قیمتی زندگی کے معمولات کے لیے عام سی باتیں

[محمد عدنان اکبری نقیبی]

اگر کوئی آپ پر اعتماد کرکے کوئی بات بتائے تو اس کی بات دوسروں کو نہ بتائی جائے جیسا کہ بنیامین نے دوسروں کو یوسف علیہ السلام کی بات نہیں بتائی ۔

 

[محمد عدنان اکبری نقیبی]

جس مقصد کے لیے اللہ کریم نے آپ کو پیدا کیا ہے، اس مقصد پر راضی رہیں، دنیا کی ہرجائز چیز آپ کے لیے آسان ہوجائے گی ۔

 

[محمد عدنان اکبری نقیبی]

ہماری جہالتوں میں سب سے بڑی جہالت یہ ہے کہ ہم اپنے علم کا ثبوت دوسروں کی جہالت میں ڈھونڈتے ہیں ۔

 

[محمد عدنان اکبری نقیبی]

یہ زندگی انتہائی مختصر ہے۔اسے ایسی نفرتوں میں مت گذاریے ،جو دوسروں کےلیے اذیت اور دکھ کا اہتمام کرتی ہوں ۔

 

[محمد عدنان اکبری نقیبی]

اچھی سوچ رکھیں اور بات کرتے ہوئے خوش اخلاقی اختیار کریں کیونکہ بد گمانی اور بد اخلاقی دو ایسے بدترین عیب ہیں جو انسان کے ہر کمال کو زوال میں بدل دیتے ہیں ۔

 

[محمد عدنان اکبری نقیبی]

ہرنیا لمحہ ہرنیا قدم زندگی گھٹا رہی ہے اپنے قدموں کا استعمال محتاط انداز میں کریں ،ایسا نا ہو کہ آپ کا غیر محتاط انداز سے اٹھایا گیا قدم آپ کےلیے شرمندگی کی وجہ بن جائے ۔

 

[محمد عدنان اکبری نقیبی]

اگر صدقہ کرنے والا جان لے اور سمجھ لے کہ اس کا صدقہ فقیر کے ہاتھ میں جانے سے پہلے اللہ کے ہاتھ میں جاتا ہے تو یقینا دینے والے کو لذت ، لینے والے سے کہیں زیادہ ہو گی ۔

 

[محمد عدنان اکبری نقیبی]

غریب آدمی کو ساری رات یہ سوچ سوچ کر نیند نہیں آتی کہ پیسہ کیسے "بچائے" اور امیر آدمی کو یہ سوچ کے نہیں آتی کہ پیسہ کہاں " چھیائے" ۔

 

[محمد خلیل الرحمٰن]

بکھرے موتی حصہ دوم۔ واہ

 

[محمد عدنان اکبری نقیبی]

بلا تفریق خوشیاں بانٹیں،آپ کی وجہ سے کسی ایک شخص کے لبوں پر چھائی مسکان آپ کو تمام غموں سے نجات دلا سکتی ہے ۔

 

[محمد عدنان اکبری نقیبی]

انسان کو یہ جو دکھ کے راگ ہیں ، یہ اکیلے ہی الاپنے پڑتے ہیں ۔ ان میں کسی کو دلچسپی نہیں ہوتی ، ہاں مگر یہ سلیقے سے الاپے جائیں تو آسماں کو چھو آتے ہیں ۔ ان کی پرواز بڑی اونچی ہوتی ہے۔

 

[محمد عدنان اکبری نقیبی]

صلہ رحمی !!!!
کبھی کبھار ایسا ہوتا ہے کہ مسکراہٹوں کے پھول باٹنے والوں کے اپنے لب خاردار کانٹوں سے لہولہان ہوتے ہیں لیکن وہ بانٹنے کا سفر اتنی خوبصورتی سے جاری رکھتے ہیں کہ کسی کو گماں تک نہیں ہوتا کہ دینے والا خود کتنا تہی داماں ہے۔محروم ہو کر مہربان ہونا ہی اصل کمال ہے۔

 

[محمد عدنان اکبری نقیبی]

ہم دکھ ، تکلیف ، اذیت اور دھوکہ تو لوگوں کو دیتے ہیں اور معافی اللہ کریم سے مانگتے ہیں ۔

 

[محمد عدنان اکبری نقیبی]

"پردہ تو دل کا ہوتا ہے "
اس سوچ نے انسان کو بر ہنہ کر دیا ہے ۔

 

[محمد عدنان اکبری نقیبی]

اللہ تعالی کی رضامندی کو حاصل کرنے کیلیے دنیا کی رنگینیاں چھوڑ دینا کوئی آسان کام نہیںلیکن جو لوگ ہمت بلند کرکے یہ سب کچھ چھوڑ دیتے ہیں تو وہ لوگ دونوں جہانوں میں بہت "خاص" بن جاتے ہیں ۔

 

[سید عمران]

ہم دکھ ، تکلیف ، اذیت اور دھوکہ تو لوگوں کو دیتے ہیں اور معافی اللہ کریم سے مانگتے ہیں ۔

ہم اس بات کے گواہ ہیں جی!!!

 

[سید عمران]

"پردہ تو دل کا ہوتا ہے "
اس سوچ نے انسان کو بر ہنہ کر دیا ہے ۔

کہنے والے بھی جانتے ہیں کہ یہ جملہ محض ڈھکوسلہ ہے۔۔۔
حقیقت میں وہی ہوتا ہے جو اخباروں میں چَھپتا ہے۔۔۔
اور جو چُھپتا ہے اس کا تو ذکر ہی کیا!!!

 

[م حمزہ]

ہم اس بات کے گواہ ہیں جی!!!

سن رہے ہو عدنان بھائی، ملاقات کا وعدہ کر کے نہ آنے سے مفتی صاحب کو کتنی تکلیف پہنچی ہے؟ اب بس موقع کی تاک میں رہتے ہیں وہ۔

 

[سید عمران]

سن رہے ہو عدنان بھائی، ملاقات کا وعدہ کر کے نہ آنے سے مفتی صاحب کو کتنی تکلیف پہنچی ہے؟ اب بس موقع کی تاک میں رہتے ہیں وہ۔

شاباش!!!
اسی طرح جلتی پر تیل ڈالتے رہیں۔۔۔
مزہ آگیا!!!

 

[محمد عدنان اکبری نقیبی]

سن رہے ہو عدنان بھائی، ملاقات کا وعدہ کر کے نہ آنے سے مفتی صاحب کو کتنی تکلیف پہنچی ہے؟ اب بس موقع کی تاک میں رہتے ہیں وہ۔

شاباش!!!
اسی طرح جلتی پر تیل ڈالتے رہیں۔۔۔
مزہ آگیا!!!

سن بھی رہے ہیں ،
اور
دیکھ بھی رہے ہیں ۔
ہمیں آپ سے یہی امید تھی بھیا ،
مزہ آگیا ۔