مزاجِ گرامی کی حد ہو گئی

[راحیل فاروق]

جہاں نیک نامی کی حد ہو گئی
سمجھ، تشنہ کامی کی حد ہو گئی

روا نا روا میں پھنسے رہ گئے
غلامو! غلامی کی حد ہو گئی

اُدھر ذرہ ذرہ ہوا آفتاب
اِدھر نا تمامی کی حد ہو گئی

وہی ایک خامی جنوں کی رہی
اور اس ایک خامی کی حد ہو گئی

خفا کس سے راحیلؔ صاحب نہیں؟
مزاجِ گرامی کی حد ہو گئی

فغاں قریہ قریہ، غزل شہر شہر
پریشاں کلامی کی حد ہو گئی

صبا ہو گئی قاصدوں میں شمار
شگفتہ پیامی کی حد ہو گئی

بہت راہ دیکھا کیے منتظر
تری خوش خرامی کی حد ہو گئی

راحیلؔ فاروق​

مشمولہ: زار

 

[محمد تابش صدیقی]

لاجواب راحیل بھائی، حد ہو گئی.

جہاں نیک نامی کی حد ہو گئی
سمجھ، تشنہ کامی کی حد ہو گئی

روا نا روا میں پھنسے رہ گئے
غلامو! غلامی کی حد ہو گئی

اُدھر ذرہ ذرہ ہوا آفتاب
اِدھر نا تمامی کی حد ہو گئی

وہی ایک خامی جنوں کی رہی
اور اس ایک خامی کی حد ہو گئی

خفا کس سے راحیلؔ صاحب نہیں؟
مزاجِ گرامی کی حد ہو گئی

راحیلؔ فاروق​

مشمولہ: زار

 

[محمد وارث]

کیا کہنے قبلہ، لاجواب!

 

[صفی حیدر]

واہ بہت خوب ۔۔۔۔ لاجواب کلام ہے ۔۔۔۔

 

[کاشف اختر]

بہت خوب! حد سے بے حد ہوگئی غزل، واقعی کیا خوبصورت کلام ہے !

 

[نایاب]

خوبصورت غزل
بہت دعائیں

 

[حسن محمود جماعتی]

وہی ایک خامی جنوں کی رہی
اور اس ایک خامی کی حد ہو گئی

راحیل بھائی کمال است۔ بہت خوب۔

 

[حسن ترمذی]

وہی ایک خامی جنوں کی رہی
اور اس ایک خامی کی حد ہو گئی

واہ واہ راحیل بھائی لا جواب
یعنی حد ہوگئی
کمال کردیا

 

[غدیر زھرا]

کیا کہنے بہت خوب..ہر شعر عمدہ

 

[نکتہ ور]

آپ بھی نا بس، حد کر دیتے ہیں، اب کیا کہیں ہم

 

[عباس اعوان]

بے حد ہو گئی۔
کیا ہی کہنے برادر، بہت خوب۔

 

[فاتح]

واہ واہ کیا کہنے جناب۔ لطف آ گیا

 

[راحیل فاروق]

لاجواب راحیل بھائی، حد ہو گئی.

کیا کہنے قبلہ، لاجواب!

بہت شکریہ، برادرانِ عزیز۔ آخر کے تین شعر بعد میں شامل کیے۔ امید ہے وہ بھی نظر سے گزرے ہوں گے۔

واہ بہت خوب ۔۔۔۔ لاجواب کلام ہے ۔۔۔۔

شکریہ، صفی بھائی۔

بہت خوب! حد سے بے حد ہوگئی غزل، واقعی کیا خوبصورت کلام ہے !

آپ کی محبتوں کا مقروض، کاشف بھائی۔

خوبصورت غزل
بہت دعائیں

اتنے دنوں کے بعد نظر آئے، نایاب بھائی۔ شکریہ اور خوش آمدید!

راحیل بھائی کمال است۔ بہت خوب۔

آپ کے ذوق کا اندازہ ہونے کے بعد دگنا شکریہ، جماعتی صاحب۔

واہ واہ راحیل بھائی لا جواب
یعنی حد ہوگئی
کمال کردیا

بےحد شکریہ، ترمذی بھائی۔

کیا کہنے بہت خوب..ہر شعر عمدہ

سراپا سپاس، غدیر بی بی۔

آپ بھی نا بس، حد کر دیتے ہیں، اب کیا کہیں ہم

بے حد ہو گئی۔
کیا ہی کہنے برادر، بہت خوب۔

متشکرم، برادرم۔ اتنے دنوں کے بعد اپنے کسی مراسلے پہ آپ کے نقشِ پا دیکھ کر خوشی ہوئی۔

واہ واہ کیا کہنے جناب۔ لطف آ گیا

آپ کو لطف آیا تو میرے لیے فخر کا مقام ہے، فاتح بھائی۔ بہت بہت شکریہ!

 

[مقدس]

واہ واہ بھیا

 

[محمد امین]

سبحان اللہ۔۔ کیا زبردست کلام ہے۔ ان لوگوں کے منہ پر طمانچہ، کہ جو سمجھتے ہیں غزل میں موضوعات ختم ہوگئے ہیں۔۔۔

 

[نور وجدان]

بہت خوب

 

[الف عین]

واہ واہ، پھر وہی لطف آیا۔

 

[محمد خلیل الرحمٰن]

مزے دار مزےدار۔ واہ

 

[جاسمن]

حد ہو گئی....اس قدر خوبصورت غزل...ہر شعر ایک فن پارہ...
واہ.کمال کر دیا.
شاعر ہے راحیل غضب کا...
اور ہم کافر نہیں ہیں.

 

[ظہیراحمدظہیر]

واہ واہ ! کیا بات ہے راحیل بھائی ! کیا تغزل ہے !! شاد آباد رہیئے!!

سرگوشی: بہت داد آپ کیلئے

ہوئے جارہی ہے غزل پر غزل
میاں خوش کلامی کی حد ہوگئی