لفظ الو پر اشعار

[نیرنگ خیال]

اس دھاگے میں ایسے اشعار پیش کیے جائیں گے جن میں لفظ "الو" آیا ہو۔

برباد گلستاں کرنے کو بس ایک ہی الو کافی تھا
ہر شاخ پہ الو بیٹھا ہے انجام گلستاں کیا ہوگا
شوق بہرائچی

ایک اور معروف شعر

سنا ہے کہ دلی میں الو کے پٹھے
رگ گل سے بلبل کے پر باندھتے ہیں
نامعلوم

ایک خوبصورت شعر

ہمت ہمائے اوج سعادت ہے مرد کو
الو ہیں وہ جو شیفتہ ظل ہما کے ہیں
اسماعیل میرٹھی

 

[نیرنگ خیال]

کیک بسکٹ کھائیں گے الو کے پٹھے رات دن
اور شریفوں کے لیے آٹا گراں ہو جائے گا

حسین میر کاشمیری

 

[نیرنگ خیال]

اس کا ٹیڑھا اونٹ نہ دیکھ
اپنا الو سیدھا کر

محمد علوی

 

[نیرنگ خیال]

کس طرح طالع عدو ہو سعد
کس طرح الو ہو ہما ہمدم

حاتم علی مہر

 

[نیرنگ خیال]

مرتی اس گل پہ ہے بکتا ہے جو کوڑی کوڑی
تجھ پہ مرتی نہیں بلبل بھی کچھ الو سی ہے

محمد امان نثار

 

[نیرنگ خیال]

اگر دشمن کی تھوڑی سی مرمت اور ہو جاتی
تو پھر الو کے پٹھے کو نصیحت اور ہو جاتی

بوم میرٹھی

 

[فہد اشرف]

بلبل نے آشیانہ چمن سے اٹھا لیا
پھر اس چمن میں بوم بسے یا ہُما بسے
مصحفی

 

[محمد وارث]

نیرنگیِ خیال زمانے کی دیکھ تو
زاغ و زغن ہیں فاختہ، اُلو یہاں ہُما

 

[محمد تابش صدیقی]

پھر اس چمن میں بوم بسے یا ہُما بسے

یہ مصرعہ اس طرح بھی پڑھا ہے کہ بوم رہے یا ہما بسے

 

[سید عاطف علی]

کیا مبارک ہے مرا دشت جنوں اے ناسخ
بیضہ ءِ بوم بھی ٹوٹے ، تو ہما پیدا ہو
شیخ امام بخش ناسخ۔

 

[فہد اشرف]

یہ مصرعہ اس طرح بھی پڑھا ہے کہ بوم رہے یا ہما بسے

اور میں نے گوگل پہ ’بوم بسے یا ہما رہے‘ لکھ کر سرچ کیا تھا، گوگل سے محفل کا ربط ملا جہاں پوری غزل مل گئی
مصحفی - یارانِ رفتہ آہ بہت دور جا بسے ۔ مصحفی

 

[محمد تابش صدیقی]

کیک بسکٹ کھائیں گے الو کے پٹھے رات دن
اور شریفوں کے لیے آٹا گراں ہو جائے گا

حسین میر کاشمیری

یہ شعر اکبر الٰہ آبادی کا ہے۔
مکمل کلام

 

[نیرنگ خیال]

یہ شعر اکبر الٰہ آبادی کا ہے۔
مکمل کلام

اس دھاگے سے کیسے پتا چلا کہ یہ شعر اکبر کا ہے؟

 

[محمد تابش صدیقی]

اس دھاگے سے کیسے پتا چلا کہ یہ شعر اکبر کا ہے؟

میرے پاس سرفراز شاہد کا مرتب کردہ مزاحیہ شاعری کا انتخاب ہے، اس میں موجود ہے۔ دراصل وہی پوسٹ کرنے آیا تو دیکھا کہ یہاں پہلے سے پوسٹ ہو چکی ہے۔
رات دوبارہ کنفرم کر لوں گا۔

 

[نیرنگ خیال]

میرے پاس سرفراز شاہد کا مرتب کردہ مزاحیہ شاعری کا انتخاب ہے، اس میں موجود ہے۔ دراصل وہی پوسٹ کرنے آیا تو دیکھا کہ یہاں پہلے سے پوسٹ ہو چکی ہے۔
رات دوبارہ کنفرم کر لوں گا۔

ریختہ کے مطابق یہ غزل حسین میر کاشمیری کی ہے۔ اور حوالہ انہوں نے دیا ہوا ہے
کتاب: منتخب شاہکار مزاحیہ شاعری
صفحہ نمبر: 45
مصنف: روحی کنجاہی
اشاعت: 1992
مطبع: الحمد پبلیکیشنز

 

[محمد تابش صدیقی]

ریختہ کے مطابق یہ غزل حسین میر کاشمیری کی ہے۔ اور حوالہ انہوں نے دیا ہوا ہے
کتاب: منتخب شاہکار مزاحیہ شاعری
صفحہ نمبر: 45
مصنف: روحی کنجاہی
اشاعت: 1992
مطبع: الحمد پبلیکیشنز

حسین میر کاشمیری کی وجہِ شہرت مزاحیہ صحافت ہے۔ اس کے علاوہ ان کے نام پر کوئی کلام نظر سے نہ گزرا۔ بہرحال مزید دیکھنا پڑے گا۔ کیونکہ یہ حوالہ بھی انتخاب کا ہی ہے۔

 

[محمد تابش صدیقی]

اس انتخاب کے مطابق اکبر الٰہ آبادی کا ہے۔
اس میں علامہ حسین میر کاشمیری کا بھی انتخاب ہے، مگر یہ غزل اکبر الٰہ آبادی کے انتخاب میں ہے۔

 

[نیرنگ خیال]

اس انتخاب کے مطابق اکبر الٰہ آبادی کا ہے۔
اس میں علامہ حسین میر کاشمیری کا بھی انتخاب ہے، مگر یہ غزل اکبر الٰہ آبادی کے انتخاب میں ہے۔

سال اشاعت قریبا ایک ہی ہے۔ ناصر زیدی صاحب سے پوچھنا پڑے گا۔

 

[فاخر رضا]

الو پر اس قدر رسرچ کی وجہ تو سمجھ نہ آئی مگر پڑھنے کے بعد پتہ چلا کہ کافی الو بنایا گیا ہے قوم کو.

 

[سیما علی]

اگر دشمن کی تھوڑی سی مرمت اور ہو جاتی
تو پھر الو کے پٹھے کو نصیحت اور ہو جاتی

بوم میرٹھی