غزل ۔ بجھے اگر بدن کے کچھ چراغ تیرے ہجر میں ۔ محمد احمدؔ

[محمداحمد]

غزل

بجھے اگر بدن کے کچھ چراغ تیرے ہجر میں
جلا لیے سخن کے کچھ چراغ تیرے ہجر میں

چمن خزاں خزاں ہو جب، بجھا بجھا ہوا ہو دل
کریں بھی کیا چمن کے کچھ چراغ تیرے ہجر میں

شبِ فراق پر ہوا، شبِ وصال کا گماں
مہک اُٹھے ملن کے کچھ چراغ تیرے ہجر میں

اُداسیوں کے حبس میں جو تیری یاد آگئی
تو جل اُٹھے پوَن کے کچھ چراغ تیرے ہجر میں

سو کیوں نہ دل کے داغ گن کے کاٹ لیجے آج شب
گِنے تھے کل گگن کے کچھ چراغ تیرے ہجر میں

محمد احمدؔ​

 

[محمد وارث]

خوب غزل ہے احمد صاحب، کیا کہنے۔

 

[محمد تابش صدیقی]

لاجواب احمد بھائی. کیا ہی عمدہ غزل کہی ہے.
منفرد ردیف خوب نبھائی ہے. بہت سی داد

غزل

بجھے اگر بدن کے کچھ چراغ تیرے ہجر میں
جلا لیے سخن کے کچھ چراغ تیرے ہجر میں

چمن خزاں خزاں ہو جب، بجھا بجھا ہوا ہو دل
کریں بھی کیا چمن کے کچھ چراغ تیرے ہجر میں

شبِ فراق پر ہوا، شبِ وصال کا گماں
مہک اُٹھے ملن کے کچھ چراغ تیرے ہجر میں

اُداسیوں کے حبس میں تمھاری یاد آگئی
تو جل اُٹھے پوَن کے کچھ چراغ تیرے ہجر میں

سو کیوں نہ دل کے داغ گن کے کاٹ لیجے آج شب
گِنے تھے کل گگن کے کچھ چراغ تیرے ہجر میں

محمد احمدؔ​

 

[محمداحمد]

خوب غزل ہے احمد صاحب، کیا کہنے۔

بہت شکریہ وارث بھائی!

ممنون ہوں۔

 

[محمداحمد]

لاجواب احمد بھائی. کیا ہی عمدہ غزل کہی ہے.
منفرد ردیف خوب نبھائی ہے. بہت سی داد

بہت شکریہ تابش بھائی!

حوصلہ افزائی کے لئے بہت ممنون ہوں۔

خوش رہیے۔

 

[ادب دوست]

واہ واہ احمد بھائی بہت خوب کیا کہنے

 

[محمداحمد]

واہ واہ احمد بھائی بہت خوب کیا کہنے

بہت شکریہ ادب دوست بھائی!

خوش رہیے!

 

[حمیرا عدنان]

واہ احمد بھائی زبردست

شبِ فراق پر ہوا، شبِ وصال کا گماں
مہک اُٹھے ملن کے کچھ چراغ تیرے ہجر میں

 

[فلک شیر]

سبحان اللہ
احمد بھائی بہت خوب

 

[رومانہ چوہدری]

واہ۔ بہترین

 

[محمد تابش صدیقی]

آج دوبارہ آپ کی غزل پڑھی تو بے اختیار زبان پر آ گیا

جلے اگر مٹن کے کچھ کباب تیرے ہجر میں
تو کھا لیے چکن کے کچھ کباب تیرے ہجر میں

 

[حسن محمود جماعتی]

بہت عمدہ قبلہ بہت زبردست کیا کہنے آپ کے۔ بہت عمدہ کیا خوب روانی ہے۔

 

[محمداحمد]

واہ احمد بھائی زبردست

ممنون ہوں۔

خوش رہیے۔

 

[محمداحمد]

سبحان اللہ
احمد بھائی بہت خوب

بھائی کی خیر!

شاد آباد رہیے۔

 

[فاخر رضا]

آج دوبارہ آپ کی غزل پڑھی تو بے اختیار زبان پر آ گیا

جلے اگر مٹن کے کچھ کباب تیرے ہجر میں
تو کھا لیے چکن کے کچھ کباب تیرے ہجر میں

بہت زبردست. ہوجائے پھر پوری پیروڈی. پیشگی زبردست

 

[محمد تابش صدیقی]

بہت زبردست. ہوجائے پھر پوری پیروڈی. پیشگی زبردست

احمد بھائی نے بڑی مشکل ردیف رکھی ہے. اس پر پیروڈی کم از کم مجھ نالائق کے بس کا کام نہیں.

 

[محمداحمد]

واہ۔ بہترین

بہت شکریہ!

 

[محمداحمد]

آج دوبارہ آپ کی غزل پڑھی تو بے اختیار زبان پر آ گیا

جلے اگر مٹن کے کچھ کباب تیرے ہجر میں
تو کھا لیے چکن کے کچھ کباب تیرے ہجر میں

ہاہاہاہاہا ۔۔۔۔!

کمال ہی کر دیا آپ نے۔ اور زیادہ بڑا کمال یہ ہے کہ چراغ کو کب سے بدل دیا۔

بہت زبردست. ہوجائے پھر پوری پیروڈی. پیشگی زبردست

احمد بھائی نے بڑی مشکل ردیف رکھی ہے. اس پر پیروڈی کم از کم مجھ نالائق کے بس کا کام نہیں.

غور کیجے۔ شاید دو چار شعر اور نکل آئیں۔

 

[محمداحمد]

بہت عمدہ قبلہ بہت زبردست کیا کہنے آپ کے۔ بہت عمدہ کیا خوب روانی ہے۔

بہت شکریہ بھائی صاحب!

حوصلہ افزائی کے لئے ممنون ہوں۔

 

[فاخر رضا]

یہ غزل پڑھ کر پتہ نہیں کیوں ایک غزل کا ایک شعر یاد آگیا
اپنے لہو سے جلا دیا ایک دیا بجھا ہوا
پھر مجھے دے دیا گیا ایک دیا بجھا ہوا