سولھویں سالگرہ محمد وارث صاحب سے علمی و ادبی مکالمہ
- صاحب لڑی محمد عدنان اکبری نقیبی
- تاریخ ابتداء
وسیم
محفلین
حالیہ سیاست میں
سچ اور جھوٹ کا فرق؟
ناچیز کے خیال میں تو حالیہ سیاست میں صرف جھوٹ اور مزید جھوٹ میں فرق کیسے کرتے ہیں؟ سوال ہونا چاہیے۔
محمد وارث
لائبریرین
کافی عرصے سے اگر میں کوئی مطالعہ دلجمعی سے کر رہا ہوں تو وہ شاید تاریخ اور سیاست ہی کا ہے۔ جہاں تک علاقوں کی بات ہے تو یہ ذہنی رو کے چل نکلنے کی بات ہے، اپنی زندگی کی جو پہلی اہم کتاب میں نے خریدی تھی وہ "تاریخَِ یونانِ قدیم" تھی جو چار جلدوں میں کسی مصنف کا قدیم اور نامانوس اردو میں ترجمہ تھا اور اس میں اتنے مشکل نام تھے کہ پڑھی بھی نہیں گئی۔ پھر اسلامی تاریخ پڑھی، پیسے جمع کر کے تاریخ طبری خریدی۔، ایک آدھ کمپیوٹر گیمز کی وجہ سے کارتھیج اور رومنز کی تاریخ پڑھی، دونوں ورلڈ وارز پر پڑھا۔ پچھلے کئی برس آزادی کے بعد کے ہند کی سیاست پڑھنے میں گزار دیے اور اب کچھ عرصے سے پاکستانی سیاسی اور آئینی تاریخ وغیرہ۔
سیاسی سچ اور جھوٹ میں فرق کرنا آسان نہیں اور نہ ہی شاید ہو سکتا ہے۔ ہاں زیادہ سے زیادہ اور متنوع مطالعے، اور اگر سب فریقین کا نکتہ نظر مل جائے تو پھر کسی حد تک کوشش کی جا سکتی ہےکس قدر سچ اور کس قدر جھوٹ ہے اور کس قدر گڈ مڈ صورتحال ہے۔
زیک
مسافر
زبردست، طبری پڑھے بغیر تو اسلامی تاریخ کا مطالعہ نامکمل ہے۔ طبری کو آپ نے کتنا قابلِ یقین پایا؟ اسلامی تاریخ میں revisionists اور orientalists کو بھی پڑھا؟
محمد وارث
لائبریرین
جی میں نے اسلامی تاریخ میں زیادہ تر اسلامی مؤرخین ہی کو پڑھا ہے یا ایک آدھ مشہور کتاب جیسے فلپ ہٹی کی ہسٹری آف دی عربز وغیرہ۔ طبری مجھے تو مستند ہی لگتا ہے لیکن یہ ہے کہ اس نے ہر طرح کی روایات جمع کی ہیں یعنی ہر نکتہ نظر کو جمع کرنے کی کوشش کی ہے جس کی وجہ سے اس کی کتاب کچھ مسالک کے نزدیک متنازع ہو گئی ہے۔
فہد اشرف
محفلین
تاریخ قبل از اسلام کے حوالے سے کتاب کیسی ہے؟
سید عاطف علی
لائبریرین
بر سبیل تذکرہ ۔ کیا طبری انٹرنہٹ پر ( اردو میں) ہے ۔
بقول آزاد چائے والا اور ان کی طرح کے بہت سے لوگ آج کل سوشل میڈیا پر لیکچرز دیتے ہیں کہ بچوں کو اسکول کالج بھیجنے کی کوئی ضرورت نہیں ۔ ان کو شروع سے ہی کوئی ہنر سکھائیں تاکہ پیسہ کمایا جائے ۔ گویا زندگی کا مقصد پیسہ کمانا ہے ۔
محمد وارث
لائبریرین
مستند نہیں ہے اور شاید کوئی بھی اسلامی تاریخ، انبیا کرام کی تاریخ کے متعلق مختلف قسم کی غیر مستند روایات سے خالی نہیں ہے۔ پاکستان میں ایک زمانے میں طبری کا ایک ایڈیشن چھپا تھا جس میں قبل اسلام کی تاریخ سرے سے تھی ہی نہیں۔
جی پائریٹڈ کاپیاں موجود ہیں۔
سیما علی
لائبریرین
بہت اعلیٰ آپ کی بات بےحد مدلل
ستارہ کیا مری تقدیر کی خبر دے گا۔۔۔۔۔
ایک زمانہ تھا بڑا یقین تھا ستاروں پر !!!!پر وقت نے ثابت کیا یہ سب ہمارا واہمہ ہے ۔۔۔آدھے سے زیادہ Pisces اس لئیے اچھے لگتے کے ہم خود Pisces پر ہر ایک دوسرے سے اتنا مختلف کہ زمین آسمان کا فرق
آخری تدوین:
سیما علی
لائبریرین
کیا یاد دلا دیا آپ نے ہم عمری سے۔ ہماری زوجہ اکثر فرماتی ہیں کہ تم اگر غالب کے زمانے میں ہوتے تو غالب کے خادمِ خاص ہوتے، پاؤں بھی دابتے جاتے، شعر بھی سنتے جاتے اور غالب کو پیالے بھی بھر بھر کے دیئے جاتے، اللہ اللہ یہ رتبہ بلند ہماری قسمت میں کہاں، بس یہی "پونے دو سو سال" نگوڑے مار گئے۔
وارث میاں یہاں ہوتے اور کہہ رہے ہوتے
بیٹھے ہیں رہ گزر پہ ہم غیر ہمیں اٹھائے کیوں
محمل ابراہیم
لائبریرین
سیما علی
لائبریرین
سیما علی
لائبریرین
درست صد فی صد درست
وائے دیوانگیٔ شوق کہ ہر دم مجھ کو
آپ جانا اُدھر اور آپ ہی حیران ہونا
کوئی اس لہجے میں کہہ ہی نہیں سکتا ۔۔۔۔۔۔پھر
عشق سے طبیعت نے زیست کا مزا پایا
درد کی دوا پائی، دردِ لادوا پایا!!!!!!!!!!!
عشق کی آشفتہ سری یا اس کا بے محابا پن، اپنے اندر ایک ایسی آنچ رکھتا ہے جو خس و خاشاک عالم کو خاکستر میں بدل سکتی ہے۔ عشق ہی سے زندگی میں مزا ہے اور یہ عشق ہی درد کی دوا بھی ہے اور ایسا درد ہے جس کی کوئی دوا نہیں۔
عشق ہی سے زندگی میں مزا ہے اور یہ عشق ہی درد کی دوا بھی ہے اور ایسا درد ہے جس کی کوئی دوا نہیں۔
ظہیراحمدظہیر
لائبریرین
محمد وارث
لائبریرین
منظر نگاری اتنی ہی ضروری ہے جتنی اس کی ضرورت ہو، ناول میں مصنف کے پاس کسی قدر مارجن ہوتا ہے کہ وہ اپنی بات کو طول دے سکے لیکن مختصر افسانے میں ایسا کوئی مارجن نہیں ہوتا۔ افسانے میں مصنف کو اپنی بات نپے تلے انداز میں کہنی ہوتی ہے، اچھا اور چست پلاٹ، تیز اور دور رس مشاہدہ، مناسب کردار سازی، ضروری جزئیات کا خیال، اور افسانہ نگار اپنا منفرد اور یگانہ اسلوب۔ انہی سب چیزوں کے مجموعے ایک اچھا افسانہ تخیلق ہوتا ہے ورنہ رنگ پھیکا رہ جاتا ہے۔ باقی منظر نگاری کا تعلق، کہانی سے بھی ہوتا ہے۔ احمد ندیم قاسمی اگر پنجاب کے کسی گاؤں کی کہانی بیان کرتے ہوئے کماحقہ منظر نگاری نہیں کرے گا تو افسانہ پھیکا رہ جائے گا اور منٹو اگر ایک کھولی کی کہانی بیان کرتے ہوئے جزئیات میں کھو جائے گا تو بات بنے گی نہیں۔ اسی لیے اچھے افسانہ نگار ضرورت کے مطابق ہی اپنے قلم کا استعمال کرتے ہیں۔
محمد وارث
لائبریرین
اجی صاحب، ہم جیسے موج والوں کو بیگم کی نوج ہی اوج سے پاتال میں کھینچ سکتی ہے۔بلاکشانِ محبت کی رسم جاری ہے
وہی اٹھانا ہے پتھر جو سب سے بھاری ہے
وارث صاحب ، ایسا شعر کہنے کے بعد بھی شاعری ترک کردی؟! یہ بتائیے کہ اسد صاحب بیگم کی نوج سے شہید ہوئے یا آلامِ روزگار کی فوج سے؟
باقی شاعری ترک نہیں کی، بس برس ہا برس سے کہا کچھ نہیں، کبھی کوئی ایک آدھ مصرع ہوتا بھی ہے تو اس سے لاکھوں گنا اچھا کسی استاد کا شعر ذہن میں آ جاتا ہے اور صاحب اپنا سا منہ لے کر رہ جاتے ہیں۔
محمد شکیل خورشید
محفلین
محمد وارث
لائبریرین
جی آج کل بھی یہی طریقہ ہے، نہم دہم کی اردو کتاب میں غالب کی ایک آدھ غزل اور مختصر سا تعارف ہوتا ہے۔
غالب سے پہلے تو شاید اقبال ابھی رہتے ہیں کہ برصغیر کی نئی نسل کو ان شعرا سے معتارف کروایا جائے۔ برسبیل تذکرہ، میں نے اپنے تینوں بچوں کو ان کے بہت بچپن میں پیسوں کے لالچ میں غالب کی ایک غزل یاد کروا دی تھی، "دلِ ناداں تجھے ہوا کیا ہے"، آج بھی جب وہ یونیورسٹی کالج پہنچ چکے ہیں، ان کو غالب کا کوئی اور شعر یاد ہو نہ ہو لیکن اس غزل کا ایک آدھ شعر ضرور یاد ہوتا ہے۔