محبت کے موضوع پر اشعار!

[تیشہ]

مجھکو شام ہجر کی یہ جلوہ آرائی بہت
مہکی مہکی یاد تیری اور تنہائی بہت

ڈوب کر ان جھیل سی آنکھوں میں جب عزلیں کہیں
میرے ان شعروں میں تب آئی ہے گہرائی بہت

ہم ہی کیوں تیری محبت میں تماشہ بن گئے
اس حیات رنگ و بو میں تھے تماشائی بہت

 

[شمشاد]

نہ کہہ کسی سے کہ غالب نہیں زمانے میں
ح۔ریف رازِ محبت مگ۔۔ر در و دی۔۔۔وار

 

[تیشہ]

اسکی آنکھوں میں محبت کا ستارہ ہوگا
ایک دن آئے گا وہ شخص ہمارا ہوگا

تم جہاں میرے لئے سیپیاں چنتی ہوگی
وہ کسی اور ہی دنیا کا کنارا ہوگا

جسکے ہونے سے میری سانس چلا کرتی تھی
کس طرح اسکے بغیر اپنا گزارہ ہوگا

یہ اچانک جو اجالا سا ہوا جاتا ہے
دل نے چپکے سے تیرا نام پکارا ہوگا ، ۔ ۔۔

 

[فیصل عظیم فیصل]

محبت ایک عنواں ہے بلاعنوان لوگوں کا
جو اس عنوان کو پایا وہی عنوان کہلایا

 

[شمشاد]

کِیا غم خوار نے رسوا، لگے آگ اس محبّت کو
نہ لاوے تاب جو غم کی، وہ میرا راز داں کیوں ہو
(غالب)

 

[شعیب خالق]

یہ رکھ رکھاؤ محبت سکھا گئی اس کو
وہ روٹھ کر بھی مجھے مسکرا کے ملتا ہے​

 

[شمشاد]

چھوڑا نہ مجھ میں ضعف نے رنگ اختلاط کا
ہے دل پہ بار، نقشِ محبّت ہی کیوں نہ ہو

 

[تیشہ]

تیرے رُخسار سے بڑھکر کنول تو ہو نہیں سکتا
محبت کا کوئی نعم البدل تو ہو نہیں سکتا

کسی کی آنکھ مجھ سے ہمسخن تھی اور میں چُپ تھا
میرا خاموش رہنا بے محل تو ہو نہیں سکتا

رفاقت زندگی بھر کی بھی ناکافی ہے الفت میں
محبت کا صلہ دو چار پل تو ہو نہیں سکتا ،،

 

[شمشاد]

محبت کرنے والوں کی کہانی بس یہی تو ہے
کبھی نیناں میں بھر جانا کبھی دل میں رچا کرنا

 

[نوید صادق]

کیا سپردِ ہوا ایک ایک تارِ عبا
محبتوں میں خراب اس قدر بھی کوئی نہ ہو

شاعر: محشر بدایونی

 

[شمشاد]

کاہے کا پاس اب تو رسوائی دُور پہنچی
رازِ محبت اپنا کس سے چھپا رہا ہے

 

[شعیب خالق]

شفاف رکھئیے آپ محبت کا آئینہ
عکس جمال دوست سے پھر جگمگائیے

 

[نوید صادق]

محبّتوں میں عجب ہے دلوں کو دھڑکا سا
کہ جانے کون کہاں ‌راستہ بدل جائے

شاعر: عبیداللہ علیم

 

[شمشاد]

محبتوں کے سفر میں یہ کون کہتا ہے
کہ دشتِ چشم سے آبِ رواں نہیں گزرے؟
(ناہید ورک)

 

[ظفری]

کچھ لوگ محبت کا صلہ مانگ رہے ہیں
ناداں ہیں ، بندے سے خدا مانگ رہے ہیں

 

[شعیب خالق]

ہیرے سے، جواہر سے جو رکھتے ہیں محبت
ماتھے پہ سجاتے ہیں وہ الماس کا سایہ
جمیل عظیم آبادی

 

[شمشاد]

دکھاتا کیوں بھلا میں داغِ ہائے غم زمانے کو؟
اگر تیری محبت کا مجھے کچھ آسرا ہوتا
(سرور)

 

[نوید صادق]

کس طرح دردِ محبت میں جتاؤں اس کو
بھید لڑکوں سے نہیں کہتے ہیں دانا دل کا


شاعر: شیفتہ

 

[شمشاد]

عجب کیا، گر محبت کو سمجھتا منزلِ آخر
یہی دردِ محبت آپ ہی اپنی دوا ہوتا!
(سرور)

 

[عیشل]

اس شہر ِ محبت میں عجب کال پڑا ہے
ہم جیسے سُبک لوگ بھی نایاب بہت تھے
اب دیکھ یہ حسرت بھری اجڑی ہوئی آنکھیں
دنیا تیرے بارے میں میرے خواب بہت تھے​