محبت کے موضوع پر اشعار!

[راجہ صاحب]

نہیں بنتا کوئی اس نقش پر نقش
نہیں ممکن محبت پر محبت

ہر اک محبوب میں ' تو تھا ' سو ہم نے
بہت اخلاص سے کی ہر محبت

 

[شمشاد]

محبت کا بھرم ٹوٹا ہے اب چُھپ چُھپ کے روتے ہو
تمہیں میں نے کہا تھا ناں غلط فہمی میںمت رہنا
(تیمور)

 

[کاشفی]

محبت

زہے خلوصِ محبت کہ حادثاتِ جہاں
مجھے تو کیا مرے نقشِ قدم مٹا نہ سکے
(جگر مُراد آبادی)

 

[شمشاد]

کبھی تو اقبال مند ہو گی مری محبت
نہیں ہے امکاں کوئی مگر، مانتا نہیں ہوں
(ڈاکٹر پیرزادہ قاسم)

 

[کاشفی]

اے دوست ہم نے ترکِ محبت کے باوجود
محسوس کی ہے تیری ضرورت کبھی کبھی
(رضا ناصر)

 

[شمشاد]

دوسرے مصرعے میں کچھ گڑبڑ لگ رہی ہے۔
؂؂؂؂؂؂؂؂؂؂؂؂؂؂؂؂؂؂؂؂؂؂؂؂؂؂

عشق میں دنیا گنوائی ہے نہ جاں دی ہے فراز
پھر بھی ہم اہل محبت کی مثالوں میں رہے
(فراز)

 

[کاشفی]

پہلے مصرعے میں کچھ گڑبڑ لگتے لگتے رہ گئی۔۔

جس کو کہتے ہیں‌محبت جس کو کہتے ہیں خلوص
جھونپڑوں میں ہو تو پختہ مکانوں میں نہیں
(معین احسن جذبی)

 

[شمشاد]

ہے اور علم و ادب، مکتبِ محبت میں
کہ ہے، وہاں کا مُعلم جُدا، ادیب جُدا
(ذوق)

 

[کاشفی]

مُحبت میں پڑے ہیں ایسے ایسے پیچ آ آکر
کہ اپنی زندگی میں طے یہ جھگڑا ہو نہیں سکتا
(داغ)

 

[راجہ صاحب]

عذابِ ہجر نہیں، خواہشِ وصال نہیں
جدا ہوئے ہیں مگر یوں کہ اب ملال نہیں
خوشی کی بات ہے تو اپنے طور سے جی لے
میرا بھی اب کے محبّت کا کچھ خیال نہیں


نامعلوم

 

[کاشفی]

محبت سے بنا لیتے ہیں اپنا دوست دشمن کو
جھکاتی ہے ہماری عاجزی سرکش کی گردن کو
(آتش)

 

[راجہ صاحب]

دل میں فزوں جو مہر و محبت ہے آپ کی
یہ آپ کا کرم ہے عنا یت ہے آپ کی

جس سے محبتوں کے سویرے طلوع ہوئے
بے شک مرے حضور وہ سیرت ہے آپ کی


شاکر القادری

 

[شمشاد]

خیال و خواب ہوئی ہیں محبتیں کیسی
لہو میں ناچ رہی ہیں یہ وحشتیں کیسی
(عبید اللہ علیم)

 

[شمشاد]

محبت میں تو بس دیوانگی ہی کام آتی ہے
یہاں جو عقل دوڑائے، وہ عاقل ہو نہیں سکتا
(سید نصیر الدین نصیر)

 

[راجہ صاحب]

ابھی نہ چھیڑ محبت کے گیت اے مطرب
ابھی حیات کا ماحول خوشگوار نہیں

ساحر

 

[راجہ صاحب]

تمہارے عہدِ وفا کو میں عہد کیا سمجھوں
مجھے خود اپنی محبت پہ اعتبار نہیں


ساحر

 

[شمشاد]

سرور ترے خلوص و محبت کا کیا کریں
سکہ ہی اک نیا سر بازار چل گیا!
(سرور عالم راز)

 

[راجہ صاحب]

عشق میں دنیا گنوائی ہے نہ جاں دی ہے فراز
پھر بھی ہم اہل محبت کی مثالوں میں رہے

(فراز)

 

[شمشاد]

مقطع میں آ پڑی ہے سُخن گُسترانہ بات
مقصود اس سے قطعِ محبت نہیں مجھے
(چچا)

 

[راجہ صاحب]

محبت تھی چمن سے لیکن اب یہ بے دماغی ہے
کہ موجِ بوئے گل سے ناک میں آتا ہے دم میرا

غالب