لفظ "نفرت" پر اشعار

[پیاسا صحرا]

قبلہ یہ شعر یوں ہے ۔
رنجش ھی سہی دل ھی دکھانے کیلیے آ
آ پھر سے مجھے چھوڑ کے جانے کیلیے

معذرت دلی طور پر کہ اس وقت نیند میں تھا پتہ نہیں کیا کیا لکھتا رہا ۔ واقعی بہت بڑی غلطی کر دی تھی ۔ تصیح کا شکریہ۔

 

[پیاسا صحرا]

محبت ھو تو بے حد ھو جو نفرت ھو تو بے پایاں
کسی بھی کام کو کم کرنا مجھے ھرگز نہیں آتا

 

[فاروقی]

فاروقی اس شعر کو محض یہاں شمولیت سمجھا جائے یا "کچھ راز ہیں اس رازداں کے پاس"
وسلام

کچھ راز ہیں اس راز داں کے پاس............

 

[راجہ صاحب]

یہی بہتر ہے کہ بیگانۂ الفت ہو کر
اپنے سینے میں‌کروں جذبۂ نفرت کی تلاش
ساحر لدھیانوی

 

[مغزل]

نفرت کی ہر فصیل گرانے کے واسطے
تم اس طر ف سے ہاتھ بڑھاؤ ادھر سے ہم

اختر علی انجم

 

[راجہ صاحب]

نفرت کی آگ کتنے گھروں کو جلا گئی
اک بھیڑ سی لگی ہے کفن کی دوکان پر

 

[راجہ صاحب]

تجھے اظہارِ محبت سے اگر نفرت تھی
تو نے ہونٹوں کو لرزنے سے تو روکا ہوتا

 

[شمشاد]

مجھ سے تمہیں نفرت سہی، نیر سے لڑائی
بچوں کا بھی دیکھا نہ تماشا کوئی دن اور
(چچا)

 

[راجہ صاحب]

مجھ سے تمہیں نفرت سہی، نیر سے لڑائی
بچوں کا بھی دیکھا نہ تماشا کوئی دن اور

گزری نہ بہرحال یہ مدت خوش و ناخوش
کرنا تھا جواں مرگ گزارا کوئی دن اور

ناداں ہو جو کہتے ہو کہ ’کیوں جیتے ہیں غالب
قسمت میں ہے مرنے کی تمنا کوئی دن اور


چچا غالب

 

[انیس فاروقی]

نفرت کا گماں گزرے ہے، میں رشک سے گزرا
کیونکر کہوں، لو نام نہ ان کا مرے آگے

 

[راجہ صاحب]

اپنے ماضی کے تصور سے ہراساں ہوں میں
اپنے گزرے ہوئے ایام سے نفرت ہے مجھے

اپنی بے کار تمناؤں پہ شرمندہ ہوں
اپنی بے سود امیدوں پہ ندامت ہے مجھے


ساحر

 

[شاہ حسین]

تمھیں لگاؤ نہیں‌ ہے تو نفرتیں ہی سہی
کوئی تو ملنے ملانے کا سلسلہ رکھو

 

[راجہ صاحب]

یہی بہتر ہے کہ بیگانۂ الفت ہو کر
اپنے سینے میں‌کروں جذبۂ نفرت کی تلاش
ساحر لدھیانوی

 

[شمشاد]

کیوں بوجھ لیے بیٹھے ہو تم ذہن پہ اپنے
ہم لوگ تو دشمن سے بھی نفرت نہیں کرتے

 

[راجہ صاحب]

اپنے ماضی کے تصور سے ہراساں ہوں میں
اپنے گزرے ہوئے ایام سے نفرت ہے مجھے
اپنی بے کار تمناؤں پہ شرمندہ ہوں
اپنی بے سود امیدوں پہ ندامت ہے مجھے


ساحر

 

[شمشاد]

مجھ سے تمہیں نفرت سہی، نیر سے لڑائی
بچوں کا بھی دیکھا نہ تماشا کوئی دن اور
(چچا)

 

[راجہ صاحب]

نفرت کی آگ کتنے گھروں کو جلا گئی
اک بھیڑ سے لگی ہے کفن کی دوکان پر

نامعلوم

 

[شمشاد]

اور میں وہ ہوں کہ ، گر جی میں کبھی غور کروں
غیر کیا ، خود مجھے نفرت میری اوقات سے ہے
(چچا)

 

[راجہ صاحب]

پلا دے اوک سے ساقی ، جو ہم سے نفرت ہے
پیالہ گر نہیں دیتا ، نہ دے شراب تو دے

غالب

 

[جٹ صاحب]

کچھ خود بھی تھے افسردہ سے
کچھ تم بھی ہم سے روٹھ گئے

کچھ ہم زخم کے عادی تھے
کچھ شیشےہاتھ سے چھوٹ گئے

کچھ ہم بھی تھے حساس بہت
کچھ اپنے مقدر پھوٹ گئے

کچھ تم کو سچ سے نفرت تھی
کچھ ہم سے نہ بولےجھوٹ گئے

کچھ ہم بھی نہ تھے محتاط بہت
کچھ لوگ بھی ہم کو لوٹ گئے