آپ کا مکمل نام اور یہ کس نے انتخاب کیا ۔۔؟
محمد ریحان قریشی ہی مکمل نام ہے۔ اس کا انتخاب میری نانی نے کیا تھا۔
نام کے ساتھ ذات کے لاحقے کی کوئی خاص وجہ ؟
کوئی خاص وجہ نہیں۔
پیدائش کا ضلع ، عمر اور آپ کے ضلع کی کوئی خصوصیت ؟
پیدائش مظفرآباد آزاد کشمیر میں ہی ہوئی اور وہیں آباد ہوں۔ زندگی رہی تو ستمبر میں انیس برس کا ہو جاؤں گا۔
ضلع کی خصوصیات میں ایک پرسکون ماحول، خوبصورت موسم، پہاڑ اور دریا شامل ہیں۔
کچھ گھر والوں کے بارے میں بتائیے۔خاندان میں کون کون شام ہے؟
خاندان میں دادی، والدین اور تین چھوٹے بھائی شامل ہیں۔
آج کل طالب علم ہیں یا یہ سلسلہ رک چکا ہے ؟ اگر رک چکا ہے تو عملی زندگی میں کیا کر رہے ہیں ؟ اب تک حاصل کردہ تعلیم کا درجہ ؟ اگر جاری ہے تو اور کتنی تعلیم حاصل کرنے کا ارادہ ہے ؟
جی طالبِ علم ہی ہوں۔ نیشنل یونیورسٹی آف سائنسز اینڈ ٹیکنالوجی (NUST) سے الیکٹرکل انجینئرنگ کی تعلیم حاصل کر رہا ہوں۔
عمومی پسندیدگی کے بارے میں بتائیے پسندیدہ قاری اور سورۃ ؟پسندیدہ نعت خواں اور نعت ؟پسندیدہ زبان ؟پسندیدہ شاعر ؟ اور کیوں ؟پسندیدہ شاعرہ ؟اور کیوں ؟
پسندیدہ سورۃ يٰس ہے۔ قاری سدیس کی تلاوت پسند ہے۔
پاپولر نعت خوانوں کو زیادہ نہیں سنتا۔ شہر کے نعت خواں اچھے ہیں۔ پسندیدہ نعت "وہ سوئے لالہ زار پھرتے ہیں"
زبانیں بہت سی پسند ہیں مگر صرف چند ایک ہی جانتا ہوں ان میں اردو، تھوڑی بہت فارسی اور انگریزی شامل ہیں۔ اردو نظم اور انگریزی نثر پر طبع آزمائی کرتا رہتا ہوں۔
غالب اور عرفی شیرازی پسندیدہ شعرا میں سے ہیں۔ فلسفہ اور خیال بندی میں دلچسبی کی وجہ سے۔
پسندیدہ گلو کار، گلو کارہ اور گیت؟پسندیدہ کھیل اور کھلاڑی ؟پسندیدہ رنگ ؟پسندیدہ لباس ؟پسندیدہ ریسٹورنٹ ؟پسندیدہ کھانا؟پسندیدہ ہیرو؟پسندیدہ ہیروئن ؟پسندیدہ فلم ؟پسندیدہ ڈرامہ ؟پسندیدہ سیاستدان ؟پسندیدہ مشاغل ؟
موسیقی زیادہ نہیں سنتا۔ کلاسیکی موسیقی پسند ہے۔ نصرت فتح علی خان کو کافی سنا ہے، بہترین فنکار تھے۔ خدا رحمت کند این عاشقانِ پاک طینت را۔
نیرہ نور پسند ہیں۔ فیض کی نظم "آج بازار میں پابجولاں چلو" کو بہت خوبصورتی سے گایا ہے۔
پسندیدہ فلم ؟پسندیدہ ڈرامہ ؟پسندیدہ سیاستدان ؟پسندیدہ مشاغل ؟
فلمیں، ڈرامے بہت کم دیکھے ہیں۔
سیاست دانوں میں رضا ربانی، اعتزاز احسن کچھ کچھ پسند ہیں۔
مشاغل میں گیمنگ اور anime دیکھنا سرِ فہرست ہیں۔ ان کے علاوہ ٹیبل ٹینس کھیلتا ہوں۔
ابھی تک زندگی میں کون کونسی کامیابیاں حاصل کیں؟
کوئی بہت بڑی کامیابی تو حاصل نہیں کی البتہ ایک توازن قائم رکھا ہے ابھی تک زندگی میں۔
