غیر مسلموں کے عقائد باطل ہیں ایسا آپ کا بطور مسلمان ماننا ہے۔ اسی بنیاد پر غیر مسلم آپ کے اسلامی عقائد کو باطل مانتے ہیں۔ اگر سچ مانتے تو خود ہی مسلمان نہ ہو جاتے؟ جیسے آپ کو بطور مسلمان شہری اپنے عقائد معاشرہ میں پھیلانے کا حق حاصل ہے وہی حق غیر مسلم شہریوں کو بھی دیں۔ بطور صورت دیگر یہ ان کے ساتھ نا انصافی ہوگی۔
یعنی آپ خود اقرار کر رہے ہیں کہ اسلامی ریاست مسلم اور غیر مسلم شہریوں میں فرق کرتی ہے۔ اور اس کے باوجود پوری ڈھٹائی سے اس کا دفاع کر رہے ہیں۔
جیسے نوبیل انعام یافتہ سائنسدان ڈاکٹر عبدالسلام کیساتھ برتاؤ کیا گیا تھا کیونکہ وہ قادیانی تھے؟
دو مختلف مذہب رکھنے والے شہریوں کے مابین تنازعہ کو اس ملک کا آئین و قانون حل کرتا ہے۔ جبکہ دو مختلف ممالک کے مابین تنازعات کو اقوام متحدہ، عالمی عدالت انصاف وغیرہ دیکھتے ہیں۔ یعنی کوئی تیسری پارٹی ثالث بن کر مسئلہ حل کرتی ہے۔ چونکہ اپنے اپنے مذہب یا نظریہ کے مطابق دونوں فریق خود کو ٹھیک کہتے ہیں اسلئے اس کا حل کوئی تیسرا نکالتا ہے جسے ثالث مقرر کیا جاتا ہے۔