محفل متراں دی

[نیرنگ خیال]

سید شہزاد ناصر تلمیذ عبدالقیوم چوہدری نیرنگ خیال
میری اک خواہش اے کہ اصلاحِ سخن دے زمرے وچ "پنجابی شاعری کی اصلاح" دے نام نال ایک زمرہ محفل وچ تشکیل دتا جاوے بالکل اوس طرح جسطرح اردو لئی اصلاح سخن دا زمرہ ۔ ایس توں مقصد اے نئیں کے پنجابی اردو دا مقابلہ کرائیے۔ بلکہ صرف اے مقصد اے کے پنجابی شاعری دی اصلاح لئی جا سکے ہر وراری اک نئی لڑی شروع کرکے۔استادِ محترم محمد یعقوب آسی دا محفل وچ موجود ہونا ایس حوالے نال ساڈے لئی کسے نعمت توں گھٹ نئیں۔
نالے اردو دے زمرے وچ پنجابی شاعری دی اصلاح لئی لڑی کھولنا اوہدا مزہ خراب کرن والی گل اے ویسے تے اہ صرف اصلاحِ سخن دا زمرہ اے ۔ مطلب اونہوں کسے زبان نال مخصوص نئیں کیتا گیا۔ تے سخن تے ہر زبان وچ ہوندا اے ۔ تے ایتھے فارسی پنجابی تے اردو شاعری دے متعلق استاد وی موجود نیں ۔۔
تہاڈی دوستاں دی ایس بارے کی رائے وے ۔۔ آیا کہ اصلاحِ سخن دے زمرے نوں ای پنجابی لئی استعمال کیتا جاوے کہ اوہدے تے بظاہر کوئی زبان دی پابندی نئیں۔ یا کہ پنجابی لئی علیحدہ زمرہ کھولیا جاوے۔
والسلام

متفق جناب تہاڈی تجویز نال۔۔۔۔ محمد یعقوب آسی سر۔۔۔۔۔

 

[فاروق احمد بھٹی]

متفق جناب تہاڈی تجویز نال۔۔۔۔ محمد یعقوب آسی سر۔۔۔۔۔

ایک وضاحتی مراسلہ کج اس طرح لکھیا سی

ہؤرے میں اپنی گل صحیح طرح سمجھا نئیں سَکیا۔ لڑی تے کوئی وی شروع کیتی جا سکدی اے ۔ پر اہدھے وچ اوہو ای مسئلہ اے صفحے ودھدے جان گے ۔
جیویں پنجابی فورم ایک زمرہ اے تے ایدے وچ ہر طرح دیا شروع کیتیا ہویاں لڑیاں وکھرے وکھرے موضوع نال۔
ایس طرح بھاویں پنجابی فورم وچ ای دو نویں زمرے انتظامیہ کولوں کھلوا لے جاون
جیویں کہ

1. تہاڈی شاعری
2. اصلاحِ سخن پنجابی
3. پسندیدہ پنجابی شاعری

اے زمرے ہون گے تے اینہاں دے اندر اگوں متعلقہ شروع کیتیاں ہویا ں لڑیاں وکھرے وکھرے بندے دیاں تے وکھرے وکھرے عنوان نال۔
اگر ممکن اے اور ایدے وچ کوئی فنی رکاوٹ نئیں تے میرے خیال وچ اے کم ہو جانا چاہی دا ے ۔ کہ پنجابی تے ویسے وی اردو محفل وچ گردش کر رہئی اے مثلا آپ کی شاعری زمر ےوچ پنجابی شاعری

تے تواڈے متفق ہون نال بندے نوں خوشی ہوئی اصل چ اک ترتیب وچ آ جائے گا پنجابی فورم اس طرح کرن نال ۔۔

 

[نیرنگ خیال]

ایک وضاحتی مراسلہ کج اس طرح لکھیا سی

تے تواڈے متفق ہون نال بندے نوں خوشی ہوئی اصل چ اک ترتیب وچ آ جائے گا پنجابی فورم اس طرح کرن نال ۔۔

بہترین تجاویز نے سرکار۔۔۔۔ متفق ہوئے بغیر گزارہ ای نئیں

 

[محمد یعقوب آسی]

متفق جناب تہاڈی تجویز نال۔۔۔۔ محمد یعقوب آسی سر۔۔۔۔۔

مینوں تے اپنی ایہ تجویز یاد اے، لڑی لبھ گئی والی:

اک لڑی لبھی اے۔
جے دوست اجازت دین تے ایس نوں اگے چلا لئو۔

ایہ شاید فاروق احمد بھٹی ہوراں دیاں لوڑاں پوریاں نہیں کر رہی؟ آپس وچ مُک لئو، جو آخری شکل بن جاوے، دھاگے اَٹیاں کھول کے مینوں دس دیا جے۔ جنی جوگا ہوئیا کچھ کردا رہاں گا؛ جو اللہ نوں منظور۔

 

[فاروق احمد بھٹی]

بہترین تجاویز نے سرکار۔۔۔۔ متفق ہوئے بغیر گزارہ ای نئیں

نیرنگ پائی فیر اس کم اچ دیر کادی انتظامیہ تک اے گل پہنچاؤ تے پنجابی فورم وچ تین عدد ضمنی زمرے بنام

• تہاڈی شاعری
• اصلاحِ سخن پنجابی
• پسندیدہ پنجابی شاعری

یا جیہڑے ناں تسی بہتر سمجھو کرکے کھلوا لے جان تے بعد وچ جیہڑا مواد کھلریا پیا وے اونہوں متعلقہ زمریاں وچ منتقل کر دتا جاوے۔

 

[عبدالقیوم چوہدری]

ایہہ تن میرا جے کنگھی ہووے،تے میں زلف محبوب دی واہواں
پوش میری دی بنڑ جائے جُتی، تے میں یار دے پیری آواں
جے سوہنڑا میرے دکھ وچ راضی، تے میں سُکھ نوں چولھے ڈانہواں
یار فرید کدی مل جائے سوہنڑا، اونوں رو رو حال سناواں

 

[عبدالقیوم چوہدری]

ہجر دی رات دا پچھلا پہر
ٹھنڈی ٹھار ہَوا تے میں !

کِسے بے دید دی راہ وِچ رُل گئے
ہنجو، خواب، وفا تے میں

 

[عبدالقیوم چوہدری]

پیر ملیاں جے پیڑ نہ جاوے اُس نوں پیر کیہ دھرناں ہُو
مرشد ملیاں ارشاد نہ من نوں،اوہ مرشد کیہ کرناں ہُو

جس ہادی کولوں ہدائت ناہیں، اوہ ہادی کیہ پھڑناں ہُو
جے سردتیاں حق حاصل ہودے باہو،اُس موتوں کیہ ڈرناں ہُو

 

[عبدالقیوم چوہدری]

نیویاں نال تے نبھ جاندی اے، جے کر آپ نبھائیے
اُچیاں نال نبھدی ناہی، جے کر کسر نا کھائیے

 

[نیرنگ خیال]

نیرنگ پائی فیر اس کم اچ دیر کادی انتظامیہ تک اے گل پہنچاؤ تے پنجابی فورم وچ تین عدد ضمنی زمرے بنام

• تہاڈی شاعری
• اصلاحِ سخن پنجابی
• پسندیدہ پنجابی شاعری

یا جیہڑے ناں تسی بہتر سمجھو کرکے کھلوا لے جان تے بعد وچ جیہڑا مواد کھلریا پیا وے اونہوں متعلقہ زمریاں وچ منتقل کر دتا جاوے۔

سر جی ایہہ کم سوکھا اے۔ تسی ایک لڑی تجاویز دے زمرے اچ کھول لئو۔ گل انتظامیہ تیکر آپے ای پج جائے گی۔ چونکہ ہتھ تسی پایا اے لہذا توڑ پجاؤ۔۔۔ اسی نال نال ہیگے آں۔۔۔

 

[شزہ مغل]

پنجابی محفل تے تسی لا دتی جے۔حقے پانی دا بندوبست وی کیتا جے۔ پر اے دسو میرے ورگے لوکاں لئی کی بندوبست کیتا جے جیہڑے پنجابی زبان نال بہتی جان پچھان نئی رکھدے؟؟؟؟

 

[شزہ مغل]

صاحب تیری بندی ہاں میں
چنگی ہاں یا مندی ہاں میں

میں تے کج ایس طریقے نال سنیا سی

صاحب تیری بندی آں
چنگی آں کے مندی آں​

 

[شزہ مغل]

میں کہیا سلاما لیکم !
پاجی کیہہ حال نیں !
کوئی روٹی ٹُکڑ، کوئی لسی شسی دا وی انتظام ہیگا کہ کوئی نئیں ؟؟؟

میں سنیا عشق دے مریضاں لئی تے "

دکھا دی روٹی، سولاں دا سالن" ہندا اے۔ تسی کیہڑے مریض عشق او کے روٹی ٹُکڑ، لسی شسی منگدے او۔۔۔ ​

مذاق کیتا اے۔ اللہ بچا کے رکھے ساریاں نوں دکھا توں۔ آمین

 

[شزہ مغل]

حقی گل اے۔ پنجابی شاعری خاص کر صوفیانہ شاعری وچ اک توں اک ودھ ہیرے نیں۔ شاہ حسین رح، بابا فرید رح، خواجہ غلام فرید رح، بابا بلھے شاہ رح، میاں محمد بخش رح، وارث شاہ رح، سلطان باہو رح، ہاشم شاہ توں لے کے پیر فضل گجراتی، استاد دامن، ڈاکٹر فقیر محمد فقیر، شریف کنجاہی سمیت کنے ای ناں نیں جیہڑے پیش کیتے جا سکدے نیں۔ میں دنیا دیاں کئی زباناں دا کلام پڑھیا اے پر جو ڈونگھیائی پنجابی صوفیانہ کلام چ اے ہور کسی وی زبان دے کلام دا ایس نال کوئی جوڑ نئیں بھانویں اردو ہی کیوں نہ ہووے۔ تسیں کی کہندے او ایس بارے؟

گل تے تہاڈی ٹھیک اے

 

[سید شہزاد ناصر]

ایس لڑی وچ آ کہ اینج لگدا اے جیوں پنڈ دے چوپال یا دارے بیٹھیاں آں تے وڈیاں بزرگاں کولوں ون سونیاں گلاں سننڑا پیاں آں۔ تے نال ڈھولے ماہیے تے گیت وی چلدے پئے نیں۔ قسمے سواد آ جاندا اے۔ میں اپنڑیاں اناں تریواں بزرگاں دا بوہت بوہت شکریہ ادا کرنا آں جے اوناں ایس لڑی وچ ایڈی کوئی رونق لا دتی اے کہ کسی ہور لڑی ول ویکھنڑ تے وی دل نئی کردا۔
اللہ جی توانوں ساریاں نوں لمی ساری حیاتی دیوے تے اناں بلدیاں سڑدیاں جیونڑ دی راہاں وچ ساڈیاں سراں تے تواڈی چھاں نوں کدی نہ ہٹائے۔ آمین

اک تے محمد یعقوب آسی صاحب ہو گئے دوجے تلمیذ صاحب نیں
ایہہ تریجے کہڑے بزرگ نیں

 

[سید شہزاد ناصر]

میں تے کج ایس طریقے نال سنیا سی

صاحب تیری بندی آں
چنگی آں کے مندی آں​

فاروق احمد بھٹی ہوراں نے صحیح لکھیا جے گان والے تے پڑھن والےغلطی کر جاندے نیں

 

[محمد یعقوب آسی]

فاروق احمد بھٹی ہوراں نے صحیح لکھیا جے گان والے تے پڑھن والےغلطی کر جاندے نیں

جی آہو ۔۔ املا ای "غلط" لکھی ہووے گی تے جیہڑا اس نوں "لکھے دے مطابق ٹھیک" پڑھے اوس وچارے نے "غلط" ای پڑھنا اے۔

 

[محمد یعقوب آسی]

اک تے محمد یعقوب آسی صاحب ہو گئے دوجے تلمیذ صاحب نیں
ایہہ تریجے کہڑے بزرگ نیں

تسیں اپنے آپ نوں کیہ کہو گے؟ بابیو! ۔۔۔

 

[محمد یعقوب آسی]

ایہہ تریجے کہڑے بزرگ نیں

ایہ کیہ لکھیا جے؟ کِہڑے (کیہڑے) کہ کُہڑے (کوہڑے) ۔۔۔۔۔

 

[شزہ مغل]

تسیں اپنے آپ نوں کیہ کہو گے؟ بابیو! ۔۔۔

اے تے بزرگاں دے بزرگ نے۔۔۔