محمد وارث
لائبریرین
السلام علیکم دوستو،
ہماری اس پیاری اردو محفل کی ساتویں سالگرہ کے موقع پر یہ خاکسار محفل کے منتظمین کی طرف سے ایک اہم اعلان لے کر آپ کی خدمت میں حاضر ہوا ہے اور سر نامے سے آپ کچھ کچھ سمجھ ہی گئے ہونگے۔
جی ہاں محفل کے اسٹاف میں کچھ تبدیلیاں کی جا چکی ہیں اور اب یہ خاکسار باضابطہ طور پر آپ سب کو اسی کی اطلاع دے رہا ہے۔
مدیرانِ اعلیٰ یعنی سُپر موڈریٹرز
مجھے انتہائی خوشی ہو رہی ہے یہ بتاتے ہوئے کہ محفل ناظمین نے مقدس اور ساجد کو ان کے عہدوں پر ترقی دیتے ہوئے اور ان کے اختیارارت میں اضافہ کرتے ہوئے ان دونوں کو محفل کے مدیرانِ اعلیٰ کے عہدوں پر فائز کیا ہے۔ اس سے پہلے مقدس بہن لائبریری کی مدیر تھیں جب کہ محترمی ساجد صاحب حالاتِ حاضرہ اور سیاست و مذہب کے زمرہ جات کے مدیر تھے جب کہ اب دونوں احباب مدیرانِ اعلیٰ ہونگے اور یوں محفل کے تمام زمرہ جات کی ادارت کر سکیں گے۔
مقدس اور ساجد دونوں کے متعلق کیا کہوں، جو احباب اردو محفل پر مستقل حاضری دیتے ہیں وہ جانتے ہی ہیں کہ مقدس کی آمد سے محفل خاص طور پر متحرک ہوئی بالخصوص لائبریری کے زمروں میں ایک طرح سے نئی جان پڑ گئی ہے، اور اس ماہِ سالگرہ کے دوران آپ کو اس کے متعلق مزید علم ہو جائے گا۔
ساجد صاحب نے پچھلے چند ماہ میں یعنی جب سے وہ اردو محفل کے موڈریٹر بنے ہیں اپنی صلاحیتوں سے سب ہی کو متاثر کیا ہے اور مذہب اور سیاست اور حالاتِ حاضرہ کے زمرہ جات میں اپنے فرائض انتہائی خوبصورتی اور خوش اسلوبی سے انجام دے رہے ہیں۔
لہذا منتظمین نے فیصلہ کیا ہے کہ ان دونوں دوستوں کو مزید ذمہ داریاں دی جائیں اور کیوں نہ دی جائیں، جب بہترین صلاحیتوں کے مالک احباب سے زیادہ فائدہ حاصل کیا جا سکتا ہے تو ضرور حاصل کرنا چاہیے۔
اردو محفل، اردو محفل کے منتظمین اور میری جانب سے مقدس اور ساجد دونوں کو یہ نئے عہدے اور ذمہ داریاں بہت مبارک ہوں۔
محفلِ ادب کے نئے مدیر
اردو محفل کی محفلِ ادب ایک طرح سے اردو محفل کا طرہٴ امتیاز ہے۔ جتنا خوبصورت کلام یہاں جمع ہے اور نئے شعرا کے کلام پر جیسی اور جتنی اہم اصلاح یہاں دی جاتی ہے ویب کی دنیا میں یقیناً کہیں بھی نہیں ہے۔ اور محفلِ ادب کے اس خصوصی امتیاز کو برقرار رکھنے کیلیے ضروری تھا کہ یہاں ایک متحرک اور فعال مدیر بھی ہو۔
لہذا محفل انتظامیہ نے جناب محمد خلیل الرحمٰن صاحب کو محفلِ ادب کا نیا مدیر مقرر کیا ہے۔
خلیل صاحب کی صلاحیتیں بھی کسی سے چھپی ہوئی نہیں ہیں، آپ جہاں ایک طرح اپنے نمکین کلام سے محفل میں شیرینیاں بانٹتے نظر آتے ہیں وہیں دوسری طرف ایک انتہائی سنجیدہ، بردبار اور وسیع المطالعہ شخص بھی ہیں اور مجھے پورا یقین ہے کہ انکی آمد سے محفلِ ادب میں نئی روح پھونکی جائے گی۔
اردو محفل، اردو محفل کے منتظمین اور میری جانب سے جناب خلیل صاحب کو محفلِ ادب کی ادارت بہت مبارک ہو۔
آخر میں ایک بار پھر تینوں دوستوں کو سب کی طرف سے اور اپنی طرف سے دلی مبارکباد پیش کرتا ہوں اور ہم امید کرتے ہیں کہ یہ تینوں دوست اپنی بہترین صلاحیتوں کو بروئے کار لاتے ہوئے اپنے اپنے فرائض خوش اسلوبی سے انجام دیں گے اور ہماری اس پیاری محفل کی بہتری کیلیے کام کرتے رہیں گے۔
والسلام
ہماری اس پیاری اردو محفل کی ساتویں سالگرہ کے موقع پر یہ خاکسار محفل کے منتظمین کی طرف سے ایک اہم اعلان لے کر آپ کی خدمت میں حاضر ہوا ہے اور سر نامے سے آپ کچھ کچھ سمجھ ہی گئے ہونگے۔
جی ہاں محفل کے اسٹاف میں کچھ تبدیلیاں کی جا چکی ہیں اور اب یہ خاکسار باضابطہ طور پر آپ سب کو اسی کی اطلاع دے رہا ہے۔
مدیرانِ اعلیٰ یعنی سُپر موڈریٹرز
مجھے انتہائی خوشی ہو رہی ہے یہ بتاتے ہوئے کہ محفل ناظمین نے مقدس اور ساجد کو ان کے عہدوں پر ترقی دیتے ہوئے اور ان کے اختیارارت میں اضافہ کرتے ہوئے ان دونوں کو محفل کے مدیرانِ اعلیٰ کے عہدوں پر فائز کیا ہے۔ اس سے پہلے مقدس بہن لائبریری کی مدیر تھیں جب کہ محترمی ساجد صاحب حالاتِ حاضرہ اور سیاست و مذہب کے زمرہ جات کے مدیر تھے جب کہ اب دونوں احباب مدیرانِ اعلیٰ ہونگے اور یوں محفل کے تمام زمرہ جات کی ادارت کر سکیں گے۔
مقدس اور ساجد دونوں کے متعلق کیا کہوں، جو احباب اردو محفل پر مستقل حاضری دیتے ہیں وہ جانتے ہی ہیں کہ مقدس کی آمد سے محفل خاص طور پر متحرک ہوئی بالخصوص لائبریری کے زمروں میں ایک طرح سے نئی جان پڑ گئی ہے، اور اس ماہِ سالگرہ کے دوران آپ کو اس کے متعلق مزید علم ہو جائے گا۔
ساجد صاحب نے پچھلے چند ماہ میں یعنی جب سے وہ اردو محفل کے موڈریٹر بنے ہیں اپنی صلاحیتوں سے سب ہی کو متاثر کیا ہے اور مذہب اور سیاست اور حالاتِ حاضرہ کے زمرہ جات میں اپنے فرائض انتہائی خوبصورتی اور خوش اسلوبی سے انجام دے رہے ہیں۔
لہذا منتظمین نے فیصلہ کیا ہے کہ ان دونوں دوستوں کو مزید ذمہ داریاں دی جائیں اور کیوں نہ دی جائیں، جب بہترین صلاحیتوں کے مالک احباب سے زیادہ فائدہ حاصل کیا جا سکتا ہے تو ضرور حاصل کرنا چاہیے۔
اردو محفل، اردو محفل کے منتظمین اور میری جانب سے مقدس اور ساجد دونوں کو یہ نئے عہدے اور ذمہ داریاں بہت مبارک ہوں۔
محفلِ ادب کے نئے مدیر
اردو محفل کی محفلِ ادب ایک طرح سے اردو محفل کا طرہٴ امتیاز ہے۔ جتنا خوبصورت کلام یہاں جمع ہے اور نئے شعرا کے کلام پر جیسی اور جتنی اہم اصلاح یہاں دی جاتی ہے ویب کی دنیا میں یقیناً کہیں بھی نہیں ہے۔ اور محفلِ ادب کے اس خصوصی امتیاز کو برقرار رکھنے کیلیے ضروری تھا کہ یہاں ایک متحرک اور فعال مدیر بھی ہو۔
لہذا محفل انتظامیہ نے جناب محمد خلیل الرحمٰن صاحب کو محفلِ ادب کا نیا مدیر مقرر کیا ہے۔
خلیل صاحب کی صلاحیتیں بھی کسی سے چھپی ہوئی نہیں ہیں، آپ جہاں ایک طرح اپنے نمکین کلام سے محفل میں شیرینیاں بانٹتے نظر آتے ہیں وہیں دوسری طرف ایک انتہائی سنجیدہ، بردبار اور وسیع المطالعہ شخص بھی ہیں اور مجھے پورا یقین ہے کہ انکی آمد سے محفلِ ادب میں نئی روح پھونکی جائے گی۔
اردو محفل، اردو محفل کے منتظمین اور میری جانب سے جناب خلیل صاحب کو محفلِ ادب کی ادارت بہت مبارک ہو۔
آخر میں ایک بار پھر تینوں دوستوں کو سب کی طرف سے اور اپنی طرف سے دلی مبارکباد پیش کرتا ہوں اور ہم امید کرتے ہیں کہ یہ تینوں دوست اپنی بہترین صلاحیتوں کو بروئے کار لاتے ہوئے اپنے اپنے فرائض خوش اسلوبی سے انجام دیں گے اور ہماری اس پیاری محفل کی بہتری کیلیے کام کرتے رہیں گے۔
والسلام
