محبت کے موضوع پر اشعار!

[جیا راؤ]

جب ترا حکم ملا ترکِ محبت کر دی
دل مگر اس زور سے دھڑکا کہ قیامت کر دی

 

[شمشاد]

ہے اپنی اپنی رسائی رہ محبت میں
ہے اپنا اپنا طریقہ تیرا خدُا میرا دل

 

[جیا راؤ]

محبت مر گئی مجھ کو بھی غم ہے
مرے اچھے دنوں کی آشنا تھی


جاوید اختر

 

[تیشہ]

محبت کے لئے کچھ خاص دل مخصوص ہوتے ہیں
یہ وہ نغمہ ہے جو ہر ساز پہ گایا نہیں جاتا ،

 

[جیا راؤ]

محبت کے لئے دل ڈھونڈ کوئی ٹوٹنے والا
یہ وہ مے ہے جسے رکھتے ہیں نازک آبگینوں میں

 

[ابوشامل]

یقیں محکم، عمل پیہم، محبت فاتحِ عالم
جہادِ زندگی میں ہیں یہ مَردوں کی شمشیریں !

 

[مغزل]

مریضِ محبت انہی کا فسانہ سناتا رہا دم نکلتے نکلتے
مگر ذکر شامِ الم کا جب آیا چراغِ سحر بجھ گیا جلتے جلتے
استاد قمر جلالوی

 

[فاروقی]

کچھ طبعت ہی ملی تھی ایسی
چین سے جینے کی صورت نہ ہوئی
جسے چاپا اسے اپنا نہ سکے
جو ملا اس سے محبت نہ ہوئی​

میرا پسندیدہ شعر​

 

[شمشاد]

نگر نے معجزہ مانگا تیری محبت کا
تو جھوم جھوم کے صحراؤں سے اٹھا میرا دل

کسی نے جب بھی یہ پوچھا کہ کون ہے فرحت
تو مسکراُ کے ہمیشہ یہی کہا میرا دل

 

[مغزل]

محبت ایسا دریا ہے
کہ بارش روٹھ بھی جائے
تو پانی کم نہیں ہوتا

امجد اسلام امجد

 

[شمشاد]

بنجارے ہیں رشتوں کی تجارت نہیں کرتے
ہم لوگ دکھاوے کی محبت نہیں کرتے

 

[پیاسا صحرا]

محبت ایک سمندر ھے اور وہ بھی اتنا بسیط
کہ اس میں کوئی تصور نہیں کنارے کا

 

[عمر سیف]

محبت ایسی کشتی ہے
جو ساحل پرنہیں آتی
اسے منجدھار میں رہنا
ہمیشہ راس آتا ہے

 

[جیا راؤ]

تمہیں جو بے سبب مجھ سے خفا ہونے کی عادت ہے
یہ آغازِ جدائی ہے کہ اندازِ محبت ہے !

 

[پیاسا صحرا]

بچھڑ گیا وہ جدائی کے موڑ سے پہلے
کہ اس کے بعد محبت میں صرف خواری تھی
عباس تابش

 

[عمر سیف]

کوئی تعویذ ہو ردِ بلا کا
میرے پیچھے محبت پڑ گئی ہے ۔۔۔

 

[راجہ صاحب]

محبت ایسا دریا ہے
کہ بارش روٹھ بھی جائے
تو پانی کم نہیں ہوتا

امجد اسلام اجمد

 

[راجہ صاحب]

اِک شہنشاہ نے دولت کا سہارا لے کر
ہم غریبوں کی محبت کا اڑایا ہے مذاق

 

[تیشہ]

محبت کا شرارہ ٹوٹتا ہے
سو اب تیرا اجارہ ٹوٹتا ہے

میں وہ دریاِئے وخشت ہوں کہجسکے
کنارہ میں کنارہ ٹوٹتا ہے
ہزاروں وسوسے ڈستے ہیں مجھکو
فلک پے جب ستارہ ٹوٹتا ہے
محبت مشغلہ تیرے لئے ہے
مگر دل تو ہمارا ٹوٹتا ہے
یہ کیسے موسموں نے آلیا ہے
جسےِ دیکھوں وہ سارا ٹوٹتا ہے ۔

 

[عمر سیف]

ضبط کرنا نہ کبھی ضبط میں وحشت کرنا
اتنا آساں بھی نہیں تجھ سے محبت کرنا