مزاحیہ اقوال

[گُلِ یاسمیں]

زندگی مختصر ہے، اس لیے ہر وہ کھانا کھائیں جو آپ کو خوش کرے، اور بعد میں وزن کرنے والی مشین کو نظر انداز کریں۔

 

[گُلِ یاسمیں]

کام وہ چیز ہے جو آپ کو تب یاد آتی ہے جب آپ آرام کر رہے ہوتے ہیں۔

 

[گُلِ یاسمیں]

اگر نیند دنیا کی سب سے بہترین چیز ہے، تو الارم کلاک یقیناً سب سے بڑا ولن ہے۔

 

[عبدالصمدچیمہ]

اپنے مراسلہ میٹر میں اضافے کے چکر میں جانے کیا کیا لکھتی جارہی ہیں۔

 

[گُلِ یاسمیں]

میں نے فیصلہ کیا کہ وزن کم کروں گا، لیکن برگر نے مجھے آنکھ ماری اور میں ہار گیا۔ (بقول محمد عبدالرؤوف بھائی)

 

[گُلِ یاسمیں]

اپنے مراسلہ میٹر میں اضافے کے چکر میں جانے کیا کیا لکھتی جارہی ہیں۔

ایسے تھوڑی اضافہ ہوتا ہے مراسلہ میٹر میں ۔ یہ تو عقلمندی کی باتیں بتائی جا رہی ہیں۔ اب عمل کرنا نہ کرنا آپ کی مرضی پر منحصر ہے۔

 

[گُلِ یاسمیں]

اگر چائے نہ ہو تو زندگی ایسی ہو جاتی ہے جیسے موبائل بغیر بیٹری کے۔ (بقول سید عاطف علی بھیا)

 

[گُلِ یاسمیں]

اگر زندگی سیکھنے کا نام ہے، تو میرے استاد وائی فائی سگنل ہیں—کبھی آتے ہیں، کبھی جاتے ہیں، اسی لئے میں محفل میں کم کم دکھائی دیتا ہوں۔ (بقول عبدالصمدچیمہ )

 

[گُلِ یاسمیں]

میں نے سنا تھا کہ مسکرانے سے زندگی لمبی ہوتی ہے، اسی لیے اب ہر وقت آئینے کے سامنے مسکراتا ہوں۔ کوئی مانے یا نہ مانے۔ (بقول محمد عدنان اکبری نقیبی بھیا)

 

[سید عاطف علی]

میں نے فیصلہ کیا کہ وزن کم کروں گا، لیکن برگر نے مجھے آنکھ ماری اور میں ہار گیا۔ (بقول محمد عبدالرؤوف بھائی)

ایسا ہی کسی کے ساتھ گاجر کے حلوے نے کیا۔ نتیجہ یہ نکلا کہ گاجر کے حلوے کاوزن کم ہو گیا۔

 

[گُلِ یاسمیں]

میں نے سوچا تھا کہ بڑے ہو کر سمجھدار بنوں گا، لیکن اب تو لگتا ہے بچپن کا وہی خواب بہتر تھا۔ (بقول فہیم بھیا )

 

[گُلِ یاسمیں]

مجھے ورزش پسند ہے... خاص طور پر جب دوسرے لوگ کرتے ہیں اور میں ان کی تعریف کرتا ہوں۔( بقول عظیم )

 

[سید عاطف علی]

میں نے سوچا تھا کہ بڑے ہو کر سمجھدار بنوں گا، لیکن اب تو لگتا ہے بچپن کا وہی خواب بہتر تھا۔ (بقول فہیم بھیا )

خوش قسمت ہیں ماشاءاللہ سے بڑے ہو کر سمجھدار ہی بنے۔

 

[گُلِ یاسمیں]

جو لوگ کہتے ہیں کہ 'وقت ضائع نہ کرو'، وہ ہمیشہ فون پر گیم کھیلتے پکڑے جاتے ہیں۔ (بقول اکمل زیدی )

 

[گُلِ یاسمیں]

خوش قسمت ہیں ماشاءاللہ سے بڑے ہو کر سمجھدار ہی بنے۔

یہ تو آپ اپنے بارے کہہ رہے ہیں نا۔ ہم نے فہیم بھیا کی بات کی تھی۔

 

[گُلِ یاسمیں]

آج کل لوگ اتنے مصروف ہیں کہ سلام کے بعد فوراً کہتے ہیں: 'چلو، تم اپنا حال خود ہی بتا دو۔ ( بقول اکمل زیدی )

 

[اکمل زیدی]

جو لوگ کہتے ہیں کہ 'وقت ضائع نہ کرو'، وہ ہمیشہ فون پر گیم کھیلتے پکڑے جاتے ہیں۔ (بقول اکمل زیدی )

کچھ دیر فرض کیجیے موبائیل نہ ہو
سارا جہاں مجھے تو فارغ دکھائی دے ۔ ۔ ۔

 

[گُلِ یاسمیں]

کچھ دیر فرض کیجیے موبائیل نہ ہو
سارا جہاں مجھے تو فارغ دکھائی دے ۔ ۔ ۔

سب فرض کرو سچ تھوڑی ہوتے ہیں۔

 

[اکمل زیدی]

سب فرض کرو سچ تھوڑی ہوتے ہیں۔

لیکن ہم جو ٹھوڈی پکڑ کر کہہ رہے ہیں وہ سچ ہے ۔۔۔

 

[گُلِ یاسمیں]

لیکن ہم جو ٹھوڈی پکڑ کر کہہ رہے ہیں وہ سچ ہے ۔۔۔

کیا معلوم کہ کوئی گردن ہاتھوں میں جکڑے آپ سے سچ کہلوا رہا ہو۔۔۔۔۔۔۔۔۔۔۔۔