فائرفاکس میں املاء کی پڑتال

[جیسبادی]

وکیپیڈیا کے جانے پہچانے صارف کاشف عقیل نے فائرفاکس کے لیے CRULP اردو لغت کو package کیا ہے۔ ابھی موزیلا کے موقع پر نہیں ڈالا۔ معلوم نہیں کاشف صاحب اس چوپال پر آتے ہیں یا نہیں۔ بحرحال وکیپیڈیا کے دیوان عام میں ملاحظہ کریں

http://ur.wikipedia.org/wiki/تبادلۂ_خیال_منصوبہ:دیوان_عام

 

[arifkarim]

یہ املاء‌ کی پڑتال اطلاقیہ اس لنک سے ڈاؤنلوڈ کیا جاسکتا ہے:
http://www.codeplex.com/UrduDictionary/Release/ProjectReleases.aspx?ReleaseId=14957

انسٹالیشن کیلئے مدد:
http://ur.wikipedia.org/wiki/معاونت:متصفح_جال_میں_املاء_کی_پڑتال

 

[دوست]

اس لغت کا انسٹال کرنے کا سب سے آسان طریقہ یہ ہے کہ اتاریں اور رائٹ کلک سے فائر فاکس سے کھول لیں۔ فائرفاکس اسے بطور ایڈآن پہچان لے گا اور انسٹال کر لے گا۔ مجھے اب انگریزی والی لغت کی بجائے اسے فعال کرنا پڑا ہے۔ فائرفاکس صرف ایک لغت ہی چلا سکتا ہے شاید ایک وقت میں اور وہ بھی خود چننا پڑتی ہے۔
اردو محفل کے احباب سے گزارش ہے وہ یہ لغت لازمی نصب کرلیں اس سے ان کی املاء کی غلطیاں نوے فیصدی کم ہوجائیں گی۔ اس لغت کی استعداد خاصی محدود لگ رہی ہے۔ کاشف صاحب اردو محفل میں تیار کی گئی لسٹ بھی اس میں شامل کیوں نہیں کرلیتے۔
وسلام

 

[کاشف عقیل]

اردو محفل پر تیار کی گءی فہرست مجھے دے دیں، میں ضرور اسے شامل کر لوں گا۔ الفاظ کی فہرست میں نے ادارہ تحقیقات اردو کے موقع جال سے لی ہے مگر مجھے بھی اس میں کافی خامیاں اور کمزوریاں نظر آ رہی ہیں۔ اب میں ایک نیا پروگرام لکھ رہا ہوں جو کسی بھی ملف کو پڑھ کر اس میں سے نءے الفاظ فہرست میں ڈال دے گا۔ ابھی تجرباتی طور پر روزنامہ جنگ کے کالموں سے الفاط فہرست میں شامل کر رہا ہوں۔

کاشف

 

[نبیل]

کاشف عقیل، یہ فہرست الفاظ آپ کو اس ربط پر مل جائے گی۔

 

[کاشف عقیل]

نبیل صاحب، آپ نے جو ربط دیا ہے اس پر فہرست سے متعلق گفتگو تو کافی ہے اور ابتداءی فہرست بھی ہے لیکن تصحیح شدہ حتمی فہرست نہیں مل رہی

کاشف

 

[دوست]

کاشف پہلے تو خوش آمدید
دوسرے میں آپ کو صبح یہ فہرست ای میل کردیتا ہوں۔ ویسے اوپن آفس کی ڈکشنری لسٹ‌ سے بھی یہ اتاری جاسکتی ہے۔ جہاں‌ ہم نے جوں کی توں‌ جمع کروا دی تھی۔ بس نام ہی نام ہے کام نہیں کرتی وہاں‌ یہ۔
وسلام

 

[کاشف عقیل]

میں CodePlex پر اس سلسلے میں سرگرمی سے کام کر رہا ہوں۔ اگر آپ لوگ براہ راست وہاں پر اس میں حصہ لیں تو امید ہے کہ یہ کام جلد مکمل ہو جاءے گا۔ CodePlex کا ربط یہ ہے: http://www.codeplex.com/UrduDictionary

 

[جیسبادی]

کاشف پہلے تو خوش آمدید
دوسرے میں آپ کو صبح یہ فہرست ای میل کردیتا ہوں۔ ویسے اوپن آفس کی ڈکشنری لسٹ‌ سے بھی یہ اتاری جاسکتی ہے۔ جہاں‌ ہم نے جوں کی توں‌ جمع کروا دی تھی۔ بس نام ہی نام ہے کام نہیں کرتی وہاں‌ یہ۔
وسلام

دوست، کیا آپ اس کی وضاحت کر سکتے ہیں کہ یہ لغت اوپن آفس کے ساتھ کام کیوں نہیں کرتی؟

 

[دوست]

چونکہ اس کی .aff فائل نہیں بنائی گئی۔ اب اس کا طریقہ کار کیا ہے یہ میرے علم میں نہیں۔ غالبًا یہ فائل سابقوں لاحقوں پر مشتمل ہوتی ہے جو الفاظ کی تلاش کا عمل تیز کردیتی ہے۔ ایک صاحب کچھ عرصے تک یہیں اس پر کام بھی کرتے رہے ہیں لیکن پھر وہ یکدم غائب ہوگئے۔
کاشف آپ اگر اپنا ای میل مجھے ذ پ کردیں تو میں آپ کو یہ لسٹ بھیج دوں۔
وسلام

 

[راجہ صاحب]

زبردست کام ہوا ہے

 

[کاشف رفیق]

بہت اعلیٰ کام کیا گیا ہے۔ زبردست!

 

[عبدالمجید]

بہت زبردست کام کیا ہوا ہے کاشف عقیل صاحب نے اللہ انکو جزائے خیر دے

 

[جیسبادی]

بہت زبردست کام کیا ہوا ہے کاشف عقیل صاحب نے اللہ انکو جزائے خیر دے

کام تو یقیناً اچھا ہے، مگر خیال رہے کہ یہ صرف تنصیب script کا ہے۔ املا کی پڑتال کا انجن (hunspell) پہلے سے فائرفاکس میں موجود ہے۔ اس وقت ادارہ تحقیقات اردو کی فراہم کردہ "الفاظ کی فہرست" استعمال ہو رہی ہے۔ جیسا کہ دوست نے اوپر بتایا کہ اصل کام aff ملف بنانا ہے، جس میں کسی لفظ سے نئے لفظ اشتیاق کرنے کے قواعد بتائے جاتے ہیں۔

 

[دوست]

کاشف صاحب شاید دوبارہ تشریف لائے نہیں۔ میں فائل اپلوڈ کرکے اس کا ربط دیے دیتا ہوں۔ یہ رہا ربط

 

[کاشف عقیل]

میرا ای میل ایڈریس ہے: kashif dot aqeel at gmail dot com

 

[کاشف عقیل]

میں نے ملف اتار لی ہے۔ یہ ملف کافی عمدہ معلوم ہوتی ہے اور مجھے اس میں تا حال کوءی غلطی نظر نہیں آءی ہے۔ میں اس فہرست کو ادارہ تحقیقات اردو کی فہرست کے ساتھ مدغم کر کے املا پڑتالگر کا نیا ورژن اپلوڈ کر رہا ہوں۔

.aff فاءل پر کام شروع کیا ہے میں نے۔ اس کام کے لیے مجھے کسی مستند زبان دان (linguist) کی مدد درکار ہو گی کیونکہ یہ کام تکنیکی سے زیادہ زبان دانی سے متعلق ہے۔ ابتداءی کوشش کے طور پر میں نے aff فاءل میں منبادل الفاظ تلاش کرنے کے قوانین شامل کیے ہیں جو کہ درست طریقے سے کام کر رہے ہیں۔ سابقے اور لاحقے بنانے کاے قوانین کے کوشش کی ہے لیکن تاحال کامیابی نہیں ہوءی۔

میں اس پروجییٹ پر CodePlex پر سرگرمی سے کام کر رہا ہوں۔ آپ حضرات سے گزارش ہے کہ اگر ممکن ہو تو وہاں براہ راست حصہ لیں: http://www.codeplex.com/UrduDictionary

 

[کاشف عقیل]

میں آپ کی بات کا مطلب نہیں سمجھا۔۔۔

 

[دوست]

معذرت کے ساتھ یہ یہاں کا پیغام نہیں تھا۔ بلکہ اسے حذف ہی کردیتا ہوں۔

 

[کاشف عقیل]

اردو املا پڑتالگر کا نیا ورژن حاضر خدمت ہے۔ یہ ورژن درج ذیل مواقع سے اتارا جا سکتا ہے۔

https://addons.mozilla.org/en-US/firefox/addon/7981
http://www.codeplex.com/UrduDictionary/Release/ProjectReleases.aspx?ReleaseId=15473

اس میں درج ذیل تبدیلیاں کی گءی ہیں
1 - کرلپ اور اردو محفل کی فہرستوں‌ کو یکجا کر دیا گیا ہے
2 - کرلپ کی فہرست میں سے الفاظ کی تکرار کو ختم کیا گیا ہے
3 - اردو قواعد کی شروعات کی ہے۔ فی الحال متبادل اردو الفاظ تجویز کرنے کے کچھ قوانین شامل کیے ہیں جو درست طریقے سے کام کر رہے ہیں۔ کچھ واحد جمع بنانے کے قوانین کی بھی کوشش کی ہے لیکن یہ ابھی پوری طرح کام نہیں کر رہے

والسلام
کاشف