعر دل کو چھوتا ہے۔ بہت خوب! بہت ہی خوب!
جھوم رہے ہیں،سر دھن رہے ہیں۔

 

[جاسمن]

الگ تھلگ رہے کبھی، کبھی سبھی کے ہو گئے
جنوں کا ہاتھ چُھٹ گیا تو بے حسی کے ہو گئے

طلب کی آنچ کیا بجھی، بدن ہی راکھ ہو گیا
ہوا کے ہاتھ کیا لگے، گلی گلی کے ہو گئے

بہت دنوں بسی رہی تری مہک خیال میں
بہت دنوں تلک ترے خیال ہی کے ہوگئے

چراغِ شام بجھ گیا تو دل کے داغ جل اُٹھے
پھر ایسی روشنی ہوئی کہ روشنی کے ہو گئے

سخن پری نے ہجر کو بھی شامِ وصل کر دیا
تری طلب سِوا ہوئی تو شاعری کے ہوگئے

واہ بھئی واہ!