ایاز صدیقی مجھ پہ جب لطفِ شہِ کون ومکاں ہو جائے گا

[مہ جبین]

مجھ پہ جب لطفِ شہِ کون و مکاں ہو جائے گا​

چرخ سا نا مہرباں بھی مہرباں ہوجائے گا​

​

نامِ نامی آپ کا وردِ زباں ہوجائے گا​

دور ہر اندیشہء سود و زیاں ہو جائے گا​

​

شوقِ دل تنہا چلا ہے جانبِ طیبہ مگر​

ہوتے ہوتے ایک دن یہ کارواں ہو جائے گا​

​

اوج بخشے گا مجھے ذکرِ شہِ لوح و قلم​

ایک دن عجزِ سخن حسنِ بیاں ہو جائے گا​

​

جب مِرے دل کی زمیں پر آپ رکھیں گے قدم​

اس زمیں کا ذرہ ذرہ آسماں ہو جائے گا​

​

گامزن ہوگا زمانہ اسوہء سرکار پر​

راستے کا ذرہ ذرہ کہکشاں ہو جائے گا​

​

ذہن کیا مدحت کرے ممدوحِ داور کی ایاز​

بند کیا کوزے میں بحرِ بیکراں ہو جائے گا؟​

​

​

ایاز صدیقی​

 

[عاطف بٹ]

بہت ہی شاندار نعت ہے۔ جزاک اللہ خیرا۔

 

[مہ جبین]

بہت ہی شاندار نعت ہے۔ جزاک اللہ خیرا۔

بہت شکریہ عاطف بھائی

 

[عاطف بٹ]

بہت شکریہ عاطف بھائی

شکریہ تو آپ کا ادا کیا جانا چاہئے جنہوں نے اتنی عمدہ نعت شئیر کی۔ اس نعت کا ہر شعر لاجواب ہے۔

 

[عاطف بٹ]

تجلیوں سے تری مستنیر و تابندہ
زمانِ ماضی و عصرِ روان و آئندہ

انور مسعود کا یہ نعتیہ شعر مجھے بے حد پسند ہے۔

 

[مہ جبین]

شکریہ تو آپ کا ادا کیا جانا چاہئے جنہوں نے اتنی عمدہ نعت شئیر کی۔ اس نعت کا ہر شعر لاجواب ہے۔

جزاک اللہ

 

[مہ جبین]

تجلیوں سے تری مستنیر و تابندہ
زمانِ ماضی و عصرِ روان و آئندہ

انور مسعود کا یہ نعتیہ شعر مجھے بے حد پسند ہے۔

واقعی لاجواب شعر ہے