مدد درکار ہے! کتب اور کتب خانوں پر اشعار

[مہدی نقوی حجاز]

ایک تازہ شعر بحر متقارب مثمن سالم میں پیشِ خدمت ہے

کتابیں، کتابیں، کتابیں، کتابیں
پڑھائی، پڑھائی، پڑھائی، پڑھائی

اچھی کوشش ہے جاری رہیے البتہ بتا دیجیے کہ آمد ہے یا آورد

 

[مہدی نقوی حجاز]

حُبِّ احمدؐ سے ہو مزین تو
’’دل سے بہتر کوئی کتاب نہیں‘‘
(فصیح ربانی صاحب)

واہ جی ایمان تازہ کردیا
نام احمد (صلی اللہ علیہ و آلہ و سلم) لینے والے سدا آباد رہیں

 

[محمد بلال اعظم]

اچھی کوشش ہے جاری رہیے البتہ بتا دیجیے کہ آمد ہے یا آورد

نہ آمد نہ آورد
بس آپ اسے یہ سمجھیے کہ بقول فراز
اوروں کے قصیدے فقط آورد تھے مہدی
جو تجھ پہ کہے شعر وہ الہام سے اترے

 

[مہدی نقوی حجاز]

نہ آمد نہ آورد
بس آپ اسے یہ سمجھیے کہ بقول فراز
اوروں کے قصیدے فقط آورد تھے مہدی
جو تجھ پہ کہے شعر وہ الہام سے اترے

شعر اچھا ہے پر اصل نقل ہو تو کچھ سیکھ لیتے

 

[محب علوی]

جزاک اللہ اگر شاعر مل جاتا تو لطف دوبالا ہوجاتا

جاں نثار اختر

 

[سیما علی]

وہ عجب گھڑی تھی کہ جس گھڑی لیا درس نسخہ عشق کا
کہ کتابِ عقل طاق پر جوں دھری تھی، تیوں دھری رہی

بہترین بہت بہترین

 

[سیما علی]

سُرورِ علم ہے کیفِ شراب سے بہتر
کوئی رفیق نہیں ہے کتاب سے بہتر

 

[سیما علی]

قبروں میں نہیں ہم کو کتابوں میں اتارو
ہم لوگ محبت کی کہانی میں مریں ہیں

 

[سیما علی]

بارود کے بدلے ہاتھوں میں آ جائے کتاب تو اچھا ہو
اے کاش ہماری آنکھوں کا اکیسواں خواب تو اچھا ہو

غلام محمد قاصر

 

[سیما علی]

ہوا سے خشک کتابوں کے اڑ رہے ہیں ورق
مگر میں بھول چکی ہوں سب ان کے سبق
پروین شاکر

 

[یاسمین سکندر]

یہ سوچتا ہوں میں پڑھ رہا ہوں کتاب کیسی
دھواں دھواں ہیں لبوں کو چھوکر عبارتیں سب
اسلم حنیف

 

[جاسمن]

میرے کمرے کو سجھانے کی تمنا ہے تمھیں
میرے کمرے میں کتابوں کے سوا کچھ بھی نہیں

جون ایلیا

وارث بھائی! کتابیں رہ گئیں کمرے میں، آپ چلے گئے۔

 

[جاسمن]

ما ز آغاز و ز انجامِ جہاں بے خبریم
اوّل و آخرِ ایں کہنہ کتاب افتادہ است

ابو طالب کلیم کاشانی (ملک الشعرائے شاہجہانی)

ہم اس جہان کے آغاز اور انجام سے بے خبر ہیں کہ یہ ایک ایسی پرانی (بوسیدہ) کتاب ہے کہ جس کے شروع اور آخر کے ورق گر گئے ہیں۔

آہ!

 

[جاسمن]

لفظوں کے سینے شق ہیں، معنی عرق عرق ہیں
مَیں نے کتاب، ہستی کھولی جہاں جہاں سے

بہت خوب!
کیا کتاب میں ب کے نیچے زیر نہیں ہو گا؟

 

[جاسمن]

ایک تازہ شعر بحر متقارب مثمن سالم میں پیشِ خدمت ہے

کتابیں، کتابیں، کتابیں، کتابیں
پڑھائی، پڑھائی، پڑھائی، پڑھائی

دھائی، دھائی، دھائی، دھائی

 

[جاسمن]

قبروں میں نہیں ہم کو کتابوں میں اتارو
ہم لوگ محبت کی کہانی میں مریں ہیں

تصحیح کر دیجیے۔
مرے ہیں

 

[سیما علی]

قبروں میں نہیں ہم کو کتابوں میں اتارو
ہم لوگ محبت کی کہانی میں مرے

قبروں میں نہیں ہم کو کتابوں میں اتارو
ہم لوگ محبت کی کہانی میں مرے ہیں

بٹیا کردی ہے تصیح
بہت شکریہ
اوپر کوشش کی تو تدوین نہیں ہو رہی تھی۔۔۔

 

[علی وقار]

کتابوں سے کبھی گزرو تو یُوں کردار ملتے ہیں
گئے وقتوں کی ڈیوڑھی میں کھڑے کچھ یار ملتے ہیں

جسے ہم دل کا ویرانہ سمجھ کر چھوڑ آئے تھے
وہاں اُجڑے ہوئے شہروں کے کچھ آثار ملتے ہیں

 

[نیرنگ خیال]

اوکھے لفظاں دی سوکھی تفسیر
شیو دی کتاب تے میں
نیرنگ خیال