غزل ۔ مفقود جہاں تھے سبھی آثارِ فضیلت ۔ از ۔ محمد احمد

[محمداحمد]

غزل​

​

مفقود جہاں تھے سبھی آثارِ فضیلت​

واں ناز سے باندھی گئی دستارِ فضیلت​

​

میں سادہ روش بات نہ سمجھا سکا اُن کو​

حائل تھی کہیں بیچ میں دیوارِ فضیلت​

​

کردار ہی جب اُس کے موافق نہ اگر ہو​

کس کام کی ہے آپ کی گفتارِ فضیلت​

​

آؤ کہ گلی کوچوں میں بیٹھیں، کریں باتیں​

دربارِ فضیلت میں ہے آزارِ فضیلت​

​

اب صوفی و مُلا بھی ہیں بازار کی رونق​

اب سجنے لگے جا بجا بازارِ فضیلت​

​

آیا ہے عجب زہد فروشی کا زمانہ​

رائج ہوئے ہیں درہم و دینارِ فضیلت​

​

آنکھوں میں ریا، ہونٹوں پہ مسکان سجائے​

ملتے ہیں کئی ایک اداکارِ فضیلت​

​

بس علم و حلم، عجز و محبت ہو جس کے پاس​

گر ہے کوئی تو وہ ہے سزاوارِ فضیلت​

​

احمدؔ وہ اگر رمزِ سخن پا نہیں سکتے​

ہوتے ہیں عبث آپ گناہگارِ فضیلت​

​

محمد احمدؔ​

 

[مزمل شیخ بسمل]

غزل​

​

مفقود جہاں تھے سبھی آثارِ فضیلت​

واں ناز سے باندھی گئی دستارِ فضیلت​

​

میں سادہ لوح بات نہ سمجھا سکا اُنہیں​

حائل تھی درمیان میں دیوارِ فضیلت​

​

کردار ہی جب اُس کے موافق نہیں تو پھر​

کس کام کی ہے آپ کی گفتارِ فضیلت​

​

آؤ کہ گلی کوچوں میں بیٹھیں، کریں باتیں​

دربارِ فضیلت میں ہے آزارِ فضیلت​

​

اب صوفی و مُلا بھی ہیں بازار کی رونق​

اب سجنے لگے جا بجا بازارِ فضیلت​

​

آیا ہے عجب زہد فروشی کا زمانہ​

رائج ہوئے ہیں درہم و دینارِ فضیلت​

​

آنکھوں میں ریا، ہونٹوں پہ مسکان سجائے​

ملتے ہیں کئی ایک اداکارِ فضیلت​

​

بس علم و حلم، عجز و محبت ہو جس کے پاس​

گر ہے کوئی تو وہ ہے سزاوارِ فضیلت​

​

احمدؔ وہ اگر رمزِ سخن پا نہیں سکتے​

ہوتے ہیں عبث آپ گناہگارِ فضیلت​

​

محمد احمدؔ​

@محمداحمد بھائی بہت عمدہ غزل ہے۔
داد قبول فرمائیں۔
سرخ مصرعے پے نظرِ ثانی فرمائیں۔

 

[فاتح]

واہ کیا کہنے۔۔۔ خوب ہے بھیا۔
"درمیان میں" کو "درمیاں کوئی" کر دیں تو فصیح ہو جائے گا۔

 

[مزمل شیخ بسمل]

واہ کیا کہنے۔۔۔ خوب ہے بھیا۔
"درمیان میں" کو "درمیاں کوئی" کر دیں تو فصیح ہو جائے گا۔

فاتح بھائی اسی شعر کے پہلے مصرعے کے بارے میں کیا کہیں گے؟

 

[محمد بلال اعظم]

بہت خوب جناب، بہت خوب

 

[فاتح]

فاتح بھائی اسی شعر کے پہلے مصرعے کے بارے میں کیا کہیں گے؟

اوہ خدایا! یہ تو میں نے غور ہی نہیں کیا کہ بحر ہی بدل گئی ہے۔۔۔

 

[مزمل شیخ بسمل]

اوہ خدایا! یہ تو میں نے غور ہی نہیں کیا کہ بحر ہی بدل گئی ہے۔۔۔

جی ! دوسرے مصرعے میں بھی دوسرا رکن یعنی مفاعیل کی جگہ فاعلات ہے۔

 

[محمد خلیل الرحمٰن]

فاتح بھائی اسی شعر کے پہلے مصرعے کے بارے میں کیا کہیں گے؟

تاڑنے والے قیامت کی نظر رکھتے ہیں

 

[سید ذیشان]

واہ بھئی بہت ہی کمال!

 

[مزمل شیخ بسمل]

تاڑنے والے قیامت کی نظر رکھتے ہیں

خلیل بھائی! نظر تو ویسے میری کمزور ہے۔ چشمہ لگاتا ہوں۔
لیکن اساتذہ کے درمیان رہ رہ کر اتنا ہو گیا ہوں کہ گلستاں کا کوئی ”پھول“ یہاں سے وہاں ہو تو نظر نہیں ٹھہرتی بیشک یہ نہ بتاسکوں کہ پھول کونسا تھا۔

 

[محمداحمد]

@محمداحمد بھائی بہت عمدہ غزل ہے۔
داد قبول فرمائیں۔

بہت شکریہ مزمل بھائی۔۔۔۔!

سرخ مصرعے پے نظرِ ثانی فرمائیں۔

نشاندہی کا بہت شکریہ بھائی۔۔۔۔! اس شعر میں "سادہ لوح" کا "ح" کچھ تنگ کر رہا تھا سو شعر کچھ کا کچھ ہوگیا اور بحر کچھ کی کچھ۔

اسے دیکھنا پڑے گا۔

 

[فرحت کیانی]

کردار ہی جب اُس کے موافق نہیں تو پھر​

کس کام کی ہے آپ کی گفتارِ فضیلت​

اب صوفی و مُلا بھی ہیں بازار کی رونق​

اب سجنے لگے جا بجا بازارِ فضیلت​

واہ۔بہت خوب
اللہ کرے زورِ بیاں اور زیادہ ۔

 

[الف عین]

باقی غزل تو خوب ہے، صرف سرخ شعر ہی نہیں، اس میں دونوں بحروں کا اختلاط ہو گیا ہے
کردار ہی جب اُس کے موافق نہیں تو پھر
کس کام کی ہے آپ کی گفتارِ فضیلت

 

[محمداحمد]

باقی غزل تو خوب ہے، صرف سرخ شعر ہی نہیں، اس میں دونوں بحروں کا اختلاط ہو گیا ہے
کردار ہی جب اُس کے موافق نہیں تو پھر
کس کام کی ہے آپ کی گفتارِ فضیلت

بہت شکریہ اعجاز عبید صاحب،

یعنی اس بحر میں کافی چوک ہو گئی ہم سے۔ آئندہ احتیاط کرنا ہوگی۔

 

[مزمل شیخ بسمل]

باقی غزل تو خوب ہے، صرف سرخ شعر ہی نہیں، اس میں دونوں بحروں کا اختلاط ہو گیا ہے
کردار ہی جب اُس کے موافق نہیں تو پھر
کس کام کی ہے آپ کی گفتارِ فضیلت

استاد جی میں نے ”ہی“ اور ”نہیں“ سے ”ی“ کو گرا کر پڑہا تھا۔ اور شاید یہ صحیح بھی ہے۔ اگر ان دونوں کی ”ی“ واپس لگا کر ”تو“ سے واؤ گرا دیں تو بحر بدلے گی۔ ورنہ مصرعہ وزن میں ہے۔ الغرض دو عدد ”ی“ یا ایک عدد ”و“ سے بحر ادھر کی ادھر ہوسکتی ہے۔ لیکن میں نے مثبت آپشن سے اسے صحیح سمجھ کر رہنے دیا تھا۔

کردار = مفعول
ہجب اسک = مفاعیل
موافقن = مفاعیل
ہتو پر = فعولن

کس کام = مفعول
کہے ااپ = مفاعیل
کگفتار = مفاعیل
فضیلت = فعولن

 

[محمداحمد]

استاد جی میں نے ”ہی“ اور ”نہیں“ سے ”ی“ کو گرا کر پڑہا تھا۔ اور شاید یہ صحیح بھی ہے۔ اگر ان دونوں کی ”ی“ واپس لگا کر ”تو“ سے واؤ گرا دیں تو بحر بدلے گی۔ ورنہ مصرعہ وزن میں ہے۔ الغرض دو عدد ”ی“ یا ایک عدد ”و“ سے بحر ادھر کی ادھر ہوسکتی ہے۔ لیکن میں نے مثبت آپشن سے اسے صحیح سمجھ کر رہنے دیا تھا۔

کردار = مفعول
ہجب اسک = مفاعیل
موافقن = مفاعیل
ہتو پر = فعولن

کس کام = مفعول
کہے ااپ = مفاعیل
کگفتار = مفاعیل
فضیلت = فعولن

میرا بھی یہی خیال تھا۔ لیکن اگر "ہی" کو "فا" کے وزن پر پڑھا جائے تو وزن میں فرق پڑ جاتا ہے۔

 

[محمداحمد]

فی الحال ان دو اشعار کے متبادل تجویز کر رہا ہوں ۔ آپ کی رائے کیا ہے بتائیے گا۔

میں سادہ روش بات نہ سمجھاسکا اُن کو​

حائل تھی کہیں بیچ میں دیوارِ فضیلت​

​

کردار اگر اُس کے موافق نہ ہوا پھر​

کس کام کی ہے آپ کی دستارِ فضیلت​

​

@الف عین​

@محمد وارث​

​

اعجاز عبید صاحب سے نظرِ کرم کی درخواست ہے۔​

​

وارث بھائی آج کل نہ جانے کہاں ہے ۔ شاید رمضان کی وجہ سے عدم فرصتی کا شکار ہیں۔​

 

[محمداحمد]

الف عین
محمد وارث

ٹیگ کرنے میں کچھ دقت ہو رہی ہے۔

 

[مزمل شیخ بسمل]

فی الحال ان دو اشعار کے متبادل تجویز کر رہا ہوں ۔ آپ کی رائے کیا ہے بتائیے گا۔

میں سادہ روش بات نہ سمجھاسکا اُن کو​

حائل تھی کہیں بیچ میں دیوارِ فضیلت​

​

کردار اگر اُس کے موافق نہ ہوا پھر​

کس کام کی ہے آپ کی دستارِ فضیلت​

​

@الف عین​

@محمد وارث​

​

اعجاز عبید صاحب سے نظرِ کرم کی درخواست ہے۔​

​

وارث بھائی آج کل نہ جانے کہاں ہے ۔ شاید رمضان کی وجہ سے عدم فرصتی کا شکار ہیں۔​

وزن تو ٹھیک ہیں.
لیکن میرے ناچیز خیال میں دوسرے شعر کا پہلا مصرعہ

کردار اگر اسکے موافق نہ ہوا پھر

اسکی سابقہ شکل ہی ناچیز کی نظر میں معنوی طور پے زیادہ بہتر تھی.

 

[محمداحمد]

وزن تو ٹھیک ہیں.
لیکن میرے ناچیز خیال میں دوسرے شعر کا پہلا مصرعہ

کردار اگر اسکے موافق نہ ہوا پھر

اسکی سابقہ شکل ہی ناچیز کی نظر میں معنوی طور پے زیادہ بہتر تھی.

مجھے بھی اس بات سے اتفاق ہے۔ لیکن اساتذہ جس مصرعے کو زیادہ فصیح سمجھیں اسے ہی ترجیح دینا ہوگی۔