چودہویں سالگرہ محفلین کے لیے اشعار

[جاسمن]

اے خان
اسی خیال کے نشے میں دن گزرتے رہے
میں اپنی عمر کے انیسویں برس میں رہا

 

[فلسفی]

اے خان
اسی خیال کے نشے میں دن گزرتے رہے
میں اپنی عمر کے اکیسویں برس میں رہا

 

[جاسمن]

ابن سعید
جہاں سارے ہوا بننے کی کوشش کر رہے تھے
وہاں بھی ہم دیا بننے کی کوشش کر رہے تھے
(عباس قمر)

 

[جاسمن]

الف عین
مرا مذاق ہے اکرام دوستاں وصفیؔ
وہ دل ہی پاس نہیں جس میں کچھ غبار ملے
(عبدارحمن خان وصفی بہرائچی)

 

[جاسمن]

فرقان احمد
محمد تابش صدیقی

نقوش شہر نگاراں ابھارتے ہی رہے
مرے جنوں کے اجالے تری لگن کے چراغ
جلو میں تابش قندیل آگہی لے کر
بجھا دئے ہیں محبت نے اہرمن کے چراغ

(عبدالروف عروج)

 

[جاسمن]

الف عین
یوں ہی تو نہیں لوگ گزرتے مرے دل سے
لگتا ہے کوئی منزل مقصود ہے مجھ میں
(عاطف کمال رانا)

 

[جاسمن]

اکمل زیدی
ہر گیند کے پیچھے کوئی آتا ہے ہمیشہ
یہ کون سے بچے کی اچھل کود ہے مجھ میں
(عاطف کمال رانا)

 

[جاسمن]

نیرنگ خیال
جھومنے لگتے ہیں اس کو دیکھتے ہی باغ میں
ایسے لگتا ہے پرندے بھی شرابی ہو گئے
(عاطف کمال رانا)

 

[جاسمن]

عرفان سعید
آپ نے آج یہ محفل جو سجائی ہوئی ہے
بات اس کی ہی فقط بزم میں چھائی ہوئی ہے

عفیف سراج)

 

[جاسمن]

نیرنگ خیال
میرے عناصر خاک نہ ہوں بس رنگ بنیں
اور جنگل صحرا دریا پر برسے رنگ
(سوپنل تیواری)

 

[اکمل زیدی]

اکمل زیدی
ہر گیند کے پیچھے کوئی آتا ہے ہمیشہ
یہ کون سے بچے کی اچھل کود ہے مجھ میں
(عاطف کمال رانا)

ہم تو خیر سمجھے ہی بیٹھے ہیں اسے فیملی فورم مگر یہ خبر نہیں تھی یہاں بھی گھر کی طرح سننے کو ملیں گی ....گھر میں امی کہتی ہیں تم سے پہلے تمھارے بچے بڑے ہوجائینگے....اور یہاں شعروں میں ....کچھ ویسا ...ویسا ہی لگ رہا ہے..........پھر بھی شکریہ آپ.کی پر خلوص توجہات کا...

 

[جاسمن]

محمد تابش صدیقی
ہمارے دل کو اک آزار ہے ایسا نہیں لگتا
کہ ہم دفتر بھی جاتے ہیں غزل خوانی بھی کرتے ہیں

در روحانیاں کی چاکری بھی کام ہے اپنا
بتوں کی مملکت میں کار سلطانی بھی کرتے ہیں

(عرفان صدیقی)

 

[جاسمن]

Fawad -
زمیں پر شور محشر روز و شب ہوتا ہی رہتا ہے
ہم اپنے گیت گائیں یہ تو سب ہوتا ہی رہتا ہے
(عرفان صدیقی)

 

[جاسمن]

محمد احمد
کہاں سے آتے ہیں یہ گھر اجالتے ہوئے لفظ
چھپا ہے کیا مری مٹی میں ماہ پارہ کوئی
(عرفان صدیقی)

 

[جاسمن]

جیہ
وہ ان دنوں تو ہمارا تھا لیکن اب کیا ہے
پھر اس سے آج وہی رنج بے سبب کیا ہے
(ریحان صدیقی)

 

[جاسمن]

الشفاء
ابھرتے ڈوبتے منظر میں کس کی روشنیاں
کلام حق سر نیزہ سنانے والا کون
(عرفان صدیقی)

 

[جاسمن]

فرقان احمد
سواد شام یہ شہزاد گان صبح کہاں
سیاہ شب میں یہ سورج اگانے والا کون
(عرفان صدیقی)

 

[جاسمن]

الف نظامی
یہ ریگزار میں کس حرف لازوال کی چھاؤں
شجر یہ دشت زیاں میں لگانے والا کون
(عرفان صدیقی)

 

[الشفاء]

الشفاء
ابھرتے ڈوبتے منظر میں کس کی روشنیاں
کلام حق سر نیزہ سنانے والا کون
(عرفان صدیقی)

جاسمن

کوئی ہو اپنا پرایا، یہاں سبھی کے لیے
لبوں پہ اپنے دعائیں سجانے والی کون
(الشفاء)​

 

[فرقان احمد]

فرقان احمد
سواد شام یہ شہزاد گان صبح کہاں
سیاہ شب میں یہ سورج اگانے والا کون
(عرفان صدیقی)