مسنگ یو بابا جانی

[مقدس]

اللہ تعالٰی اپنے پسندیدہ لوگوں کو اپنے پاس جلد ہی بلا لیتا ہے

یہی بات ہے ہماری عزیز ترین ہستیاں جن کے بغیر زندگی گزارنا مشکل لگے۔ وہی اللہ کے پسندیدہ بندوں میں شامل ہوتیں ہیں۔۔

 

[محمد خلیل الرحمٰن]

بابا کو گئے ساڑھے چار سال ہونے کو ہیں پر کبھی کبھی لگتا ہے کہ ابھی کل ہی کی بات ہو۔۔ بابا کو یقین دلانا کہ کچھ نہیں ہونا۔۔ ایک چھوٹا سا آپریشن ہی تو ہے۔۔ صبح تک آپ نے بالکل ٹھیک ہو جانا۔۔ پھر کتنی دیر ان کا ہاتھ تھام کر ان سے ڈھیر ساری باتیں کرنا۔۔۔ بابا کا سر دبانا۔۔۔ ان کے ماتھے پر بار بار پیار کرنا۔۔ ان کے ہاتھوں کو انجانے میں بار بار اپنی آنکھوں سے لگانا۔۔ اور پھر ان پر پیار کرنا۔۔ تب بابا کا ایک ایسی فرمائش کا اظہار کرنا جو ہم میں سے کسی کے وہم وگمان میں بھی نہ تھی۔۔ اور امی پریشان کہ شاید میں اس کے لیے تیار نہ ہوں لیکن اپنے بابا سے زیادہ تو عزیز تو کچھ نہ تھا۔۔ بابا کی آنکھوں میں تیرتی وہ خوشی کی لہر۔۔ ابھی بھی جب سوچوں تو مجھے ایک بھرپور خوشی کا احساس ہوتا ہے۔۔ میری ذات میرے بابا کے لیے اس وقت اطمینان کا باعث بنی جب ان کو اس کی سب سے زیادہ ضرورت تھی۔۔۔ اور میرے لیے، میری زندگی کا سب سے بہترین فیصلہ جس میں میرے بابا کی رضا شامل تھی۔۔

بابا! آج بھی وہ لمحے شدت سے یاد آتے ہیں۔۔ جو ہاسپٹل کے کاریڈور میں ہم نے گزارے۔۔ آپ کو پتا تھا ناں کہ اب آپ نے واپس نہیں آنا تبھی اپنے حصے کی ساری ذمہ داریاں نمٹانے کی کوشش کرتے رہے۔۔ میرے بار بار تسلی دینے پر وہ مسکراہٹ مجھے ابھی بھی یاد آتی ہے تو آنسو رکنے کا نام نہیں لیتے۔۔ اتنی بھی کیا جلدی تھی جانے کی بھلا؟ ابھی تو ڈھیروں خوشیاں شئیر کرنی تھیں آپ سے۔۔ اتنی ساری باتیں کرنی تھیں۔۔ اتنا کچھ سننا تھا۔۔ سنانا تھا بابا جانی۔۔

آپ ہمیشہ کہتے تھے امی سے کہ بھئی ابھی سے بتا رہا ہوں کہ اپنے گرینڈ چلڈرن کو میں نے خوب بگاڑنا ہے۔ تو پھر کیوں اتنی جلدی کری جانے میں بابا؟ طلحہ کو آپ کی تصویر دکھا کر کہتی ہوں کہ بولو کون ہیں؟ تو وہ کہتا ہے ببا ببا۔۔ پتا ہے آپ کو کہ کتنا کچھ مس کرے گا وہ؟ اسے کندھے پر بٹھا کر ویسے سیر کون کروائے گا جیسے ہم نے کی تھی۔۔ نیو ائیر لائٹس دیکھنے کون لے جائے گا۔۔۔ اور وہ ڈھیروں فائر ورکس۔۔

پتا ہے آپ کو۔۔ آپ کے جانے کے بعد کوئی لائٹس دیکھنے نہیں جاتا۔۔ کوئی فائر ورکس نہیں خریدتا۔۔ نیو ائیر ایسے ہی گزر جاتا ہے۔۔ سالگرہ پر کوئی فیری کیکس نہیں بناتا کہ ان میں بابا کا پیار شامل کہاں سے کریں۔ اور ہمیں عیدی بھی کوئی نہیں دیتا اب۔۔ اور پتا ہے آپ کو امی نے اب ڈانٹنا بھی چھوڑ دیا ہے۔۔ اور کھانا نہ کھانے پر غصہ بھی نہیں کرتیں۔ خاموش سی ہو گئی ہیں بالکل۔۔ پر مجھے پتا ہے کہ آپ ادھر اوپر سے سب دیکھ رہے ہیں۔۔ اور خوش ہو رہے ہیں کہ ہم بالکل ویسے ہیں۔۔ جیسا آپ نے ہمیں بنانا چاہا تھا۔۔ لو یو آلویز بابا جانی۔۔

سب کچھ بدل گیا ہے بس ایک آپ کے جانے سے۔۔

ایک خوبصورت اور دل کی گہرائیوں سے لکھی ہوئی تحریر۔

بس اپنے بابا جانی کو، جیسے اچھے وہ تھے، ہمیشہ اپنی یادوں میں رکھیے اور ان کے لیے دعا فرماتے رہیے۔

 

[نایاب]

ماواں ٹھنڈیاں چھاواں ۔۔۔۔۔۔۔۔ اور باپ شفقت بھرے سائے
بیٹی کی محبت اور باپ کے پیار سے سرشار حرف حرف مہک رہا ہے ۔
مجھے غم ناک تو نہ لگی بلکہ بیٹی پر فخر محسوس ہوا ۔
بیٹیاں یو نہی تو دل کا سکون نہیں کہلاتیں ۔۔۔۔۔۔۔
حق تعالی آپ کے مرحوم والد محترم پر اپنا کرم فرماتے بلند درجات سے نوازے آمین ۔
بہت دعائیں

 

[مقدس]

جب بھی بابا جانی یاد آئیں تو ڈھیر ساری دعائیں کیا کریں اپیا ۔۔

وہ تو کرتی ہوں ناں چھوٹے بھائی

 

[مقدس]

بھائی وقت سے بڑا مرہم اور کوئی نہیں ہوتا جب امی گئی تھی تب میں کویت میں تھی عدنان کو ہی فون آیا تھا بھائی کا پاکستان سے اور اطلاع دی عدنان نے مجھے نہیں بتایا تھا بس فون کر کے کہاں اپنے اور آیان کے دو دو سوٹ بیگ میں رکھ لو اور ہسپتال کی طرف آ جاؤ گاڑی لے کر میں پوچھتی رہی کے کیا ہوا ہے لیکن نہیں بتایا مجھے جب لاہور ائیر پورٹ سے باہر نکلے تب بتایا مجھے امی کا

بس سارے راستے مجھے یہ ہی کہتے رہے ان کے دوست کا ایکسیڈنٹ ہو گیا ہے لیکن امی کا نہیں بتا رہے تھے

 

[مقدس]

حادثے ہوکر ہی رہتےہیں۔ کچھ کے لیے انسان کو ذہنی طور پر حالات اور واقعات تیار کر دیتے ہیں اور کچھ اچانک ہو جانے کے لیے لکھے گئےہوتے ہیں۔ حادثہ جتنا بھی بڑا ہو، اس کے ہو جانے سے کچھ ٹھہر نہیں جاتا لیکن بہت گہرا اثر ضرور رہ جاتا ہے۔ بہتر یہی ہے کہ روز مرہ زندگی کو متاثر کیے بغیر اپنے آپ کو مضبوط اور دوسرے معاملات میں مصروف کر لیا جائے۔ باقی تسلیاں اور باتیں تو بے شمار لوگ کرتے ہیں جن سے میرا نہیں خیال کہ کوئی فرق پڑتا ہے۔ راہ پیا جانے تے واہ پیا جانے۔

جزاک اللہ سلمان بھیا۔۔آئہ تھنک آئی نیڈڈ سم تھنگ لائیک دس۔۔۔ میں کوشش کرتی ہوں ہمیشہ کہ خود کو مصروف رکھوں پر کبھی کبھی پتا نہیں کیوں ہر چیز پر حاوی ہو جاتی ہے یہ کیفیت

 

[ایچ اے خان]

اللہ ہم سب کے والدین کو اور تمام احباب کو جو اللہ کو پیارے ہوچکے جنت الفردوس میں اعلیٰ مقام عطا فرمائے۔ ہمیں ان کے درجات بڑھنے کا ذریعہ بناے اور ہم سب کو قیامت کے دن حوض کوثر سے حضورپاک (ص) کے ہاتھوں سے پانی پینا نصیب فرمائے۔ حضور پاک (ص) کی شفاعت نصیب فرمائے

 

[مقدس]

تین دفعہ پڑھی گئی سورتہ رحمٰن کا ثواب آپ کے بابا کے ایصال ثواب کے لئے پیش ہیں ۔قبول فرمالیں آپ اور ان کا نام لے کر ایصال ثواب کر دیں۔
ڈھیروں ڈھیر دعائیں آپ کے والد محترم کے لئے۔اللہ عزوجل آپ کے بابا جانی کو آپ صلی اللہ علیہ وسلم کے قربت میں جنت میں جگہ عطا فرمائے آمین۔
باقی دعا آپ خود کر لینا ۔میری چودہ فروری کو پاکستان واپسی ہے دبئی سے میرے پاس صرف ہفتہ کا دن ہے شاید کوئی انٹرویو کال آئے اور سلیکٹ ہو جائوں مگر پھر بھی واپسی پاکستان لاہور میں شاہین ایئر لائن سے ہیں۔
اللہ عزوجل آپ کو اپنی محبت ،دوستی و ولایت دے دے پھر آپ کو نہ کسی کی خوشی سےغرض ہو گی نہ ہی غم سے صرف آپ کا مقصود مقصود کل یعنی اللہ عزوجل ہی ہو گا جو کہ ہمیشہ ہمیشہ رہے گا۔

جزاک اللہ بلال بھائی

 

[مقدس]

ڈھیروں دعائیں آپ اور آپکے گھر والوں کیلئے۔۔۔۔۔۔۔
الفاظ کا ذخیرہ یک لخت جیسے گم سا ہو گیا ہے۔۔۔۔۔
بس یوں محسوس ہو رہا ہے کہ ہم اپنے فرائض پورے نہیں کر پاتے اور اتنی قدر نہیں کر پاتے جس کے وہ مستحق ہیں۔۔۔۔اور احساس ان کو کھونے کے بعد ہو پاتا ہے۔۔۔

جزاک اللہ مریم

 

[مقدس]

بہن، الفاظ نہیں ہیں.
اللہ تعالٰی ان کے درجات بلند فرمائے. آمین.

آمین جزاک اللہ تابش بھائی

 

[مقدس]

اپنے گرینڈ چلڈرن کو بگاڑنا ہے پھر کیوں اتنی جلدی کی۔۔۔۔۔۔۔معصوم گلہ یا وہ خواہش جس سے اپنے بے نیاز ہوتے ہیں مگر پکار اللہ کو رہے ہوتے ہیں۔۔۔۔ اللہ ہمت دے


فاتح بھائی ! آپ کی لعنت دینا اچھا نہیں لگا اور آپ جیسا با ہمت انسان روتا ہوئے کیسے لگے گا۔۔۔۔۔۔۔آپ کی غزلیں وہ سارے آنسو قاری کو تمھادیتی ہیں ۔۔۔یہ لو۔۔۔۔۔۔مل کے دکھ کو بانٹ لو۔۔۔۔۔اب بھی بانٹ لیں۔۔۔۔۔۔۔۔دکھ کو جب تک اپنا سمجھیں گے وہ نکلے گا نہیں ۔۔۔ آپ سے بہتر اس حقیقت کو کوئی جان نہیں سکتا

جزاک اللہ سعدیہ

 

[مقدس]

 

[متلاشی]

بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا ۔۔۔!
اللہ تعالٰی انکل مرحوم کو جنت الفردوس میں اعلیٰ مقام عطا فرمائے ۔ اورآپ سب لوگوں کو صبرِ جمیل عطا فرمائے ۔۔۔

 

[مقدس]

ایک خوبصورت اور دل کی گہرائیوں سے لکھی ہوئی تحریر۔

بس اپنے بابا جانی کو، جیسے اچھے وہ تھے، ہمیشہ اپنی یادوں میں رکھیے اور ان کے لیے دعا فرماتے رہیے۔

جزاک اللہ بھیا

 

[مقدس]

ماواں ٹھنڈیاں چھاواں ۔۔۔۔۔۔۔۔ اور باپ شفقت بھرے سائے
بیٹی کی محبت اور باپ کے پیار سے سرشار حرف حرف مہک رہا ہے ۔
مجھے غم ناک تو نہ لگی بلکہ بیٹی پر فخر محسوس ہوا ۔
بیٹیاں یو نہی تو دل کا سکون نہیں کہلاتیں ۔۔۔۔۔۔۔
حق تعالی آپ کے مرحوم والد محترم پر اپنا کرم فرماتے بلند درجات سے نوازے آمین ۔
بہت دعائیں

جزاک اللہ نایاب بھیا۔۔ پلیز میرے لیے دعا کیجئے گا بھیا

 

[مقدس]

اللہ ہم سب کے والدین کو اور تمام احباب کو جو اللہ کو پیارے ہوچکے جنت الفردوس میں اعلیٰ مقام عطا فرمائے۔ ہمیں ان کے درجات بڑھنے کا ذریعہ بناے اور ہم سب کو قیامت کے دن حوض کوثر سے حضورپاک (ص) کے ہاتھوں سے پانی پینا نصیب فرمائے۔ حضور پاک (ص) کی شفاعت نصیب فرمائے

آمین ثم آمین ۔۔۔ جزاک اللہ ڈاکٹر انکل

 

[مقدس]

بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا ۔۔۔!
اللہ تعالٰی انکل مرحوم کو جنت الفردوس میں اعلیٰ مقام عطا فرمائے ۔ اورآپ سب لوگوں کو صبرِ جمیل عطا فرمائے ۔۔۔

جزاک اللہ متلاشی بھیا ۔۔ آمین

 

[باباجی]

ہمممم
جب الفاظ ختم ہوجائیں کسی کو تسلی دینے کے لیئے تو سمجھ ویسا ہی دکھ آپ بھی محسوس کرتے ہیں ۔۔ پر گڑیا نے تو بیان کر ڈالا تڑپادیا ہم جیسے سخت دل اور بے رحم لوگوں کو
جنہیں اپنے والد کی وفات کے بعد ایسا ہونا پڑا ۔۔
گڑیا تم بہت خوش قسمت ہو کہ اپنے بابا کے ساتھ تم نے اتنے اچھے پیارے دن اور وقت گزارا ان سے ڈھیروں باتیں کی
میری تو جب اپنے بابا سے دوستی ہوئی اس کے 2،3 ماہ بعد وہ وفات پا گئے ، جب وقت آیا کہ میں ان کا ساتھ دوں تو یک دم وہ چلے گئے ہم ان کے جنازے کو کندھا بھی نہ دے سکے نا ہی نماز جنازہ میں شریک ہوسکے بس اپنے ہاتھوں قبر میں اتارا اور سب کچھ ختم سا ہوگیا
اس سے پہلے میں ان سے ڈرتا رہا دور رہتا تھا پھر ایک دن اچانک مجھے خیال آیا کہ وہ جب بھی کوئی کام ہو تو فوراً کردیتے ہیں تو میرا فرض ہے ان کی خدمت کرنا
لیکن وہ اتنے خود دار تھے کہ مجھے ٹھیک طرح سے خدمت بھی نہ کرنے دی
اور ان کے بعد پتا چلا کہ باپ تو قلعہ ہوتا ہے اپنے گھر والوں کے لیئے
تو جب بھی مجھے اپنے بابا یاد آتے ہیں میں اور ہمت پکڑتا ہوں ان کی مغفرت کی دعا کرتا ہوں
اور یہ بھی دیکھو کتنے لوگ ہیں یہاں جو اپنی تکلیف بھول کر باقیوں کو دلاسا دیتے ہیں
چلو شاباش بہادر بنو گڑیا

 

[ناصر رانا]

سانحے وہ تھے کہ پتھرا گئیں آنکھیں میری
زخم یہ ہیں تو مرے دل کو بھی پتھر کر دے

صرف آنسو ہی اگر دستِ کرم دیتا ہے
میری اُجڑی ہوئی آنکھوں کو سمندر کر دے
از احمد فراز​

 

[مقدس]

ہمممم
جب الفاظ ختم ہوجائیں کسی کو تسلی دینے کے لیئے تو سمجھ ویسا ہی دکھ آپ بھی محسوس کرتے ہیں ۔۔ پر گڑیا نے تو بیان کر ڈالا تڑپادیا ہم جیسے سخت دل اور بے رحم لوگوں کو
جنہیں اپنے والد کی وفات کے بعد ایسا ہونا پڑا ۔۔
گڑیا تم بہت خوش قسمت ہو کہ اپنے بابا کے ساتھ تم نے اتنے اچھے پیارے دن اور وقت گزارا ان سے ڈھیروں باتیں کی
میری تو جب اپنے بابا سے دوستی ہوئی اس کے 2،3 ماہ بعد وہ وفات پا گئے ، جب وقت آیا کہ میں ان کا ساتھ دوں تو یک دم وہ چلے گئے ہم ان کے جنازے کو کندھا بھی نہ دے سکے نا ہی نماز جنازہ میں شریک ہوسکے بس اپنے ہاتھوں قبر میں اتارا اور سب کچھ ختم سا ہوگیا
اس سے پہلے میں ان سے ڈرتا رہا دور رہتا تھا پھر ایک دن اچانک مجھے خیال آیا کہ وہ جب بھی کوئی کام ہو تو فوراً کردیتے ہیں تو میرا فرض ہے ان کی خدمت کرنا
لیکن وہ اتنے خود دار تھے کہ مجھے ٹھیک طرح سے خدمت بھی نہ کرنے دی
اور ان کے بعد پتا چلا کہ باپ تو قلعہ ہوتا ہے اپنے گھر والوں کے لیئے
تو جب بھی مجھے اپنے بابا یاد آتے ہیں میں اور ہمت پکڑتا ہوں ان کی مغفرت کی دعا کرتا ہوں
اور یہ بھی دیکھو کتنے لوگ ہیں یہاں جو اپنی تکلیف بھول کر باقیوں کو دلاسا دیتے ہیں
چلو شاباش بہادر بنو گڑیا

جزاک اللہ فراز بھائی ۔۔