Fraz siddique
محفلین
برائے کرم رہنمائی فرما دیں کہ لفظ " افعی" کا درست تلفظ کیا ہے ۔
لفظ "افعی" کا درست تلفظ کیا ہے۔
- صاحب لڑی Fraz siddique
- تاریخ ابتداء
سید عاطف علی
لائبریرین
فہد اشرف
محفلین
دہر میں نقش وفا وجہ تسلی نہ ہوا
ہے یہ وہ لفظ کی شرمندۂ معنی نہ ہو
سبزۂ خط سے ترا کاکل سرکش نہ دبا
یہ زمرد بھی حریف دم افعی نہ ہوا
سید عاطف علی
لائبریرین
فہد بھائی ۔ اس غزل میں قافیہ تقوی بھی ہے۔ یہ معاملہ کچھ پیچیدہ ہے۔
فہد اشرف
محفلین
اور عیسی بھی
سید عاطف علی
لائبریرین
یہ قوافی سماعی نہیں بصری اورکتابی نوعیت کے ہیں-
سید عاطف علی
لائبریرین
میرے خیال میں اب یہ قابل قبول نہیں رہے- پچھلے وقتوں شاید کسی قدر رائج رہے ہوں گے-
رضوان راز
محفلین
سید عاطف علی
لائبریرین
سید عاطف علی
لائبریرین
میرے خیال میں اردو کتابت میں یہ ہونا چاہیئے ۔
عربی میں ی کو دو نقطوں کے ساتھ لکھا جاتا ہے علي بن ابی طالب ۔اور جس ی میں نقطے نہ ہوں وہ الف مقصورہ ہوتا ہے ، جیسے اعلی ادنی وغیرہ ۔۔ واللہ اعلم۔
عربی میں اگر تلفظ افعی لکھا جائے تو افعي لکھا جائے گا اور اگر افعی عربی میں لکھیں تو افعا پڑھا جائے گا۔ واللہ اعلم ۔
فہد اشرف
محفلین
اور ابی کا تلفظ ابی ہوگا یا ابا؟
سید عاطف علی
لائبریرین
اگر یہ عربی لفظ أبي ۔ ہو تو ابی پڑھا جائے گا ۔ جو اسم ہے ۔ یہ چھ خاص اسماء میں سے ہے جس کے لیے عربی زبان میں خصوصی قواعد ہیں ۔ اسی لیے یہ ابو ابی اور ابا کی مختلف حالتوں میں استعمال ہوتا ہے ۔ اس قسم کے دیگر اسماء میں ذو ذي اور ذا ۔ أخو اخي اور أخا ۔ وغیرہ ہیں ۔
اگر عربی میں أبی لکھا جائے تو ابا پڑھا جائے گا جو فعل ہے ۔ جیسے ۔
وإذ قلنا للملائكة اسجدوا لآدم فسجدوا إلا إبليس أبى واستكبر ۔۔۔۔
اپنی عربی کی استعداد بس اتنی ہی ہے بھئی ۔
ابو ہاشم
محفلین
اِسی طرح تسلیٰ تسلی ہو گیاعلمی اردو لغت۔
ابو ہاشم
محفلین
میرے خیال میں یہ بہت حد تک درست ہے لیکن اس اصولِ کتابت کی خلاف ورزی بھی نظر آتی ہے
عبید انصاری
محفلین
افعیٰ اگر افعِی بن جائے تو ہمیں اس سے کوئی فرق نہیں پڑتا۔ ہمارے جذبات کو ٹھیس تو اس وقت پہنچتی ہے جب ان چکروں میں ہماری لیلیٰ "لیلِی" بن جاتی ہے:
گفت اي مجنون شيدا ، چيست اين؟
می نویسی نامه ، بهر کيست اين؟
گفت مشق نام ليلي ميکنم
خاطر خود را تسلي ميکنم
گفت اي مجنون شيدا ، چيست اين؟
می نویسی نامه ، بهر کيست اين؟
گفت مشق نام ليلي ميکنم
خاطر خود را تسلي ميکنم
رضوان راز
محفلین
خاکسار دستِ ادب جوڑے عرض پرداز ہے کہ
آپ نے جو حوالہ مرحمت فرمایا وہ عربی زبان کے لفظ کا تلفظ ہے جب کہ یہاں اردو زبان میں تلفظ کے متعلق استفسار کیا گیاہے
یہ درست ہے کہ آپ کے فرمان کے بہ موجب عربی میں تلفظ أَفْعَى (الف مفتوح، ف ساکن، ع مفتوح) ہی ہے لیکن فارسی اور اردو میں اَفْعِی (الف مفتوح، ف ساکن، ع مکسور) ہے۔
عربی اور اردو میں ایک ہی لفظ کے تلفظ میں اختلاف کوئی اچنبھے کی بات نہیں۔
مثلاً اردو کا لفظ تَجَلّی عربی زبان میں تَجَلّٰی ہے۔
اردو کی بیگَم ترکی میں بیگُم (گ مضموم) ہے۔ حالاں کہ بیگم ترکی زبان سے اردو میں آیا ہے لیکن ہمیں اسے بیگَم ( گ مفتوح) ہی پڑھتے اور بولتے ہیں۔
فرہنگِ آصفیہ، فرہنگِ عامریہ اور اردو لغت بورڈ ایسی مستند اور معتبر لغات میں بھی یہ ہی تلفظ مذکور ہے۔
رضوان راز
محفلین
افعیٰ اگر افعِی بن جائے تو ہمیں اس سے کوئی فرق نہیں پڑتا۔ ہمارے جذبات کو ٹھیس تو اس وقت پہنچتی ہے جب ان چکروں میں ہماری لیلیٰ "لیلِی" بن جاتی ہے:
گفت اي مجنون شيدا ، چيست اين؟
می نویسی نامه ، بهر کيست اين؟
گفت مشق نام ليلي ميکنم
خاطر خود را تسلي ميکنم
بجا ارشاد
یہ سب فارسی شعراء کا کیا دھرا ہے۔
اردو زبان میں عیسی یا تقوی کے صوتی اثرات اتنے ہی نامانوس اور ناقابلِ قبول ہیں جس قدر تسلّیٰ سننا ناگوار ہے۔ یعنی عربی الفاظ ہوں یا ترکی یا فارسی اردو زبان انہیں اپنے صوتی مزاج سے ہم آہنگ کر لیتی ہے اور ایک نوع کی انفرادیت کی جانب گامزن ہے۔
یہ معاملہ اس جانب بھی رہنمائی کرتا ہے کہ زبان کیوں کر ترقی کرتی ہے اور کیسے اپنی انفرادیت قائم کرتی ہے۔
رضوان راز
محفلین
اس معاملے میں جناب طباطبائی کی رائے نقل کرنے کی سعادت حاصل کرتا ہوں۔ شرحِ دیوانِ غالب میں اسی غزل کی شرح کرتے ہوئے رقم طراز ہیں۔
"قافیہ تقویٰ میں فارسی والوں کا اتباع کیا ہے کہ وہ لوگ عربی کے جس جس کلمہ میں ی دیکھتے ہیں اُس کو کبھی ’ الف ‘ اور کبھی ’ ی ‘ کے ساتھ نظم کرتے ہیں ۔ ’’ تمنی و تمنا ، تجلی و تجلیٰ وتسلی و تسلیٰ و ہیولی و ہیولیٰ و دینی و دُنیا ‘‘ بکثرت اُن کے کلام میں موجود ہے۔"